1 Ɓakɔlítɔ 15:2 - Ɔngana á Kɛ̌kɛ

² Mbino-Ánjá ndɔ, ande phɔtɔ aphe á ɓoamia anu ka měma, aoɓá na ɓodungi ánjá ka měma ɓíndɔ ɗénɔtɔ̌mi. Kaɓɛ na nna ɓó, ámbé ɓeekea nɛnu a tɔ jǎi.

1 Ɓakɔlítɔ 15:2 Iomraidhean Croise

Lóka 8:13

Ɓuangbo ɓá gǎkɛ ɓea mbenɔ nde mbó ndɔ ɗágu ka oɗo nde á n'ɛtɛ. Ɓáɔɔ́ka nyɔngɔ á Mokonga, ɓáɔbɛɗa ú na maseye. Nyɔngɔ ndɔ kangiɛ ndiu ɓea mǐgi suɓi aɓɔ. Ɓá tɔ oɓeekea ka mbenɔ ábɔa. Aoɓá na ɓáetambisigi tɔ ábɔa, ɓáoɗeketa ú.

Ekuma á ɓateki 2:47

Ɓaɓêki ɗáɓáombeba Mokonga, ɓakpa ɓɔbu ɓáǒkonda. Mɔkɔta Mokonga áoyamea ɓunde aéamisi ka měma ka nkíndí á ɓaɓêki.

Ekuma á ɓateki 8:13

Simɔ́ni phɔtɔ áoɓeekea sasakɛ, ɓáomɓatisa. Áonɗakatea Philípɔ, áɔɔna mphangiɔ na ketangaɔ nde ageani ka njaga akɛ, áotangaaga phɛɛ.

Ɓalɔ́ma 1:16

Cɔ, kéokuwa na soni ka tɔ̌mia Mbino-Ánjá nga, ande ɓukpɛkpɛ nde Mokonga aɔbɛɗaneaga ka amisa nkpa buakɛ mmbé aomɓeekea Yéso. A phɔ́ kǒamisa Ɓayúda, mbusa í, â phɔtɔ ǒamisa ɓunde ɓáná Ɓayúda.

Ɓalɔ́ma 11:22

Cɔ, ianagani phɔ́ ɓonjánja ndea Mokonga na kokae nɛkɛ. Mokonga aákae ka ɓundɔ ɗáɓágu. Yɛ, a gǎkɛ anjánjá k'óɓɛ aoɓá n'oomɓeekea ka ɓonjánja nɛkɛ. Aoɓá na kógi ɓó, ámbé ɓákotenande phɔtɔ.

1 Ɓakɔlítɔ 1:18

Nyɔngɔ á kukuwa á Yéso ka moyangɔ ande kobóbó ka ɓakpa nde ɓáɓúngigi, a gǎkɛ ɓukpɛkpɛ á Mokonga ka ɓesu íɓundɔ Mokonga asóamisi ka měma.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 11:2

Nenósegi ka nyɔngɔ nde ɓoomokanisia ka nyɔngɔ bui, phɔtɔ ɓooamba ɓɔphɛi nɛmɔ ɓíndɔ ɗénóphɛí.

1 Ɓakɔlítɔ 15:14

Kaɓɛ Kiísito na ɗákájujúki ka kukuwa, ɓɔphɛi nɛsu nna na kantíti na ɓeekea nɛnu a phɔtɔ kángá kantíti.

2 Ɓakɔlítɔ 2:15

Cɔ, ɓesu ɓe ɓea su ánjá á nkoki nde Kiísito aongabea Mokonga. Nkoki ndɔ a ka ɓakpa nde Mokonga aeamisi ka měma, a phɔtɔ ka ɓakpa nde ɓáoɓúngaga.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓagalatía 3:4

Ande gea te nyɔngɔ bui nde ɗátɔtɔkɛani ka phɔanu aku tɔ jǎi? Eya, ɗákáku jǎi.

Ɓaɛphɛ́sɔ 2:8

Eya, ɓoami ye tɔ ka měma ka ɓonjánja-ékondi ndea Mokonga ka nyɔngɔ á ɓeekea. Ɓoamia ndɔ kátɔtɔkɛani ka ɓukpɛkpɛ nɛnu sasanu. A ndiu tɔ ka nyɔngɔ égabɔ ndea Mokonga.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

2 Ɓatɛsalɔníka 2:15

Cɔ, ɓaya, mamani akpɛ na ɓóambɛ ɓɔphɛi nde ɗéɓenógoisigi, nanga nnde ɗéɓenógoisigi n'ɛsɔ, nanga nnde á ka ɓaoɓa nɛsu.

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

Ɓaɛbulanía 10:23

Ɓéambɛni akpɛ nseɓeɔ nɛsu nnde ɓɛɔtɔmiaga mosá á ɓakpa nga, Mokonga nnaotinganisa mɔkɔ nɛkɛ.

Ɓaɛbulanía 2:1

Ɓî a ɓó, akeni ɓétetemisɛ phɛɛ nyɔngɔ nde ɓɛɔ́ki ka gea, ɓékeɓúngɛgɛmbɛ.

Ɓaɛbulanía 3:14

Nga, ɓe tɔ oɓá kimoci na Kiísito ámbé ɓeambi akpɛ ɓeekea nde ɗéɓekpangi ně na ka ɓî ɓegande ojúa ka sungiaga.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Yakɔ́ɓɔ 2:14

Cɔ, ɓaya, ana kantíti sina kaɓɛ nkpa n'agi te, amɓeeki Mokonga na ká gǎkɛ otambea ánjá? Ɓeekea ndɔ aɔtɔka n'anamisi?

Yakɔ́ɓɔ 2:17

A phɔtɔ ɓó, ɓeekea á kanga ɓá na tambea ánjá aku.

Yakɔ́ɓɔ 2:26

Nga, ɓî nyama kángá ɛ́phɛu aku ye tɔ, ɓeekea kángá ékuma aku phɔtɔ.