1 Ɓakɔlítɔ 13:5 - Ɔngana á Kɛ̌kɛ

⁵ Nto ékondi nnaogea kema á soni, nnaokáɓa ɓokambia nɛkɛ sasakɛ, nnaɔɓɛa, nnaobisa ɓojeɗe nde ɓángi ně ka měma,

1 Ɓakɔlítɔ 13:5 Iomraidhean Croise

Matáyɔ 5:22

Cɔ, eme nenóngoɗi ɓe: Nkpa buakɛ mmbé aɔmɓɛɛa dakɛ, akeni ɓánjusɛ ka ntua á tena á nyɔngɔ. Mmbé aombóma dakɛ te: ‹Kóúbapha!›, akeni júsa akɛ ka ntua ángbó á tena á nyɔngɔ ndea Ɓayúda. Mmbé aongea dakɛ te: ‹Ona ganja!›, akeni ɓámmakeɛ k'ɛɛmbɛ á nsa nnde nnaoimika.

Matáyɔ 9:4

Ɓî Yéso aúbi ye kanisia aɓɔ, áogea te: «Ɓona kanisia ájeɗe ka nyɔngɔ eke suɓi á měma anu?

Málikɔ 3:5

Yéso áǒtimba n'íso áǒenga n'esúia, áoɓá na ɓɔmbɛ ka nyɔngɔ á měma aɓɔ akpɛ. Áongoɗea nɗɔti te: «Cɔ, nanoa njaga akɔ.» Áonanoa njaga akɛ, áoama.

Lóka 7:39

Ɓî Mophaisáyɔ mmbɔ ɗámɔphani Yéso aɔni ye ɓó, áǒgea sasakɛ te: «Atú oɓá nkpa nde n'ande mɔtu-nyɔngɔ ndea Mokonga ɗoni, ámbé aúbi etéte á nke nde aondungaga nga, ana tambea ájeɗe.»

1 Ɓakɔlítɔ 10:24

Ambe nkpa na nkpa kakáɓɛgɛmbɛ kema á ka phɔa akɛ sasakɛ, ákaɓɛgɛ ndiu kema á ka phɔa á ɓakpa ɓuangbo.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 11:18

Ɓámongoɗi phɔ́ gea, ɓî ɓoodondanaga, ɓokatanigi sɔsɔɓɛ anu. Na neɓeeki gea ka nyɔngɔ ndɔ, kau ande ɗoni.

1 Ɓakɔlítɔ 12:25

Kaɓondɔ, kákéni gbútu-gbútu á nyama ákatanɛgɛ. Akeni ndiu gbútu-gbútu á nyama bubui áenganɛ.

1 Ɓakɔlítɔ 7:36

Cɔ, aoɓá moganda n'akanisi te, aongea nke á mbanje nɛkɛ ájeɗe nga, nna omuka, aoɓá n'atúmi na mosenda á koke na koɓǒko, ambe ámukɛ nke ɓíndɔ akondi. Aogea ɓó, kági ɓojeɗe.

2 Ɓakɔlítɔ 5:19

Yéso aámbé ɗáɛɔnganisi ɓakpa na Mokonga kángá ɛnjia ye ɓojeɗe nɛɓɔ. Ɗásóphi ekuma á tɔ̌miaga nyɔngɔ á ɔnganisa á ɓakpa na yɛ.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓaphilípi 2:21

Ɓakpa ɓunɛngbo ɓɔbu ɓá tɔ okaɓa nyɔngɔ nɛɓɔ sasaɓɔ, ɓáná gǎkɛ okaɓa nyɔngɔ ndea Yéso Kiísito.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

2 Ɓatɛsalɔníka 3:7

Nga, ɓo ye oúba sasanu ɓî akeni ɓeá á mphangiɔ nɛsu. Ka nyɔngɔ nde ɗéɓékétú ɓakusi mɔtɛ-anu.

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

2 Timɔtɛ́ɔ 4:16

Mbenɔ nde ɗétúɔ̌yɔngɛa sasani k'ama mosá-mosá ka ntua á tena á nyɔngɔ, nna tanda na nkpa nde ɗámoengi. Ɓakpa ɓɔbu ɗáɓámoɗu ndiu. Cɔ, Mokonga k'ětangeɛmbɛ ɓojeɗe nɛɓɔ!

Yakɔ́ɓɔ 1:19

Ɓadani ékondi, kanisiani phɔ́ nyɔngɔ ndee: Ambe nkpa buakɛ, áɓɛ aphǒ ka ɔ́kapha. Áɓɛ gǎkɛ aɗǒ ka yɔnga na ka ɓɛá.