1 Ɓakɔlítɔ 14:3 - Ɔngana á Kɛ̌kɛ

³ Nkpa nde a gǎkɛ ɔɔtɔa nyɔngɔ nde atóki ka Mokonga, aɔmɔtisaga ɓeekea ndea ɓakpa, gbagisaga á měma, na phɔngisa á měma aɓɔ.

1 Ɓakɔlítɔ 14:3 Iomraidhean Croise

Lóka 3:18

Ɓondɔ unge Yoáni ɗátú ɔ̌phɛaga ɓakpa mɔngɔ ásii Nyɔngɔ Ánjá ndea Mokonga.

Ekuma á ɓateki 13:15

Mbusa á tanga suɓi á ɓuku ɛ́ɔphi ndea Mósa, na suɓi á ɓuku ndea ɓaɔtu-nyɔngɔ ndea Mokonga, ɓaamɛ éndu á madondanɔ ndea Ɓayúda ka nyɔngɔ á Mokonga ɓáonteka nkpa ka ngoɗea Pɔ́lɔ na Baanába te: «Ɓaya, aoɓá na ɓona nyɔngɔ ka kpagisaga á měma á ɓakpa, yɔngani.»

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 15:32

Yúda na Síla ɓundɔ ɓaɔtu-nyɔngɔ ndea Mokonga, ɓáɔ̌phɛa phɛɛ, ɓáǒgbagisa na opha aɓɔ ɓukpɛkpɛ.

Ekuma á ɓateki 4:36

Cɔ, nkpa moci ɗátú sɔsɔɓɛ aɓɔ, ina akɛ n'ande Yɔsɛ́phu Moláwi mmbé nji á ɓɔkɔtɛana nɛkɛ ande Kipúɔ, mmbé ɓateki ɗáɓáɔmɔphana Baanába. Ande gea te: «Ngbagisigi.»

Ekuma á ɓateki 9:31

Ka matú ndɔ, ɓato á kanisa ɗáɓátú na ɓujɛjɛ suɓi á Yudɛ́a bui, Galiláya, na Samalía. Ɓáɔmɔta ka měma na ɓánga á Mɔkɔta, Měma á kanga ɓojeɗe áǒɓikisa phɛɛ.

Ɓalɔ́ma 12:8

Kaɓɛ n'ande ebigɔ á phɛá, áphɛɛ. Kaɓɛ n'ande ebigɔ á gaba, ágabɛ na měma á maseye, kaɓɛ n'ande ebigɔ á mamea á ɓakpa, áémameɛ na nténdé, kaɓɛ n'ande ebigɔ á taɓea ɓato á ɓuyɛnɛ, áétaɓeɛ na maseye.

Ɓalɔ́ma 14:19

Ɓékaɓɛni kema nde aobisa ɓujɛjɛ na káɓa á kema nde áɔphɛka ɓeekea á ɓakpa.

Ɓalɔ́ma 15:2

Ambe nkpa na nkpa ka ɓesu ágeɛ ánjá ka dakɛ n'índe amɓɔgɛande ka gea, ɓeekea nɛkɛ ámɔtɛ.

1 Ɓakɔlítɔ 10:23

Ɓakpa ɓunɛngbo sɔsɔɓɛ anu ɓáɔyɔnga te: «Ɓásosi tɔ kema bubui.» A ɓó! Nna gǎkɛ kema bubui unge aoenga ka mɔtisa á ɓeekea.

1 Ɓakɔlítɔ 14:12

A phɔtɔ ɓó ka ɓenu, ɓî ɓokondi phɛɛ nyɔngɔ á egabɔ ɗanga-ɗanga á Měma á Mokonga, káɓáni phɔ́ phɛɛ egabɔ ndɔ aɔmɔtisa ɓeekea á ɓato á ka kanisa.

1 Ɓakɔlítɔ 14:17

Eya, nanga ɛmɛmi nɛkɔ á ɓosegi áɓá ánjá, kátɔkɛku gǎkɛ n'ɛ̌mɔtisigi ɓunɛngbo ka ɓeekea.

1 Ɓakɔlítɔ 14:26

Cɔ, ɓaya, négeɛ ɓo? Mbenɔ nde ɓoodondanaga, nkpa moci aɔtɔka n'aembi, moci áɔphɛa, moci áɔɔ́tɔa kema á ɓɔsɔmɛa ndea Mokonga, moci áɔyɔnga ka ɛyɔngi nde nnaoúbukana, moci n'aoketia nyɔngɔ ndɔɔ. Nndɔ bui ágeanɛ ka mɔtisaga á ɓeekea ndea ɓato á ka kanisa.

1 Ɓakɔlítɔ 14:31

Ɔ́tɔani nyɔngɔ nkpa moci-moci gea te, ɓakpa ɓɔbu ɓágoɛgɛ na ɓágbagɛgɛ ka měma.

1 Ɓakɔlítɔ 8:1

Ɓeoúba gea, ka nyɔngɔ á nyama ɔ́phɛ́ɔ ka ɓamokonga á mbɛa: «Ɓesu ɓɔbu ɓena úbapha ka nyɔngɔ ndɔɔ», ɓíndɔ ɓɔɔyɔnga. Úbapha ndɔ, aomopha nkpa ébeba. Ekondi a gǎkɛ ǒgbagisaga ɓakpa ka měma.

2 Ɓakɔlítɔ 1:4

Nga, aosóphɔngisa měma ka tambaga asu bui, ka gea, ɓéephɔngisɛ phɔtɔ ɓadasu měma ka mbenɔ á tambaga, ɓíndɔ Mokonga ɗági k'ama mosá-mosá ka phɔasu.

2 Ɓakɔlítɔ 2:7

Kaɓondɔ, ímani ye tɔ ɓojeɗe nɛkɛ, ɓómɔphɛ ɓukpɛkpɛ. Kaɓɛ na nna ɓó, mmbe ɓɛí nɛkɛ kásiɛku, ámbé nndɔ aduukisande měma akɛ.

Ɓaɛphɛ́sɔ 4:29

Nyɔngɔ ájeɗe kajúanɛ mɔnɔ tanda k'aphenɔkɔ anu. Yɔngani ndiu tɔ nnde ana kantíti na akenanigi na mɔphɛ á ɓakpa na aɔtɔka na aegbagisigi ɓakpa na gea ánjá ka ɓundɔ ɓáɔnɔɔ́ka.

Ɓaɛphɛ́sɔ 6:22

Nenteki mɔtɛ-anu ka tɔ̌mia anu mbino asu na gbagisaga anu ka měma.

Ɓakɔlɔsái 4:8

Nenteki mɔtɛ-anu ka gea te, ɓóengekisɛ ɓoiki asu ka gea měma anu áphɔngɛ.

1 Ɓatɛsalɔníka 2:11

Ɓo phɔtɔ oúba ɓî ɗéɓetú ɓea ɓaba-ɓaniki ka ɓenu ɓɔbu.

1 Ɓatɛsalɔníka 2:3

Ɓɔphɛi nɛsu gǎkɛ, nna na mbɛa, nna na maibe, nna n'odemayɔ.

1 Ɓatɛsalɔníka 3:2

ɓéonótekisia Timɔtɛ́ɔ k'aphe á gbagisa anu ka měma na phɛá anu gea te, ɓɔ́mɔtɛ ka ɓeekea á Mokonga. Yɛ ande dasu mbɛɗanigi ékuma ndea Mokonga. A phɔtɔ ɔɛmbisa Mbino-Ánjá ndea Kiísito.

1 Ɓatɛsalɔníka 4:1

Cɔ, ɓaya, ka sungiaga, ɓɛnɔphɛí ye nyɔngɔ á tambea nde aɔmɓɔngɛa Mokonga. Ɗoni, ɓotambi tɔndɔ ɓó. Kɛ̌kɛnde gǎkɛ, ɓɛnɔmɛmi na ɗengemisaga anu k'ína á Mɔkɔta Yéso gea, ɓótetemisɛ phɔtɔ tambea ndɔ ánjá phɛɛ.

1 Ɓatɛsalɔníka 4:18

Cɔ, phiphisanani měma ka nyɔngɔ ndɔɔ.

2 Ɓatɛsalɔníka 3:12

Cɔ, ɓěsósi ɓakpa ndɔ, ɓɛ́ɔ̌phɛa k'ína á Mɔkɔta Yéso Kiísito gea: Ɓábɛɗanɛgɛ ɓíndɔ akeni, ka gea ɓátɔɛ eea nɛɓɔ sasaɓɔ.

1 Timɔtɛ́ɔ 1:4

Óngoɗeɛ phɔtɔ gea, ɓákábisɛmbɛ kanisia aɓɔ ka nyɔngɔ á egani á jǎi-jǎi, na nnde á cɔca cina á ɓatataɓɔ. Nndɔ aikíí tɔ kampápa á jǎi. Nnaoenga ka tútuisa moangɔ á ɓoamia nnde atóki ka Mokonga, nnde aúbikani ka nyɔngɔ á ɓeekea.

1 Timɔtɛ́ɔ 4:13

Suia tanga á Ɓuku á Mokonga mosá á ɓakpa, gbagisaga aɓɔ ka měma na goisaga aɓɔ, na ka ɓî ne kiɗiande.

1 Timɔtɛ́ɔ 6:2

Ɓakɔɓɛ íɓunde ɓakɔta nɛɓɔ ɓánde ɓaɓêki, ɓákɛ̌ɓɛnjiɛgɛmbɛ ka nyɔngɔ á gea, ɓánde ɓana-amaɓɔ. Akeni ndiu ɓáɛ́bɛɗaneɛgɛ ánjá phɛɛ, ka nyɔngɔ nde ɓakɔta nɛɓɔ ɓánde ɓaɓêki nde Mokonga aekondi. Nyɔngɔ ndɔ unge akeni ɔ́phɛɛ́ na goisaga á ɓakpa.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Títɔ 1:9

Áɓɛ nto á amba á nyɔngɔ á ɗoni nnde akeni ka ɓeekea, ka ɓeana na goaga nde ɗáɓeeki. Kaɓondɔ, goaga nɛkɛ á ɗoni ěgbagisagande gǎkɛ ɓato á Mokonga ka měma na tɔka á ɓakpa nde ɓáoyá goisaga nɛkɛ.

Títɔ 2:15

Cɔ, ɓondɔ ungɔ akeni ógoisɛgɛ na gbagisaga á měma á ɓakpa na phekeaga aɓɔ na kɔkɔta nɛkɔ bui. Ambe nkpa kakɔɓɛnjiɛgɛmbɛ.

Títɔ 2:6

Ɔ́phɛá phɔtɔ ɓaganda gea, ɓáɓɛ ɓato-úbapha

Títɔ 2:9

Ambe ɓakɔɓɛ ɓɛ́ɓɔ́kɛ ɓakɔta nɛɓɔ ka kema bui. Ɓékondisɛgɛ na ɓakɔta nɛɓɔ kángá á pua na ɓɔ na

Ɓaɛbulanía 10:25

Ɓékéɗeketɛmbɛ dondanaga kimoci ɓíndɔ ɓakpa ɓuangbo ɓáɛmbani na ɗeketa í. Ɓégbagisanɛgɛni goto phɛɛ nga, ɓɔɔni gea esa á ja á Mɔkɔta a ye tɔ bíbí.

Ɓaɛbulanía 13:22

Ɓaya, nenóɗengemisigi ɔ́kani nyɔngɔ nde á gbagisaga měma anu nga, kénóɗundui nyɔngɔ endǎ.

Ɓaɛbulanía 3:13

Gbagisanagani ndiu ka měma esa bui, ka mbenɔ nde «Kesande» a phɔ́tɔ ɓei ɓea ɓî Ɓuku á Mokonga ayɔngi ka gea, ka ɓenu moci ɓojeɗe kanɗakɛmbɛ měma na demaga akɛ.

1 Pɛ́tɛɛ 5:12

Síla, ɗámoengi ka ɗundua á ɓaoɓa ángbí ndee. K'éme, ande mɓêki ímbe ɓa á ɗoni. Ɗénóɗundui ú ka gbagisaga anu na engekisa anu gea ɓonjánja-ékondi ndea Mokonga nnde ande á ɗoni ɓókoɗeketɛmbɛ.

Yúda 1:20

Cɔ, ɓenu ɓadani ékondi, mamani akpɛ ka ɓeekea nɛnu á kanga ɓojeɗe. Mɛmani na ɓukpɛkpɛ á Měma á kanga ɓojeɗe.