1 Ɓakɔlítɔ 16:1 - Ɔngana á Kɛ̌kɛ

¹ Cɔ, ka moangɔ á kɔngɔa kema ka ɓaɓêki á ka Yɛusalɛ́ma, geani phɔtɔ ɓó ɓíndɔ ɗéněngoɗi Ɓagalatía.

1 Ɓakɔlítɔ 16:1 Iomraidhean Croise

Ekuma á ɓateki 11:28

Ka ɓɔ moci ina akɛ Agábɔ, áɔɔ́tɔa nyɔngɔ ka ɓukpɛkpɛ á Měma á kanga ɓojeɗe gea, monganya aguande ka mokonda bui. Monganya ndɔ ɗágú gǎkɛ ka matú á moamɛ ndea Lɔ́ma, ina akɛ Kɔɔdíɔ.

Ekuma á ɓateki 11:30

Ɓagbɛga ɓáogea ɓó. Baanába na Saúlɔ ɓáotanga imɔna ndɔ ka ɓagbɛga á kanisa á ka Yudɛ́a.

Ekuma á ɓateki 16:6

Pɔ́lɔ na ɓadakɛ ɓáɔnyɛ́nya ka nji bui á Phuigía na Galatía nga, Měma á kanga ɓojeɗe ɗáéimisíí tɔ̌miaga á nyɔngɔ á Mokonga ka nji á ka Asía.

Ekuma á ɓateki 18:23

Mbusa á ika kó k'ésa ábɔa, áoga. Áɔtɔmba nji moci-moci á Galatía na Phuigía n'aógbagisaga ɓagoigi ɓɔbu ka měma.

Ekuma á ɓateki 24:17

Cɔ, ɓî ɗékétú ka Yɛusalɛ́ma ka ɓasaga ɓásii, ɗébiki goto ka nyɔngɔ á gaba á imɔna ka ɓato-ékuna nɛmɔ, na phúia ɔ́phɛ́ɔ.

Ekuma á ɓateki 9:13

Ananía áonsikisia te: «Mɔkɔta, ɓakpa ɓásii ɓámɔtɔ̌migi nyɔngɔ á nkpa ndɔ na ɓojeɗe bui nde ɗégǐí ɓaɓêki nɛkɔ, ɓundɔ ɓá ka Yɛusalɛ́ma.

Ekuma á ɓateki 9:41

Pɛ́tɛɛ áondunga ka njaga, áonenga ka mesia akɛ. Mpɔ, áɔ̌ɔphana ɓaɓêki na ɓake á k'ekusa ɓɔbu, áɔ̌ɔnisa Tabíta n'aoenda.

Ɓalɔ́ma 12:13

Ótaɓeani ɓato á Mokonga ka kema nde ɓá na siki í. Óseseani ɓunde ɓáonódonda.

1 Ɓakɔlítɔ 11:34

Aoɓá nkpa n'ana nja, áeɛgɛ k'éndu nɛkɛ, ka ɓangisa gea, mbenɔ nde ɓoodondanaga, Mokonga katenɛmbɛ nyɔngɔ nɛnu. Cɔ, nɛɓɔngisiagande nyɔngɔ nɛngbo, nnde ajigi, mbenɔ nde nejuande mɔtɛ-anu.

1 Ɓakɔlítɔ 16:15

Ɓooúba gea Sɛtɛphána n'ekombo nɛkɛ ɓánde ɓakpa nde ɗáɓámɓeeki Kiísito k'ama mosá-mosá ka ntanga-nji ndea ka Akáya. Ɓɔ ɓáunge ɓáɔ̌bɛɗaneaga ɓaɓêki. Ɓaya, nenóɗengemisigi gea,

1 Ɓakɔlítɔ 4:17

Kaɓondɔ unge, nenteki Timɔtɛ́ɔ mɔtɛ-anu. Yɛ, ande miki nɛmɔ ékondi n'ande nto á tambea ánjá suɓi á ɓeekea á Mɔkɔta. Yɛ, anokanisiande moangɔ nde neoɓea ka enda ani na Kiísito nga, nndɔ unge nɛɔphɛa ɔma bui ka kanisa bui.

Ɓagalatía 1:2

Cɔ, ne kimoci na ɓadasu ɓɔbu ɓunde ɓá wani ka ɗundua á ɓaoɓa nde ka kanisa ɗanga-ɗanga á ka nji á Galatía.

Ɓagalatía 2:10

Ɗáɓásɔ́mɛmi tɔ gea, ɓéekanisiɛ ɓato á ɓuyɛnɛ ndea kanisa nɛɓɔ ka Yɛusalɛ́ma na ɗétɔtɔkisi ú na měma mo.

Philɛmɔ́nɔ 1:5

Nga, nɛɔɔ́ka mbino á ekondi na ɓeekea nɛkɔ nde oně ka Mɔkɔta Yéso na ka ɓaɓêki ɓɔbu.

Philɛmɔ́nɔ 1:7

Dani, ekondi nɛkɔ ɗámopi maseye phɛɛ na gbagisaga měma ani ka nyɔngɔ nde, ɗɔ́phɔngisigi měma á ɓato á Mokonga.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

1 Yoáni 3:17

Aoɓá nkpa n'ana ɛtɔi ka mokonda ndee, áɔmɔna dakɛ n'ana ɓuyɛnɛ, áonɗakea měma. Cɔ, mmbɔ aɔtɔka n'agi te ankondi Mokonga?