1 Ɓakɔlítɔ 15:15 - Ɔngana á Kɛ̌kɛ

¹⁵ Aoɓá ɓasí na ɓákáojujuka ɗoni ka kukuwa, ande gea te, Mokonga ɗákánjujúkisi Kiísito ka kukuwa. Aoɓá ɓó, ámbé ɓende ɓaɗigimisi á mbɛa ndea Mokonga nga, ɗéɓeɗigimisi gea te, Mokonga ɗánjujúkisi Kiísito ka kukuwa.

1 Ɓakɔlítɔ 15:15 Iomraidhean Croise

Ekuma á ɓateki 2:24

Mokonga â gǎkɛ onjujukisa ka kukuwa, áonkoɗaga ka kokae á kukuwa. Nga, kukuwa ɗákátú na ɓukpɛkpɛ á tɔka akɛ.

Ekuma á ɓateki 2:32

Yéso ndɔ tɔ aámbé Mokonga ɗánjujúkisi ka kukuwa. Ɓesu ɓɔbu ɓende ɓaɗigimisi á nyɔngɔ ndɔɔ.

Ekuma á ɓateki 20:21

Nɛ̌phɛí Ɓayúda na ɓunde ɓáná Ɓayúda base gea, ɓákětiɛ tambea aɓɔ mosá á Mokonga na ɓámɓeekeɛ Mɔkɔta nɛsu Yéso.

Ekuma á ɓateki 4:10

Ambe ɓenu ɓɔbu na Ɓaisilaɛ́li ɓɔbu, ɓóúbɛ gea, nɗɔti ndɔ aami na amé mosá anu ka ɓukpɛkpɛ á ina á Yéso Kiísito ɓa Najalɛ́ti, mmbɔ ɗóɓonkusi ka moyangɔ. Mokonga anjujúkisi gǎkɛ ka kukuwa.

Ekuma á ɓateki 4:33

Ɓateki ɓáomamea na ɓukpɛkpɛ ángbó ka ɛmbisa á nyɔngɔ á jujúka á Mɔkɔta Yéso ka kukuwa. Mokonga áǒbisia ɓɔbu njaga.

1 Ɓakɔlítɔ 15:13

Kaɓɛ ɓasí na ɓákájujukaeka ka kukuwa, ámbé Kiísito ɗákájujúki gǎkɛ ka kukuwa.

1 Ɓakɔlítɔ 15:16

Nga, aoɓá ɓasí na ɓákáojujuka ka kukuwa, Kiísito ɗákájujuki gǎkɛ ka kukuwa.

1 Ɓakɔlítɔ 15:20

Ande gǎkɛ ɗoni gea, Kiísito ajujúki ka kukuwa. Yɛ, ande ánge á ɓajujuki ka kukuwa.