1 Ɓakɔlítɔ 13:12 - Ɔngana á Kɛ̌kɛ

¹² Ka kɛ̌kɛnde, ɓɛɔmɔna Mokonga ɓea suɓi á kiyɔa, kángá engekisa akɛ. Mbusa, ɓɛmɔnaeka iso ka iso. Kɛ̌kɛnde, neomúba Mokonga ábɔa. Mbusa, nemúbaeka phɛɛ ɓíndɔ yɛ aomúba.

1 Ɓakɔlítɔ 13:12 Iomraidhean Croise

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

Matáyɔ 5:8

Maseye ka ɓato á měma ánjá, ka nyɔngɔ nde ɓámɔnande Mokonga.

Yoáni 10:15

A tɔ ɓíndɔ Abɛ amoúbi, eme, nê phɔtɔ omúba Abɛ. Cɔ, neɓeeki kukuwa ka nyɔngɔ á ɓamɔgɔgɔ nɛmɔ.

Ɓalɔ́ma 8:18

Nɛɔni gea tambaga bui nde ɓeně kɛ̌kɛnde kákengeani na ɓoombia nde Mokonga asóphangiande base.

1 Ɓakɔlítɔ 13:11

Ɓî ɗétú miki, ɗɛ́ɔyɔnga ɓea miki, ɗéokanisia ɓea miki, ɗɛ́ɔbɛɗa nyɔngɔ ɓea miki. Cɔ, ɓî nɛmɔti ye, neɗeketi nyɔngɔ á koniki bui.

1 Ɓakɔlítɔ 8:3

Aoɓá nkpa n'ankondi gǎkɛ Mokonga, Mokonga amúbande yɛ.

2 Ɓakɔlítɔ 3:18

Ɓesu ɓɔbu ɓéké ye na bɔngɔ ndɔ aoɗaka keongi asu. Nga, ɓoombia á Mɔkɔta aophenuaga kau. Kaɓondɔ ɓeékěti ka kengeana na Mɔkɔta, ɓéoɓá goto na ɓoombia ángbó esa bui. Nndɔ ungɔ ande ekuma ndea Mɔkɔta n'ande Měma.

2 Ɓakɔlítɔ 5:7

Ande gea te, ɓeoenda suɓi á ɓeekea kángá á ɔna ka kema.

Ɓaphilípi 3:12

Kéǒbeba gea te, ne ye jú ka sungiaga na ɓá kángá kisɛki. Ne ndiu otútuisa gǎ mbangɔ ka káɓa ɛkɔmi nga, Yéso Kiísito ɗágɔɓi ye n'amɔtɔki.

Yakɔ́ɓɔ 1:23

Nga, aoɓá nkpa n'a tɔ ɔ́ka ú, kángá á tɔtɔkisa í, áoɓá ɓea nkpa n'aɔɛnjia keongi akɛ ka kiyɔa.

1 Yoáni 3:2

Ɓadani ékondi, kɛ̌kɛnde ɓe ye tɔ ɓana-Mokonga. Yɛ kásophangimbɛ gǎkɛ base, ámbé ɓeɓáeka ɓo. Nnde ɓeúbi, ande gea te, mbenɔ nde Kiísito asɛnɛkande, ɓéɓande ɓea yɛ nga, ɓɛmɔnande ɓíndɔ aɔ.

Mphaniɔ 22:4

Ɓáɔnande keongi akɛ. Ɓáɗunduande ina akɛ k'éndóndó aɓɔ.