1 Ɓakɔlítɔ 13:3 - Ɔngana á Kɛ̌kɛ

³ Nanga négaba nkumba nɛmɔ bui ka ɓato á ɓuyɛnɛ, nanga nétambisaga nyama ani ka nsa, na neǒbeba, na ké gǎkɛ n'ekondi, kɛ́tɔɛku ka kema ka phɔani.

1 Ɓakɔlítɔ 13:3 Iomraidhean Croise

Matáyɔ 23:5

Goto, ɓáogea kema nɛɓɔ bui ka gea te ɓakpa ɓáɛɓɔnɛ. Ɓáɔ̌ɓɔɛa phaeka á bɔngɔ ágbae kaɓɛ k'éndóndó, kaɓɛ ka njaga nnde ɓáɗundu kau nyɔngɔ moci-moci á Mokonga. Nkanjo nɛɓɔ an'ɛɔkɔ á koaga.

Lóka 18:22

Yéso aɔ́ki ye nyɔngɔ ndɔ, áongoɗea: «Aojigíí goto kema moci. Sombisa nkumba nɛkɔ bui, ógabeɛ ɓato á ɓuyɛnɛ imɔna í. O ye ogea ɓó, mpɔ ôɓá na nkumba na koba. Mbusa, bika ómoɓeɛ.»

Lóka 18:28

Mpɔ, Pɛ́tɛɛ áongoɗea Yéso: «Ɔ́na phɔ́: ɓesu ɓeɗeketi kema bui ka nyɔngɔ á ɓeá akɔ.»

Lóka 19:8

Kaɓondɔ, Jakáyɔ áomama mosá á Mɔkɔta, áongoɗea ɓe: «Mɔkɔta! Kɛ̌kɛnde, nebǒsani nkumba nɛmɔ ka měme, néǒɓopha ɓato á ɓuyɛnɛ phaeka ímoci. Akoɓá na ɗɛ́bɛɗi nkumba ndea nkpa ka maibe, néonsikisia mɔngɔ gena.»

Yoáni 12:43

Nga, ɓakɔta ndɔ ɗáɓáokonda obebɔ ndea ɓakpa, kɔnyɛ́nya nnde atóki ka Mokonga.

Yoáni 13:37

Pɛ́tɛɛ áongoɗea te: «Mɔkɔta, ka nyɔngɔ éke kɛ́ɔtɔka ɓeá akɔ kɛ̌kɛnde? Nga, neɓeeki kukuwa ka nyɔngɔ akɔ.»

Yoáni 15:13

Nna na nkpa nde ana ekondi ángbó phɛɛ, kɔnyɛ́nya mmbé aɓeeki kukuwa ka phɔa ɓadakɛ.

Yoáni 6:63

Měma á kanga ɓojeɗe aunge aoendisa. Nga, nkpa sasakɛ nnaɔtɔka ka kema. Nyɔngɔ nde ɗénóngoɗi, ande á Měma na anóphande enda.

Ekuma á ɓateki 21:13

Pɔ́lɔ â gǎkɛ ososikisia te: «Eke nde ɓoogámea na dɔɓɔkisa á měma ani ně ɓende? Kéɓeeki tɔ ɓóaga ani, neɓeeki phɔtɔ gǎ kuwa na Yɛusalɛ́ma ka nyɔngɔ á Mɔkɔta Yéso.»

Ɓagalatía 5:26

Ɓékéɓɛmbɛ na ɓemboko, kaɓɛ uɓana, kaɓɛ kuina na nsengo.

Ɓaphilípi 2:3

Ɓókogeɛ mɔnɔ kema na měma éteɓa, ɓókokaɓɛ mɔnɔ ɓoombia á jǎi-jǎi. Ɓáni ndiu na měma édidisa, nkpa na nkpa ámɔnɛ dakɛ gea, ana kantíti kɔnyɛ́nya yɛ.

1 Timɔtɛ́ɔ 4:8

Eya, ékakamisa ka kema á ka nyama, a gǎkɛ na kantíti ka kema ábɔa. Tambea ánjá mosá á Mokonga, aunge a ndiu na kantíti ka kema bui nga, k'índɔ unge ɓena mɔkɔ á enda ka matú nde na ka matú nde abikande.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.