1 Ɓakɔlítɔ 15:10 - Ɔngana á Kɛ̌kɛ

¹⁰ Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

1 Ɓakɔlítɔ 15:10 Iomraidhean Croise

Matáyɔ 10:20

Nnde ɓɔyɔngande kátókɛku ka ɓenu. Měma á Abanu unge ayɔngande suɓi anu.

Matáyɔ 25:16

Mmbɔ ɗábɛɗi imɔna á láté ɓɔku, áoga k'aphe á sombeanaga na sombisaga á nkumba, áɔtɔa nɛngbo imɔna á láté ɓɔku.

Ɓalɔ́ma 11:1

Cɔ, neúsi ɓe: Mokonga ɗéyége ɓakpa nɛkɛ? Ɓɛɛndɔ! Nga, eme sisani nende Moisilaɛ́li, k'ɛ́ɓɔkɔti ndea Abalaámu, k'ékuna ndea Bɛnjamína.

Ɓalɔ́ma 12:3

Ka ɓeana na ɓonjánja-ékondi nde Mokonga ɗámopi, aunge nenóngoɗi ɓenu ɓɔbu gea, ká ɓenu kaɓɛmbɛ něɗokomisa phɛɛ, nkpa na nkpa áɓɛ ndiu na měma á ɛngɛpha ka ɓeana na keɓu á ɓeekea nde Mokonga ɗángabei.

1 Ɓakɔlítɔ 15:11

Cɔ, kaɓɛ eme, kaɓɛ ɓateki ɓuangbo, nyɔngɔ nde ɓɛɔtɔmiaga aungɔ. Na nndɔ unge ɗóɓóɓeeki.

1 Ɓakɔlítɔ 15:2

Mbino-Ánjá ndɔ, ande phɔtɔ aphe á ɓoamia anu ka měma, aoɓá na ɓodungi ánjá ka měma ɓíndɔ ɗénɔtɔ̌mi. Kaɓɛ na nna ɓó, ámbé ɓeekea nɛnu a tɔ jǎi.

1 Ɓakɔlítɔ 3:10

Ka ɓeana na egabɔ nde Mokonga ɗámopi, ɗébisi ɛtɛ á kpanga á mɔphɛkɔ ɓea mphɛki anjánjá. Nkpa ɓaangbo áɔphɛka gǔ í. Cɔ, nkpa na nkpa éɛnjiɛ gǎkɛ ánjá, k'etéte á mɔphɛkɔ nde aɔphɛka.

1 Ɓakɔlítɔ 3:6

Eme, ɗékoni mbó, Apɔ́lɔ áoɗukia iɓo, Mokonga â gǎkɛ ɔtɛisa ú.

1 Ɓakɔlítɔ 4:7

Cɔ, ani mmbé akobisi mɔkɔta gǔ á ɓadakɔ? Kema bui nde oně, nna tɔ Mokonga aámbé ɗákophi? Cɔ, ɓî a gǎkɛ ɓó, ǒbeba na kema nde oně, óoúba te, ɓákákophi ka ɓo?

2 Ɓakɔlítɔ 12:11

Eme Pɔ́lɔ nɛɔyɔnga ɓea mbóbó nga, ɓenu Ɓakɔlítɔ ɓáunge ɓomososei nndɔ. Nanga ɓî kéna kantíti mosá anu, atókeni ɓenu ɓáunge ɓómoɗokomisɛ. Ɓateki nɛnu ɓundɔ ɓǒseɓei, ɓákámɔnyɛ́nyi gǎkɛ ka kema.

2 Ɓakɔlítɔ 3:5

Ɓeoúba gea, ɓéké na ɓukpɛkpɛ á tɔtɔkisa á kema ɓíndɔ sasasu. Ɓukpɛkpɛ ndɔ a tɔ otóka ka Mokonga.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓagalatía 2:8

Mokonga ɗámbisi Pɛ́tɛɛ áɓɛ nteki ka Ɓayúda, ɓíndɔ amobisi ka ɓakpa nde ɓáná Ɓayúda.

Ɓaphilípi 2:13

Ande gea, Mokonga aámbé aɔbɛɗanaga ka měma anu, n'aonópha mɔphɛ na ɓukpɛkpɛ á tɔtɔkisa á moangɔ nɛkɛ nnde áɔmɓɔngɛa.

Ɓaphilípi 4:13

Nɛtɔki tɔ bui nga Kiísito aámbé amogbagisigi.

1 Ɓatɛsalɔníka 5:12

Ɓaya, ɓɛnɔmɛmi, ɔ́ɓɔ́kani ɓakpa nde ɓáɔmbɛɗaneaga Mokonga akpɛ ka ɔlɔ anu. Nga, Mokonga ěbisi gǔ anu ka phɛá anu.

1 Timɔtɛ́ɔ 4:10

Cɔ, kaɓɛ na ɓeotambaga na ɓeomana, ande ka gea, ɓebisi nseɓeɔ nɛsu ka Mokonga mmbé ana enda, mmbé ande Namisi á ɓakpa ɓɔbu na Namisi phɛɛ á ɓunde ɓáɓeeki.