1 Ɓakɔlítɔ 13:2 - Ɔngana á Kɛ̌kɛ

² Nanga néɓá n'egabɔ á ɔtɔa nyɔngɔ á Mokonga, nanga néúba nyɔngɔ á ɓɔsɔmɛa bui, nanga néɓá na úbapha bui, nanga néɓá na ɓeekea nde aɔtɔka na toisi mamba, na ké gǎkɛ n'ékondi, ne tɔ nkpa jǎi.

1 Ɓakɔlítɔ 13:2 Iomraidhean Croise

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Matáyɔ 17:20

Yéso áǒsikisia gea: «Ka nyɔngɔ nde ɓeekea anu aábɔa phɛɛ. Nenóngoɗi ɗoni gea, atúoɓá na ɓo tɔ na ɓeekea ábɔa ɓea mbuka á aladáli, ɓotóngoɗeande mamba ndee: ‹Tówa wani, ógɛ kó!› Atógande, ka kema kátóúkɛku tɔtɔkɛana ka njaga anu. [

Matáyɔ 21:19

Áɔɔna me nde ɓáɔɔphana mtini ka mpɛphɛ á aphe, áokétea ú, â gǎkɛ odonda na kágɔmbi. Aɔnsɛmɛaga me ndɔ te: «Kɔ́gɔmbɛeka.» Mɔngɔ moci, me ndɔ áɔɔmɔkaka.

Matáyɔ 21:21

Yéso áǒngoɗea: «Nenóngoɗi ɗoni gea, aoɓá na ɓona ɓeekea kángá á ngǎka, ɓókógeɛku tɔndɔ kema sumbî negi ka me ndee. Ɓɔtɔkande gǎkɛ ngonɗea á mamba nde phɔtɔ: ‹Phúikana sua, ógɛ guiɛ k'óɓe nge›, nndɔ atɔtɔkɛanande.

Ekuma á ɓateki 13:1

Ka kanisa ndea ka Antiɔkía ɗátú na ɓaɔtu-nyɔngɔ ndea Mokonga na ɓagoisigi. Ina á ɓɔ aungee: Baanába, Simɔ́ni (mmbé ɗáɓátú ɔmɔphana nto á koínda), Lukíɔ (nto á ka Kuɛ́nɛ), Saúlɔ na Manaɛ́ni (mmbé ɓámɔtɛani na Moamɛ Ɛlɔ́dɛ.)

Ɓalɔ́ma 11:25

Cɔ, ɓaya, nekondi úbisa anu moangɔ á ɓɔsɔmɛa ndea Mokonga ka gea, ɓóúbɛ gea ɓókó ɓato á kɔɓɔɔngɛ. Nga, Ɓaisilaɛ́li ɓuangbo ɓáikande kángá á ɓeekea. Nndɔ aiphiande na ka ɓî mɔɔmba á ɓakpa ɓunde ɓáná Ɓayúda ɓáamande ka měma.

Ɓalɔ́ma 15:14

Ɓaya, eme ne engekisi ka phɔanu gea ɓenu sasanu ɓotúmi na mɔphɛ ánjá na úbapha ásii na ɓɔtɔki phɛana ngǔngu anu.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

1 Ɓakɔlítɔ 11:4

Kaɓondɔ, mbenɔ nde mǒko aɔmɛma Mokonga, kaɓɛ n'aɔɔ́tɔa nyɔngɔ á Mokonga mosá á ɓakpa, n'aɓumbi mɔ̌ akɛ, ankusi Kiísito na soni.

1 Ɓakɔlítɔ 12:28

Kaɓondɔ unge, Mokonga aebisi k'ama mosá-mosá ɓateki suɓi á kanisa, mbusa áǒbisa ɓaɔtu-nyɔngɔ ndea Mokonga, mpɔ, ɓagoisigi, mbusa aɓɔ, ɓatɔtɔkisigi-ketangaɔ, ɓaamisigi ɓato á esambɔ, mpɔ, ɓato á enga á ɓakpa ɓunɛngbo, ɓaɗigimisi ekuma, mbusa, ɓato á yɔnga ɛyɔngi nde ɓakpa ɓunɛngbo ɓánáoúba.

1 Ɓakɔlítɔ 13:1

Nanga nɛ́yɔnga na ɛyɔngi ɗanga-ɗanga ndea ɓakpa, na nnde á ɓamalaéka, na ké gǎkɛ n'ekondi, ɛsɔ ani a ɓea ayomɛ n'ɔkɔtɔ.

1 Ɓakɔlítɔ 13:3

Nanga négaba nkumba nɛmɔ bui ka ɓato á ɓuyɛnɛ, nanga nétambisaga nyama ani ka nsa, na neǒbeba, na ké gǎkɛ n'ekondi, kɛ́tɔɛku ka kema ka phɔani.

1 Ɓakɔlítɔ 13:8

Ekondi nnaosía. Ɔtɔa á nyɔngɔ á Mokonga, beba á Mokonga ka ɛyɔngi nde nnaoúbukana, asiande gǎkɛ. Úbapha asiande.

1 Ɓakɔlítɔ 14:29

Aoɓá ɓaɔtu-nyɔngɔ ndea Mokonga, akeni ɓáɓɛ ɓakpa ɓaɓɛ, kaɓɛ ɓakpa ɓasaɔ, ɓakpa ɓunɛngbo ɓáianɛgɛ ámbé ɓáɔyɔnga ánjá, kaɓɛ na ɓáɔyɔnga ájeɗe.

1 Ɓakɔlítɔ 14:39

Cɔ, ɓaya, bisani phɔ́ mɔphɛ anu phɛɛ k'égabɔ á ɔtɔa á nyɔngɔ nde atóki ka Mokonga. Ɓókóimisiɛmbɛ gǎkɛ egabɔ á yɔnga ka ɛyɔngi nde nnaoúbukana.

1 Ɓakɔlítɔ 14:4

Nkpa nde aɔyɔnga k'ɛyɔngi nde nnaoúbukana, aɔmɔtisaga ɓeekea nɛkɛ sasakɛ. Mmbé gǎkɛ aɔɔtɔa nyɔngɔ nde atóki ka Mokonga, aɔmɔtisaga ɓeekea á ɓato á kanisa ɓɔbu.

1 Ɓakɔlítɔ 15:51

Ɔ́kani phɔ́, nénoúbisɛ nyɔngɔ á ɓɔsɔmɛa: Ɓékésiɛku ɓesu ɓɔbu, ɓěketiande ndiu ɓesu ɓɔbu,

1 Ɓakɔlítɔ 16:22

Aoɓá nkpa na kánkondi Mɔkɔta, ambe ɓánsɛmɛɛgɛ! Mɔkɔta nɛsu bika!

1 Ɓakɔlítɔ 4:1

Kaɓondɔ, ósobɛɗani ɓea ɓabɛɗanigi ndea Yéso Kiísito, ɓɛɔbɛɗanaga ka tɔ̌mia nyɔngɔ á ɓɔsɔmɛa ndea Mokonga.

1 Ɓakɔlítɔ 7:19

Gúa á ganja, na kowó, nna na kantíti. Nnde ana kantíti ande gǎkɛ amba ɛɔphi ndea Mokonga.

1 Ɓakɔlítɔ 8:4

Cɔ, músiɔ a ɓe: Ɓɛɔtɔka na ɓeí due á nyama á phɛ́a ka ɓamokonga á mbɛa? Cɔ, ɓeoúba gea, nna na ka ɓamokonga á mbɛa nde ande ɗoni ka mokonda ndee. Ɓe gǎkɛ oúba gea, Mokonga a tɔ mo.

2 Ɓakɔlítɔ 12:11

Eme Pɔ́lɔ nɛɔyɔnga ɓea mbóbó nga, ɓenu Ɓakɔlítɔ ɓáunge ɓomososei nndɔ. Nanga ɓî kéna kantíti mosá anu, atókeni ɓenu ɓáunge ɓómoɗokomisɛ. Ɓateki nɛnu ɓundɔ ɓǒseɓei, ɓákámɔnyɛ́nyi gǎkɛ ka kema.

Ɓagalatía 5:16

Nenóngoɗi gea: Ɗeketani Měma á kanga ɓojeɗe áɓɛ nsɔndɔi ka enda anu na ɓókóɓongeɛgɛ ku ye mɔphɛ á ka nyama anu.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 6:3

Mmbé aǒɗokomisa na nna na kantíti, aǒdema sisakɛ.

Ɓaɛphɛ́sɔ 3:4

Ɓî ɓootanga ɓaoɓa nɛmɔ, ɓoengekisande gea, neoúba nyɔngɔ á ɓɔsɔmɛa ndea Kiísito.

Ɓaɛphɛ́sɔ 6:19

Mɛmani phɔtɔ ka phɔani ka gea, Mokonga ámopɛ nténdé ka ɓoabi nde akeni, ɓî nɛɔtɔmiaga Mbino-Ánjá nɛkɛ nde ɗásɔmi.

Ɓakɔlɔsái 1:26

Nyɔngɔ ndɔ ande moangɔ nde ɗáɛsɔmɛi ɓakpa ɓɔbu kala phɛɛ. Kɛ̌kɛnde gǎkɛ, aphangi ye tɔ base ka ɓakpa nɛkɛ.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

1 Yoáni 4:8

Nkpa nde nna n'ekondi, nnaomúba Mokonga nga Mokonga ande ekondi.