1 Ɓakɔlítɔ 13:13 - Ɔngana á Kɛ̌kɛ

¹³ Kɛ̌kɛnde, kema isaɔ nde aunge aikande: ɓeekea, nseɓeɔ na ekondi. Nnde anyɛ́nyi gǎkɛ bui ande ekondi.

1 Ɓakɔlítɔ 13:13 Iomraidhean Croise

Lóka 10:27

Nkpa ndɔ áonsikisia te: «Ónkondambɛ Mɔkɔta nɛkɔ Mokonga ka měma akɔ bui, ka enda akɔ bui, ka ɓukpɛkpɛ akɔ bui na ka kanisia akɔ bui. Nkonda phɔtɔ dakɔ ɓíndɔ ǒkondi sasakɔ.»

Lóka 22:32

Eme gǎkɛ nɛtɔ́mɛmi ka phɔa akɔ ka gea, ɓeekea nɛkɔ kaɓúngɛmbɛ. Na ka sikianaga akɔ, ambe ótetemisɛ měma á ɓana-amakɔ.»

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

1 Ɓakɔlítɔ 14:1

Káɓágani phɔ́ ekondi. Bisani mɔphɛ anu k'égabɔ ɗanga-ɗanga á Měma á Mokonga kɔnyɛ́nya bui. Bisani mɔphɛ anu k'égabɔ á ɔtɔa á nyɔngɔ nde atóki ka Mokonga.

1 Ɓakɔlítɔ 16:14

Geani kema bubui suɓi ékondi.

1 Ɓakɔlítɔ 3:14

Aoɓá ekuma á mɔphɛkɔ ndea nkpa na kásiɗi, nkpa ndɔ atɔande ophendɔ.

1 Ɓakɔlítɔ 8:1

Ɓeoúba gea, ka nyɔngɔ á nyama ɔ́phɛ́ɔ ka ɓamokonga á mbɛa: «Ɓesu ɓɔbu ɓena úbapha ka nyɔngɔ ndɔɔ», ɓíndɔ ɓɔɔyɔnga. Úbapha ndɔ, aomopha nkpa ébeba. Ekondi a gǎkɛ ǒgbagisaga ɓakpa ka měma.

1 Ɓakɔlítɔ 8:3

Aoɓá nkpa n'ankondi gǎkɛ Mokonga, Mokonga amúbande yɛ.

2 Ɓakɔlítɔ 5:10

Nga, ɓesu ɓɔbu ɓemamande mosá á ntua nde Kiísito atenande nyɔngɔ á ɓakpa kau. Wa, amphendande nkpa na nkpa ka ɓeana na tambea akɛ, kaɓɛ ánjá, kaɓɛ ájeɗe ka enda akɛ ka mokonda.

2 Ɓakɔlítɔ 5:15

Nga, Kiísito ɗáku ka ɓesu ɓɔbu gea te, ɓakpa nde ɓá phɔtɔ koenda, ɓákáendɛ mɔnɔ ye ka ɓɔ sasaɓɔ, ɓáendɛ ndiu ka Kiísito mmbé ɗáku na jujúka ka nyɔngɔ aɓɔ.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaphilípi 1:9

Cɔ, ɛmɛmi nɛmɔ ka Mokonga a ɓe: Ekondani nɛnu áɓikɛ phɛɛ, ɓóúbaphɛ na ɓá na kɔɓɔɔngɛ phɛɛ

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 1:5

Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

Ɓakɔlɔsái 3:14

Gǔ índɔ bui, ɓáni n'ekondani nga, ekondani aunge aɔɔnganisa ánjá.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

1 Ɓatɛsalɔníka 5:8

Ɓesu gǎkɛ, ɓende ɓato á sɔmani. Kaɓondɔ, ɓékéyengiɛmbɛ. Ande gea te, ɓeekea n'ekondani nɛsu ákengeanɛ na ngɔ́mbɛ á k'égogo ndea nto-émani, nnde ɓáɓɔngisigi na ngɔa. Nseɓeɔ nɛsu á ɓoamia á ka měma, áɓɛ phɔtɔ ɓea kúku á ngɔa nɛkɛ.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

2 Timɔtɛ́ɔ 1:7

Nga, Mokonga ɗákásophi měma á kɔɓɔɓɔkɔ. Ɗásóphi ndiu Měma á ɓukpɛkpɛ, ekondi na éamba.

Ɓaɛbulanía 10:35

Ɓókoɗeketɛmbɛ nseɓeɔ nɛnu nga, ka nyɔngɔ índɔ unge ɓɔtɔande ophendɔ ángbó.

Ɓaɛbulanía 10:39

Ɓéké ɓakpa nde ɓeǒcoa ka ɓeekea na gǎ ɓungaga. Ɓe ndiu ɓakpa nde ɓemɓeeki Mokonga ka gea te, ásoamisɛ ka měma.

Ɓaɛbulanía 6:11

Cɔ, mɔphɛ asu ande gea te, nkpa buakɛ sɔsɔɓɛ anu átetemisɛ ekuma na ka sungiaga ka gea te, nseɓeɔ nɛnu atɔtɔkɛanɛ.

Ɓaɛbulanía 6:19

Nseɓeɔ ndɔ ande nkigisiɔ á měma asu. Ú, ěsimɓî phɛɛ, áongia suɓi éndu ndea Mokonga, áɔtɔngana ngɔ́mbɛ nde aɗaki kǐo á ɔma á Mokonga.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Yoáni 2:10

Mmbé ankondi muna-amakɛ, yɛ aámbé aiki k'ówanga. Nna n'ephiphi nde amɓɛtɛkisande.

1 Yoáni 2:14

Ɓaniki amɔ, nenóɗundui ka nyɔngɔ nde, ɓomúbi Abɛ. Ɓ'abɛ, nenóɗundui ka nyɔngɔ nde, ɓomúbi mmbé ɗátú kpanga nkpangeɔ. Ɓaganda, nenóɗundui ka nyɔngɔ nde, ɓona ɓukpɛkpɛ, nyɔngɔ á Mokonga a suɓi anu na ɗóɓonkíndí Nto-ajeɗe.

1 Yoáni 2:24

Aoɓá nyɔngɔ nde ɗɔ́ɓɔɔ́ki kpanga nkpangeɔ n'aiki suɓi anu, ɓɔɔnganande phɔtɔ n'Anakɛ n'Abakɛ.

1 Yoáni 3:3

Nkpa buakɛ mmbé ana nseɓeɔ ndɔ ka Kiísito, ěsokosei ɓíndɔ Kiísito a kau.

1 Yoáni 3:9

Nkpa buakɛ mmbé ande muna-Mokonga, nna ye ogea ɓojeɗe. Nga, nyɔngɔ á Mokonga aiki suɓi akɛ ɓea mbó. Nna ye ɔtɔka n'atútuisi gea á ɓojeɗe ka nyɔngɔ nde ande muna-Mokonga.