1 Ɓakɔlítɔ 15:34 - Ɔngana á Kɛ̌kɛ

³⁴ Cɔ, sikiani kanisia ánjá, ɓóɗeketɛ ɓojeɗe. Ɓakpa ɓuangbo sɔsɔɓɛ anu ɓánáomúba Mokonga. Nɛyɔngi ɓó ka kusa anu na soni.

1 Ɓakɔlítɔ 15:34 Iomraidhean Croise

Matáyɔ 22:29

Yéso áǒsikisia te: «Ɓǒdema sisanu nga, ɓókóoúba kaɓɛ Ɓuku á Mokonga kaɓɛ ɓukpɛkpɛ nɛkɛ.

Yoáni 5:14

Mbusa í, Yéso â goto ondonda nami ndɔ suɓi éndu á Mokonga, áongea: «Cɔ, oami, kogeɛmbɛ ye ɓojeɗe ka ɓánga te, kema ájeɗe phɛɛ kaokiɗianeɛmbɛ.»

Yoáni 8:11

Nke ndɔ áonsikisia gea: «Mɔkɔta, ka ɓɔ moci nna wani.» Yéso áongea: «Eme phɔtɔ, kétenɛku nyɔngɔ nɛkɔ akpɛ. Cɔ, gǎ nɛkɔ, kpanga kɛ̌kɛnde, kogeɛmbɛ ye ɓojeɗe.»]

Ekuma á ɓateki 26:8

Ka nyɔngɔ sina nde ɓenu Ɓayúda ɓɔɔni gea te, nna tanda ɔtɔtɔkɛana ka Mokonga jujúkisa á ɓasí ka kukuwa?

Ɓalɔ́ma 1:28

Cɔ, ɓî ɗáɓáyé úbá á Mokonga, Mokonga áǒɗeketa ka úbapha aɓɔ ájeɗe. Ka gea, ɓágeɛ kema nde ɓákátókeni gea í.

Ɓalɔ́ma 13:11

Mbenɔ nde ɓokau ɓooúba gea, a ye tɔ mbenɔ á jujúka ka tɔ̌ nde ɓo suɓi í. Cɔ, mbenɔ nde ɗéɓemɓeeki Yéso, ɓoamia á ka měma n'a phɔ́ ɗanga aunge asódondi ye tɔ.

1 Ɓakɔlítɔ 4:14

Kénóɗundui nyɔngɔ nde ka kusa anu na soni, a ndiu ka phɛá anu ɓea ɓaniki nɛmɔ ékondi phɛɛ.

1 Ɓakɔlítɔ 6:5

Nenóngoɗi ɓó ka kusa anu na soni. Ande gea, sɔsɔɓɛ anu, ɓókó tanda na mɔɔngɛ moci, mmbé aɔtɔka n'ateni nyɔngɔ nde a sɔsɔɓɛ anu ɓaɓêki?

1 Ɓakɔlítɔ 8:7

Cɔ, ɓakpa ɓɔbu ɓáná gǎkɛ oúba ɗoni ndɔɔ. Ɓakpa ɓuangbo ɓáɛmbani gǎkɛ na beba á ɓamokonga á mbɛa. Na ka kɛ̌kɛnde, aoɓá na ɓáí eea ɓíndɔ, ɓá phɔ́tɔ okanisia te ɓáí nyama á phɛ́a. Ɓakpa ndɔ, úbapha aɓɔ akusi, ɓáɔɔna gea ɓájɔɔkani ka nyɔngɔ á nyama ndɔɔ.

Ɓaɛphɛ́sɔ 5:14

Nga, kema bui nde aɔɔnɛkana base ande owanga. Kaɓondɔ unge ɓági: «Jujúka oɓɛ ímbɔ oka tɔ̌, Jujúka ka kukuwa ka ɔlɔ á ɓasí, na Kiísito abɛnyande gǔ akɔ.»

1 Ɓatɛsalɔníka 4:5

kángá á mɔphɛ ájeɗe ɓotea anu ɓea ɓakpa nde ɓánáomúba Mokonga.