1 Ɓakɔlítɔ 15:19 - Ɔngana á Kɛ̌kɛ

¹⁹ Kaɓɛ na ɓenseɓei tɔ Kiísito ka nyɔngɔ á enda á kɛ̌kɛnde, ande gea, ɓende ɓato á ngomi phɛɛ kɔ̌nyɛ́nya ɓakpa ɓɔbu.

1 Ɓakɔlítɔ 15:19 Iomraidhean Croise

Matáyɔ 24:9

Ɓánɔtɔngande ka tambisaga na mowa anu. Ɓakpa ɓɔbu ɓánokangeande ka nyɔngɔ á ina ani.

Lóka 21:34

«Ɛ́ngɛphani! Měma anu kaɗokómanɛmbɛ ka nyɔngɔ á eaga n'ɛbɛɗi á makana, phɔtɔ na mɔphɛ á enda. Ɓoogea ɓó, mmbe esa ndɔ anosɛnɛkɛande kángá mosenda.

Lóka 8:14

Mbó ndɔ ɗágú sɔsɔɓɛ á ngenge, a ɓea mbenɔ nde ɓakpa ɓáɔɔ́ka Nyɔngɔ á Mokonga. Nyɔngɔ ásii á ka měma, siki á ɓá n'ɛtɔi na ɓongeaga á kema á ka mokonda, áǒphiphisa, ɓákagɔmbɛ ye.

Yoáni 16:2

Nga, ɓánoɓeagande k'éndu á madondanɔ ndea Ɓayúda ka nyɔngɔ á Mokonga. Aɓande na mbenɔ nde ɓundɔ ɓánomande, ɓákanisiande gea, ɓáɔmbɛɗaneaga Mokonga.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

2 Timɔtɛ́ɔ 2:4

Nna na nto-émani nde aoga k'aphe émani n'abisi měma akɛ ka enda nde atingani na moangɔ émani, a ndiu tɔ okáɓa gea, mɔkɔta nɛkɛ ánkondɛ.

2 Timɔtɛ́ɔ 3:12

Ɓakpa ɓɔbu ɓunde ɓákondi enda ka beba á Mokonga ka jukana aɓɔ na Kiísito Yéso ɓáetambisagande.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

Mphaniɔ 14:13

Mpɔ, nê goto ɔɔ́ka ɛsɔ n'atóki na koba, áogea: «Cɔ, ɗundua ɓe: Maseye áɓɛ kpanga á kɛ̌kɛnde ka ɓunde ɓáku k'ína á Mɔkɔta!» Měma á Mokonga agi: «Eya, ɓáumbiɛ mbusa ékuma nɛɓɔ akpɛ nga, ekuma nɛɓɔ aeɓeande.»