1 Ɓakɔlítɔ 14:1 - Ɔngana á Kɛ̌kɛ

¹ Káɓágani phɔ́ ekondi. Bisani mɔphɛ anu k'égabɔ ɗanga-ɗanga á Měma á Mokonga kɔnyɛ́nya bui. Bisani mɔphɛ anu k'égabɔ á ɔtɔa á nyɔngɔ nde atóki ka Mokonga.

1 Ɓakɔlítɔ 14:1 Iomraidhean Croise

Ɓalɔ́ma 12:6

Ka ɓonjánja-ékondi ndea Mokonga aunge nkpa na nkpa sɔsɔɓɛ asu ɗátɔí ebigɔ ɗanga-ɗanga mɔtɛ á Mokonga, kaɓɛ n'ande ɔtɔa á nyɔngɔ, akeni gǎkɛ áɔtɔɛ ú ka ɓeana na ɓeekea nɛkɛ.

Ɓalɔ́ma 14:19

Ɓékaɓɛni kema nde aobisa ɓujɛjɛ na káɓa á kema nde áɔphɛka ɓeekea á ɓakpa.

Ɓalɔ́ma 9:30

Cɔ, ɓégeɛ ɓo? Ɓakpa nde ɓáná Ɓayúda ɓunde ɗáɓákáokáɓa koɗoni, ɓɔ ndiu ɓáunge yɛ Mokonga aɛɓɔni gea, ɓánde ɓato á koɗoni mosá akɛ, nga ɓámɓeeki.

1 Ɓakɔlítɔ 12:1

Ɓaya, ɓɛ́yɔngɛni phɔ́ nyɔngɔ á egabɔ ndea Měma á kanga ɓojeɗe nga, nekondi ɓóengekisɛ ú ánjá.

1 Ɓakɔlítɔ 12:31

Cɔ, mɔphɛ anu áɓɛ phɔ́ k'égabɔ nde aánjá phɛɛ. Kɛ̌kɛnde gǎkɛ, nekophangiande aphe nde aánjá kɔnyɛ́nya bui.

1 Ɓakɔlítɔ 13:13

Kɛ̌kɛnde, kema isaɔ nde aunge aikande: ɓeekea, nseɓeɔ na ekondi. Nnde anyɛ́nyi gǎkɛ bui ande ekondi.

1 Ɓakɔlítɔ 13:2

Nanga néɓá n'egabɔ á ɔtɔa nyɔngɔ á Mokonga, nanga néúba nyɔngɔ á ɓɔsɔmɛa bui, nanga néɓá na úbapha bui, nanga néɓá na ɓeekea nde aɔtɔka na toisi mamba, na ké gǎkɛ n'ékondi, ne tɔ nkpa jǎi.

1 Ɓakɔlítɔ 14:22

Nga, egabɔ á yɔnga ka ɛyɔngi nde nnaoúbukana, ande mphangiɔ ka ɓunde ɓákámɓeeki Mokonga, nna gǎkɛ ka ɓaɓêki. Egaɓɔ á ɔtɔa á nyɔngɔ nde atóki ka Mokonga, ande mphangiɔ ka ɓaɓêki, nna ka ɓundɔ ɓákáɓeeki.

1 Ɓakɔlítɔ 14:37

Aoɓá nkpa n'aokanisia te, ande mɔtu-nyɔngɔ ndea Mokonga, n'ana egabɔ ndea Měma á kanga ɓojeɗe ambe áúbɛ base gea te, kema nde nenóɗundui ande ɛɔphi ndea Mɔkɔta.

1 Ɓakɔlítɔ 14:39

Cɔ, ɓaya, bisani phɔ́ mɔphɛ anu phɛɛ k'égabɔ á ɔtɔa á nyɔngɔ nde atóki ka Mokonga. Ɓókóimisiɛmbɛ gǎkɛ egabɔ á yɔnga ka ɛyɔngi nde nnaoúbukana.

1 Ɓakɔlítɔ 16:14

Geani kema bubui suɓi ékondi.

Ɓaɛphɛ́sɔ 1:3

Obebɔ ka Mokonga, Aba Mɔkɔta nɛsu Yéso Kiísito. Asóbisíí njaga bui ka měma na bisia asu keɓu á na koba ka ɔngana asu na Kiísito.

1 Ɓatɛsalɔníka 5:20

Ɓókótondiɛ mɔnɔ ɓɔphɛi ndea ɓaɔtu-nyɔngɔ ndea Mokonga.

1 Timɔtɛ́ɔ 4:14

Kɔɓɛnjiɛgɛmbɛ bɛɗaneaga á egabɔ á Měma á Mokonga nnde asuɓi akɔ, nnde ɗɔ́tɔi ɓî ɓaɔtu-nyɔngɔ ndea Mokonga ɗáɓáyɔngi ka phɔakɔ, na ɓî ɓagbɛga ɗáɓákobisíí njaga.

1 Timɔtɛ́ɔ 5:10

Ambe ɓakpa ɓáɗigimisɛ gea ékuma nɛkɛ ɗátú ánjá, mmbé ɗáɛmɔtisi ɓ'anakɛ ánjá, ɗáǒsesea ɓakeni, ɗáosokosa ecinji á ɓaɓêki, ɗáǒenga ɓunde ɗáɓáotambaga na gea ekuma ánjánja bui ka enda akɛ bui.

1 Timɔtɛ́ɔ 6:11

Oɓɛ gǎkɛ, nkpa ndea Mokonga, ɓánga kema ndɔ bui. Káɓa ndiu koɗoni, tambea ánjá mosá á Mokonga, ɓeekea á Mokonga, ekondi, phiphia na ɓɔphɔngɔ.

2 Timɔtɛ́ɔ 2:22

Timɔtɛ́ɔ, koɓɛmbɛ na mɔphɛ á koganda, káɓa ndiu koɗoni, ɓeekea, ekondi, ɓujɛjɛ kimoci na ɓunde ɓáokumia ina á Mɔkɔta na měma ánjá.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

2 Pɛ́tɛɛ 1:7

gǔ á tambea ánjá mosá á Mokonga, ɓóyameɛ ekondi á komunamema na gǔ ékondi á komunamema, ɓóyameɛ ekondi.

3 Yoáni 1:11

Dani ékondi, kóɓeɛ mɔnɔ tambea ájeɗe, ɓeá ndiu tambea ánjá. Nkpa nde aogea ánjá, ande ɓa Mokonga, mmbé gǎkɛ aogea ájeɗe, nna tanda oúba nyɔngɔ á Mokonga.