1 Ɓakɔlítɔ 15:4 - Ɔngana á Kɛ̌kɛ

⁴ Ɗáɓámúmbi, esa á ko isaɔ, áojujuka ka kukuwa ɓíndɔ ɗáɓáɔtu suɓi á Ɓuku á Mokonga.

1 Ɓakɔlítɔ 15:4 Iomraidhean Croise

Matáyɔ 12:40

Cɔ, ɓea ɓíndɔ Yɔ́na ɗááɗe esa isaɔ keiphe n'esa suɓi á sɔphɔ á sú angbóngbó, a phɔtɔ ɓó unge Muna-Nkpa aáɗande esa isaɔ keiphe n'esa suɓi á oɗo.

Matáyɔ 16:21

Ka mbenɔ ndɔ, Yéso áokpanga úbisa á ɓagoigi nɛkɛ base gea: «Akeni négɛ na Yɛusalɛ́ma na tambaga ka njaga á ɓagbɛga, ɓagbɛga á ɓatoɓeigi-phɛ́a na ɓaɗundu-ɛɔphi. Ɓámokusisande, esa á ko isaɔ, nejujukande ka kukuwa.»

Matáyɔ 20:19

Ɓámbisande ka njaga á ɓakpa ɓunde ɓáná Ɓayúda ka gea, ɓánɛphɛɛ, ɓámɓindɛ na gbutu na kɔkɛaga akɛ ka moyangɔ. Mpɔ, k'ésa á ko isaɔ ajujúkande ka kukuwa.»

Málikɔ 9:31

Cɔ, nyɔngɔ nde Yéso ɗáǒgoisaga ɓagoigi nɛkɛ aungee: «Eme, Muna-Nkpa, ɓámongisande ka njaga á ɓakpa ɓunde ɓámomowande. K'ésa á ko isaɔ mbusa á kukuwa ani, nejujukande.»

Lóka 24:26

Ande gea te kátókeni gǎkɛ Masíya átambɛgɛ ɓó na ángiɛ ka ɓoombia nɛkɛ?»

Lóka 24:46

na ngoɗea aɓɔ te: «A tɔ ɓíndɔ ɗáɓáɗundu gea: Masíya atambagande na jujúka ka kukuwa k'ésa á ko isaɔ.

Lóka 9:22

 phɔtɔ ǒɓúbisa: «Akeni eme Muna-Nkpa nétambɛgɛ phɛɛ, ɓagbɛga, ɓagbɛga á ɓatobeigi-phɛ́a na ɓaɗundu-ɛɔphi ɓámoyɛgɛ na kusisa ani. Mpɔ k'ésa á ko isaɔ, nejujukande ka kukuwa.»

Yoáni 19:38

Mbusa índɔ, Yɔsɛ́phu, nto á ka Alimatɛ́a ɗátú ngoigi ndea Yéso ka ɓɔsɔmɛa nga, ɗáǒɓanga ɓakɔta á Ɓayúda. Yɛ ɗábiki ɔmɛma Pilátɔ gea, átokisɛ mǒnda á Yéso gǔ á moyangɔ. Pilátɔ áoɓeekea. Mpɔ, Yɔsɛ́phu áoga ophúia mǒnda akɛ.

Ekuma á ɓateki 1:3

Mbusa á kukuwa akɛ, yɛ sasakɛ áɔ̌sɛnɛkɛa na mphangiɔ ɗanga-ɗanga ka engekisa te, a phɔ́tɔ koenda. Ɗáɛsɛnɛkɛi k'ésa nkama gena (40), áǒngoɗeaga nyɔngɔ á koɓoamɛ ndea Mokonga.

Ekuma á ɓateki 17:31

Mokonga a ye bisi esa nde atenaeka nyɔngɔ á ɓato á ka mokonda bui ka koɗoni, na ka njaga á nkpa nde ansɔmbu. Ɗánengekisi nkpa kayɛ mosá á ɓakpa ɓɔbu ka jujúkisa akɛ ka kukuwa.»

Ɓalɔ́ma 6:4

Ka phɔa oɓatisɔ ndɔ ɗéɓejúkani na yɛ ka kukuwa akɛ na ka úmba akɛ gea te, ɓíndɔ Kiísito ɗájujúki ka kukuwa sɔsɔɓɛ á ɓasí ka ɓoombia ndea Abɛ, ɓesu phɔtɔ ɓéɓɛ na tambea á enda á kɛ̌kɛ.

Ɓakɔlɔsái 2:12

Ɓî ɗáɓánóɓatisi, ɗáɓánóúmbi kimoci na Kiísito, ɓô phɔtɔ ojujuka ka kukuwa kimoci na yɛ. Nga, ɗóɓoɓeeki ɓukpɛkpɛ ndea Mokonga nnde ɗánjujúkisi Kiísito ně sɔsɔɓɛ á ɓasí.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

1 Pɛ́tɛɛ 1:11

Měma á Kiísito ɗátú suɓi aɓɔ, ɗáɛtɔ̌mi mosá gea, Kiísito atambagaeka na mbusa á tambaga, atɔaeka ɓoombia. Ɓaɔtu-nyɔngɔ ndɔ ɗáɓákaɓi engekisa á mbenɔ na etéte sina nde kema ndɔ bui atɔtɔkɛanaeka.