1 Ɓakɔlítɔ 14:13 - Ɔngana á Kɛ̌kɛ

¹³ Ka nyɔngɔ índɔ unge, nkpa nde aɔyɔnga ɛyɔngi nde nnaoúbukana, ámɛmɛ Mokonga gea, yɛ nkpa ndɔ áɓɛ phɔtɔ na egaɓɔ á kětia á ɛyɔngi ndɔ ayɔngi.

1 Ɓakɔlítɔ 14:13 Iomraidhean Croise

Málikɔ 11:24

Kaɓondɔ unge nenóngoɗi te, kema bui nde ɓɔɔmɛma, ɓeekeani gea te, ɓo ye tɔ ně nga, Mokonga anophande.

Ekuma á ɓateki 1:14

Ɓɔbu, na měma moci, ɗáɓá na moíngi á dondanaga k'ɛ́mɛmi. Ɗáɓáɔmɛma kimoci na Malía amakɛ na Yéso, ɓana-amakɛ na Yéso, na ɓake ɓuangbo.

Ekuma á ɓateki 8:15

Ɓî ɓájú ye kó, ɓáɔmɛma Mokonga ka phɔa ɓaɓêki gea, ɓáɓɛ na Měma á kanga ɓojeɗe.

1 Ɓakɔlítɔ 12:10

Aomopha nkpa moci, ɓukpɛkpɛ á tɔtɔkisa á ketangaɔ, moci, ɓukpɛkpɛ á ɔtɔa á nyɔngɔ ndea Mokonga, moci, ɓukpɛkpɛ á úba engekisa Měma Ánjá na měma ájeɗe, moci, ɓukpɛkpɛ á yɔnga ɛyɔngi nde ɓakpa ɓánáoúba, moci, ɓukpɛkpɛ á kětia á ɛyɔngi ndɔɔ.

1 Ɓakɔlítɔ 12:30

ɓaamisigi ɓato ésambɔ, ɓáyɔngi ɛyɔngi nde ɓakpa ɓánáoúba, ɓɔ ɓáunge ɓáoketia ɛyɔngi ndɔɔ.

1 Ɓakɔlítɔ 14:12

A phɔtɔ ɓó ka ɓenu, ɓî ɓokondi phɛɛ nyɔngɔ á egabɔ ɗanga-ɗanga á Měma á Mokonga, káɓáni phɔ́ phɛɛ egabɔ ndɔ aɔmɔtisa ɓeekea á ɓato á ka kanisa.

1 Ɓakɔlítɔ 14:14

Nga, aoɓá na nɛɔmɛma Mokonga k'ɛyɔngi nde nnaoúbukana, měma ani tɔ unge aɔmɛma, úbapha ani nna gǎkɛ ɔbɛɗanaga.

1 Ɓakɔlítɔ 14:26

Cɔ, ɓaya, négeɛ ɓo? Mbenɔ nde ɓoodondanaga, nkpa moci aɔtɔka n'aembi, moci áɔphɛa, moci áɔɔ́tɔa kema á ɓɔsɔmɛa ndea Mokonga, moci áɔyɔnga ka ɛyɔngi nde nnaoúbukana, moci n'aoketia nyɔngɔ ndɔɔ. Nndɔ bui ágeanɛ ka mɔtisaga á ɓeekea ndea ɓato á ka kanisa.