1 Ɓakɔlítɔ 15:13 - Ɔngana á Kɛ̌kɛ

¹³ Kaɓɛ ɓasí na ɓákájujukaeka ka kukuwa, ámbé Kiísito ɗákájujúki gǎkɛ ka kukuwa.

1 Ɓakɔlítɔ 15:13 Iomraidhean Croise

Ekuma á ɓateki 23:8

Nga, Ɓasadukáyɔ ɓáɔyɔnga nɛɓɔ gea: «Nkpa aokuwa, kajujúkɛ ka kukuwa. Ɓamalaéka ɓáná ɓei, ɓaketi ɓáná phɔtɔ ɓei.» Ɓaphaisáyɔ ɓáɓeeki gǎkɛ nyɔngɔ ndɔ bubui.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

Ɓalɔ́ma 8:23

Nna tɔndɔ kema bui nde Mokonga ɗáconji, ɓesu íɓunde ɓe ye na Měma á kanga ɓojeɗe ɓea měma égabɔ ndea Mokonga, ɓe phɔtɔ oɓénga ka měma ka ɓondeaga gea ɓéɓɛ ɓana-Mokonga na mbenɔ nde yɛ akoɗagande nyama asu.

1 Ɓakɔlítɔ 15:12

Cɔ, kaɓɛ na ɓɛɔtɔmiaga gea, Kiísito ajujúki ka kukuwa, nyɔngɔ sina nde ɓakpa ɓunɛngbo sɔsɔɓɛ anu ɓáɔyɔnga gea te, ɓasí ɓákájujukaeka ka kukuwa?

1 Ɓakɔlítɔ 15:14

Kaɓɛ Kiísito na ɗákájujúki ka kukuwa, ɓɔphɛi nɛsu nna na kantíti na ɓeekea nɛnu a phɔtɔ kángá kantíti.

1 Ɓakɔlítɔ 15:20

Ande gǎkɛ ɗoni gea, Kiísito ajujúki ka kukuwa. Yɛ, ande ánge á ɓajujuki ka kukuwa.

1 Ɓatɛsalɔníka 4:14

Ɓesu gǎkɛ, ɓeɓeeki gea, Yéso ɗáku, Mokonga áonjujukisa. Kaɓondɔ unge, ɓeɓeeki gea, aějujukisaeka ɓakpa nde ɗáɓásí na ɓámɓeeki Yéso. Mbusa, Mokonga ěbikisande ɓakpa nɛkɛ kimoci na Yéso, mɔtɛ-akɛ.

2 Timɔtɛ́ɔ 4:8

Kpangá á Kɛ̌kɛnde, Mokonga amobisíí kekombó á koɗoni, nnde Mɔkɔta mmbé ande nteni nyɔngɔ á ɗoni amopande esa nde abikande goto. Nna tɔndɔ eme, a ndiu phɔtɔ ka ɓakpa ɓɔbu íɓunde ɓákondi ɔna akɛ esa nde asɛnɛkande.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

Ɓaɛbulanía 2:14

Cɔ, ɓî ɓaniki ndɔ ɓɔbu ɓásambí magia na kesuku, yɛ Yéso â phɔtɔ okengeana na ɓɔ, ka gea te, ka nyɔngɔ á kukuwa akɛ aunge agɔɓi ɓukpɛkpɛ á Nketi mmbé ɗá na kɔkɔta gǔ á kukuwa.

1 Pɛ́tɛɛ 1:3

Ɓémbebɛni Mokonga, Aba-Mɔkɔta nɛsu Yéso Kiísito! Ka nyɔngɔ á ɓongbóngbó á ngomi nɛkɛ aunge ɓɛɓɔkɔtɛani goto mɔngɔ á koiɓɛ, ka jujúkisa á Yéso Kiísito ka kukuwa sɔsɔɓɛ á ɓasí. Kaɓondɔ unge ɓena nseɓeɔ nde ana enda,

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.