1 Ɓakɔlítɔ 13:4 - Ɔngana á Kɛ̌kɛ

⁴ Nto ékondi ana měma á phiphia kema bui, ande nkpa nde aǒenga ɓakpa, nna na nsengo, nna ǒɗokomisa, nnaǒbeba.

1 Ɓakɔlítɔ 13:4 Iomraidhean Croise

Matáyɔ 27:18

Nga, Pilátɔ ɗáúbi gea, ɗáɓántɔgi Yéso ka nyɔngɔ á nsengo.

Ekuma á ɓateki 7:9

Ka ɓatataɓɔ, moci ɗátú Yɔsɛ́phu. Ɓana-amakɛ nkama na moci (11), ɓáoɓá na nsengo gǔ akɛ. Kaɓondɔ, ɓáonsombisa, áoɓá nkɔɓɛ na Mísii. Nanga ɓó, Mokonga áoɓá kimoci na yɛ.

Ɓalɔ́ma 1:29

Ɓátúmi n'etéte á kanga koɗoni bui, ɓojeɗe, kokae, mɔphɛ ájeɗe, kuma, ɓátúmi na nsengo, moaga á ɓakpa, sani, maibe, ɓɔ ɓánde ɓato á tɔngana.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

1 Ɓakɔlítɔ 3:3

nga, ɓo phɔ́tɔ otambea ɓea ɓakpa á ka mokonda ndee. Sɔsɔɓɛ anu, ɓona nsengo na sani. Cɔ, ɓókó phɔ́tɔ na tambea á ɓato á ka mokonda nde? Ɓókó phɔ́tɔ na tambea á kokpa?

1 Ɓakɔlítɔ 4:18

Ɓakpa ɓuangbo sɔsɔɓɛ anu ɗáɓáǒbeba, ɓáoúba te, kéjuɛeka ye kó.

1 Ɓakɔlítɔ 4:6

Ɓaya, nɛyɔngi nyɔngɔ ndɔ gǔ ani na gǔ á Apɔ́lɔ gea, tambea asu áɓɛ mphangiɔ ka ɓenu. Mpɔ, ɓóoúba kantíti á nyɔngɔ ndee: «Ɓókotingɛ mɔnɔ nyɔngɔ nde ɗáɓáɗundu.» Kaɓondɔ unge, nkpa kěbebɛmbɛ ka phɔa nkpa moci, na ɓɛnjiaga á ɓakpa ɓunɛngbo.

1 Ɓakɔlítɔ 5:2

Cɔ, ɓenu, ɓo goto ǒbeba! Atókeni ndiu ɓóɓɛ na ɓɔmbɛ na ɓómɓeɛgɛ nkpa nde atɔtɔkisi kema ndɔ sɔsɔɓɛ anu.

1 Ɓakɔlítɔ 8:1

Ɓeoúba gea, ka nyɔngɔ á nyama ɔ́phɛ́ɔ ka ɓamokonga á mbɛa: «Ɓesu ɓɔbu ɓena úbapha ka nyɔngɔ ndɔɔ», ɓíndɔ ɓɔɔyɔnga. Úbapha ndɔ, aomopha nkpa ébeba. Ekondi a gǎkɛ ǒgbagisaga ɓakpa ka měma.

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

Ɓagalatía 5:26

Ɓékéɓɛmbɛ na ɓemboko, kaɓɛ uɓana, kaɓɛ kuina na nsengo.

Ɓaɛphɛ́sɔ 4:2

Ɓáni na měma édidisa, ɓɔphɔngɔ na měma á phiphia, phiphianani n'ekondi.

Ɓaɛphɛ́sɔ 4:32

Ɓáni na měma ánjá na á kuina ngomi. Nkpa na nkpa áímɛ ɓojeɗe ndea dakɛ ɓíndɔ Mokonga ɗáími ɓojeɗe nɛnu ka nyɔngɔ á Kiísito.

Ɓaphilípi 1:15

Cɔ, ɓakpa ɓunɛngbo ɓáɔtɔmiaga nyɔngɔ á Kiísito na měma á nsengo na měma éteɓa. Ɓakpa ɓunɛngbo ɓâ gǎkɛ ɔtɔmiaga na mɔphɛ ánjá.

Ɓakɔlɔsái 1:11

Ambe Mokonga ánóphɛ ɓukpɛkpɛ bui, měma á kinia á kema na měma á phiphia.

Ɓakɔlɔsái 2:18

Ɓókǒɗeketeɛmbɛ ka gea, nkpa buakɛ átenɛ nyɔngɔ nɛnu akpɛ, mmbé aǒdemisaga gea ana měma édidisa na beba á ɓamalaéka. Ɓábisi phɔtɔ měma aɓɔ ka kema nde ɓáɔɔna ka mphaniɔ. Kanisia aɓɔ a tɔ á kokpa, nndɔ aǒɓopha ɓemboko.

Ɓakɔlɔsái 3:12

Ɓî Mokonga ɗánɔsɔmbu na konda anu, ɓonde ɓakpa nɛkɛ ɗoni. Ɔ́lani ka měma anu: ngomi, ɓonjánja, měma édidisa, ɓɔphɔngɔ na měma á phiphia.

1 Ɓatɛsalɔníka 5:14

Ɓaya, ɓenóɗengemisigi, ókeagani ɓakpa nde ɓáná ɔbɛɗa ka kema, ógbagisagani ɓato á kɔɓɔɓɔkɔ, óengani ɓakusi. Óphiphiani ɓakpa ɓɔbu.

1 Timɔtɛ́ɔ 6:4

mmbɔ an'ěbeba phɛɛ na nna gǎkɛ koúba kema. Ande nkpa nde ana tambea ájeɗe aopúa na ɓakpa na sani ka phɔa á yɔnga. Nndɔ aobikisa ngíni, sani, mbóma na maca,

2 Timɔtɛ́ɔ 2:25

Mmbé aɔ̌phɛa ɓakpa nde ɓáopúa na yɛ na měma aphɔngɔ. Kǎi Mokonga aeɓophande měma á kětia á tambea aɓɔ ájeɗe, ɓáoúba koɗoni,

2 Timɔtɛ́ɔ 3:10

Oɓɛ gǎkɛ, ɗómoɓi bîbíbí ka ɓɔphɛi nɛmɔ, tambea ani, mɔphɛ nɛmɔ, ɓeekea nɛmɔ, phiphia nɛmɔ, ekondi nɛmɔ, phiphia á tambaga nɛmɔ.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

Yakɔ́ɓɔ 4:5

Ɓomá ndiu okanisia te, nyɔngɔ nde a suɓi á Ɓuku á Mokonga ande á jǎi-jǎi ɓî agi te: «Mokonga nna phɔ́ na nsengo ka phɔa Měma akɛ nnde ɗábisi suɓi asu?»

1 Pɛ́tɛɛ 2:1

Cɔ, ɓî aɓó, ɗeketani etéte á ɓojeɗe bui: mbɛa, maibe, nsengo na maca.

1 Pɛ́tɛɛ 3:8

Ka sungiaga, ɓáni ɓenu ɓɔbu na kanisia mo na měma mo. Kondanani ɓea ɓato á komunamema, ɓáni na měma ánjá, n'ědidisa sɔsɔɓɛ anu.

1 Pɛ́tɛɛ 4:8

Mosá á kema bui, ɓáni n'ekondi sɔsɔɓɛ anu phɛɛ nga, ekondi aogbukumia ɓojeɗe ásii.

2 Pɛ́tɛɛ 1:7

gǔ á tambea ánjá mosá á Mokonga, ɓóyameɛ ekondi á komunamema na gǔ ékondi á komunamema, ɓóyameɛ ekondi.

1 Yoáni 4:11

Ɓadani ékondi, ɓî Mokonga ɗásokondi, akeni phɔtɔ ɓesu ɓékondanɛni.