1 Ɓakɔlítɔ 15:3 - Ɔngana á Kɛ̌kɛ

³ Ɗɛ́nɔphɛí phɔ́ ɓɔphɛi nde eme sasani ɗáɓámɔphɛí. Ɓɔphɛi kau aɓe: Kiísito ɗáku ka nyɔngɔ á ɓojeɗe nɛsu ɓíndɔ ɗáɓáɔtu suɓi á Ɓuku á Mokonga.

1 Ɓakɔlítɔ 15:3 Iomraidhean Croise

Matáyɔ 26:24

Muna-Nkpa akuande ɓíndɔ ɓáɗundu suɓi á Ɓuku á Mokonga ka phɔakɛ. Ande gǎkɛ ngomi phɛɛ ka mmbé antɔngi Muna-Nkpa! Atú ye phɔ́ oɓá ánjá ka nkpa ndɔ, ámbé ɗákáɓɔkɔtɛani.»

Matáyɔ 26:28

nga, nnde ande magia ani, magia á ɔngana nnde aɗǔkani ka nyɔngɔ á ima ɓojeɗe á ɓakpa ɓásii.

Lóka 24:25

Mpɔ Yéso áǒngoɗea gea: «Ɓabóbó nde, ca! Měma anu aɗokomani ka ɓeekea nyɔngɔ bui nde ɓaɔtu-nyɔngɔ ndea Mokonga ɗáɓáyɔngi.

Yoáni 1:29

Mama í, Yoáni áɔmɔna Yéso n'ambikíí, áogea: «Mmbé ande Muna-Mɔgɔgɔ ndea Mokonga. Yɛ aámbé aophúia ɓojeɗe á ka mokonda.

Ekuma á ɓateki 17:2

Ɓî Pɔ́lɔ ɗáɛmbani na ngiaga kau, áongia k'éndu ndɔɔ. Kó, áoaba na Ɓayúda ka saɓáto isaɔ ka phɔa nyɔngɔ nde a suɓi á Ɓuku á Mokonga.

Ekuma á ɓateki 3:18

A gǎkɛ ɓe: Mokonga atɔtɔkisi nyɔngɔ nde ɗáúbisi kala ka moyo á ɓaɔtu-nyɔngɔ nɛkɛ gea, ɓántambisagande Kiísito.

Ekuma á ɓateki 8:32

Nkpa ndɔ ɗátú otanga k'ɔ́ma nde ɓáɗundu ɓe: «Ɗátú ɓea mɔgɔgɔ mmbé ɓáogaontena, áɔkɔɓa ɓea muna-mɔgɔgɔ mosá á nkpa nde aonkangaɗua. Kayɔngɛ gǎkɛ ka kema.

Ɓalɔ́ma 3:25

Nga, Mokonga ɗámbisi Yéso ka nyama á phɛ́a ka nyɔngɔ á íma á ɓojeɗe nde ɓakpa ɗáɓági mosá. Ka ɓakpa nde ɓáɓeeki, magia á phɛ́a ndɔ aphangisi gea Mokonga ande nto á koɗoni ka nyɔngɔ nde aími ɓojeɗe nde ɓakpa ɗáɓági.

Ɓalɔ́ma 4:25

Mmbé Mokonga ɗánkusisi ka nyɔngɔ á ɓojeɗe nɛsu â gǎkɛ onjujukisa ka kukuwa ka gea, ɓéɓɛ ɓato á koɗoni mosá á Mokonga.

1 Ɓakɔlítɔ 11:2

Nenósegi ka nyɔngɔ nde ɓoomokanisia ka nyɔngɔ bui, phɔtɔ ɓooamba ɓɔphɛi nɛmɔ ɓíndɔ ɗénóphɛí.

1 Ɓakɔlítɔ 11:23

Cɔ, nnde ande ɓɔphɛi nde ɗɛ́tɔi ka Mɔkɔta, na a tɔ unge ɗɛ́nɔtɔ̌mi. Kǐpha ndɔ, ɗáɓántɔgi Mɔkɔta Yéso, ɗábɛɗi mokati,

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓagalatía 1:12

Nga, nna nkpa aámbé ɗámopi na goisaga ani ú. Yéso Kiísito ndiu aámbé amogoisigi ú.

Ɓagalatía 1:4

Kiísito yɛ sisakɛ aámbé ɗábiki osókuia ka amisa asu ka ɓojeɗe ka gea, ásophúiɛ ka ɓojeɗe á ka mokonda nde á kɛ̌kɛ ɓíndɔ Abasu Mokonga ɗákondi.

Ɓagalatía 3:13

Kiísito ɗásóphúi ka sɛmɛaga nde ɛɔphi ɗátú ně ka phɔasu, â ye tɔ okumba ú k'ɔ́ma nɛsu. Nga, Ɓuku á Mokonga ayɔngi ɓe: «Nkpa nde ɓáonkpata gǔ á me, aámbé Mokonga aɔnsɛmɛaga.»

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓaɛphɛ́sɔ 5:2

Kaɓondɔ, ambe ekondi áɓɛ nsɔndɔi ka enda anu ɓíndɔ Kiísito ɗásókondi, áosókuia, áoɓá ɓea ɛkɔmi na phɛ́a á su ánjá nnde amɓɔngɛi Mokonga.

Ɓaɛbulanía 5:1

Ngbɛga á ɓatoɓeigi-phɛ́a buakɛ Mokonga aámbé ɗánsɔmbu sɔsɔɓɛ á ɓakpa, áombisa ka bɛɗanaga ekuma nɛkɛ ka phɔa ɓɔ. Ande gea te, ntoɓeigi-phɛ́a ndɔ, aámbé aophúia ɛkɔmi ka Mokonga na toɓoa phɛ́a ɗanga-ɗanga ka nyɔngɔ á ɓojeɗe.

Ɓaɛbulanía 5:3

Kaɓondɔ unge akeni ábɛɗanɛgɛ ekuma ndɔ ka phɔa ɓojeɗe á ɓakpa ɓunɛngbo phɔtɔ ka phɔa ínɛkɛ.

1 Pɛ́tɛɛ 1:11

Měma á Kiísito ɗátú suɓi aɓɔ, ɗáɛtɔ̌mi mosá gea, Kiísito atambagaeka na mbusa á tambaga, atɔaeka ɓoombia. Ɓaɔtu-nyɔngɔ ndɔ ɗáɓákaɓi engekisa á mbenɔ na etéte sina nde kema ndɔ bui atɔtɔkɛanaeka.

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Yoáni 2:2

Nga, Yéso sasakɛ ɗěbisi ka phɛ́a ka gea, Mokonga áímɛ ɓojeɗe nɛsu. Nna tɔndɔ ɓojeɗe nɛsu sisasu, phɔtɔ nnde á ka mokonda bui.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.