1 Ɓakɔlítɔ 12:9 - Ɔngana á Kɛ̌kɛ

⁹ Měma ndɔ tɔ, aomopha nkpa moci ɓeekea, Měma ndɔ tɔ, aomopha moci ɓukpɛkpɛ á amisa á esambɔ ɗanga-ɗanga.

1 Ɓakɔlítɔ 12:9 Iomraidhean Croise

Matáyɔ 10:8

Óamisani ɓasambi, ójujúkisani ɓasí, ósokoseani ɓato á sǔ, óɓeagani ɓansombo. Ɓɔtɔi k'écici, gabani phɔtɔ k'écici.

Matáyɔ 21:21

Yéso áǒngoɗea: «Nenóngoɗi ɗoni gea, aoɓá na ɓona ɓeekea kángá á ngǎka, ɓókógeɛku tɔndɔ kema sumbî negi ka me ndee. Ɓɔtɔkande gǎkɛ ngonɗea á mamba nde phɔtɔ: ‹Phúikana sua, ógɛ guiɛ k'óɓe nge›, nndɔ atɔtɔkɛanande.

Málikɔ 16:18

Ɓáedungande ɓanjɔka. Aoɓá na ɓánu kema nde nkpa aokuwa ně, kéegeɛku kema. Ɓábisande njaga aɓɔ gǔ á ɓasambi, ɓundɔ ɓáoama.»

Málikɔ 6:13

Ɓáǒɓeaga ɓansombo ɓásii suɓi á ɓakpa, ɓáǒsia ɓato á kukuwa ɓásii gamba, ɓáoama.

Lóka 10:9

Óamisani phɔtɔ ɓasambi á ka nji ndɔ na ngoɗea ɓɔ te: ‹Koɓoamɛ ndea Mokonga a ye tɔ bíbí anu.›

Lóka 9:2

Mpɔ áǒteka ka tɔ̌miaga á nyɔngɔ á koɓoamɛ ndea Mokonga na amisa á ɓasambi.

Ekuma á ɓateki 10:38

Ɓo phɔtɔ oúba ɓî Mokonga ɗátúmisi ɓukpɛkpɛ á Měma akɛ ka Yéso ɓa Najalɛ́ti. Ɓo phɔtɔ oúba ɓî Yéso ɗátambi ásii ka nji bui n'aogea ánjá, na aǒamisa ɓakpa ka měma, ɓunde ɗáɓátú ka kɔkɔɓɛ á Nketi. Nga, Mokonga ɗátú kimoci na yɛ.

Ekuma á ɓateki 5:15

Ka nyɔngɔ á kema bui nde ɗágeani, ɓakpa ɓáǒbika na ɓasambi na ɓébisi k'éka na ka kɛsɛ, ɓáǒbisa k'aphe, ɓáoseɓea gea, iii á Pɛ́tɛɛ égbukumiɛ mbenɔ nde aɔnyɛ́ya.

1 Ɓakɔlítɔ 12:28

Kaɓondɔ unge, Mokonga aebisi k'ama mosá-mosá ɓateki suɓi á kanisa, mbusa áǒbisa ɓaɔtu-nyɔngɔ ndea Mokonga, mpɔ, ɓagoisigi, mbusa aɓɔ, ɓatɔtɔkisigi-ketangaɔ, ɓaamisigi ɓato á esambɔ, mpɔ, ɓato á enga á ɓakpa ɓunɛngbo, ɓaɗigimisi ekuma, mbusa, ɓato á yɔnga ɛyɔngi nde ɓakpa ɓunɛngbo ɓánáoúba.

1 Ɓakɔlítɔ 12:30

ɓaamisigi ɓato ésambɔ, ɓáyɔngi ɛyɔngi nde ɓakpa ɓánáoúba, ɓɔ ɓáunge ɓáoketia ɛyɔngi ndɔɔ.

1 Ɓakɔlítɔ 13:2

Nanga néɓá n'egabɔ á ɔtɔa nyɔngɔ á Mokonga, nanga néúba nyɔngɔ á ɓɔsɔmɛa bui, nanga néɓá na úbapha bui, nanga néɓá na ɓeekea nde aɔtɔka na toisi mamba, na ké gǎkɛ n'ékondi, ne tɔ nkpa jǎi.

2 Ɓakɔlítɔ 4:13

Ɓuku á Mokonga agi te: «Ɓî ne ye ɓeeki aunge nɛtɔ́yɔngi.» Cɔ, ɓesu phɔtɔ, ɓena ɓeekea ndɔ suɓi asu. Kaɓondɔ unge, ɓɛɔyɔnga.

Ɓaɛphɛ́sɔ 2:8

Eya, ɓoami ye tɔ ka měma ka ɓonjánja-ékondi ndea Mokonga ka nyɔngɔ á ɓeekea. Ɓoamia ndɔ kátɔtɔkɛani ka ɓukpɛkpɛ nɛnu sasanu. A ndiu tɔ ka nyɔngɔ égabɔ ndea Mokonga.

Ɓaɛbulanía 11:33

Ka nyɔngɔ á ɓeekea unge ɗáɓátɔki nji ndea ɓaamɛ. Ɗáɓáɔbɛɗanaga ka kɔkɔta nɛɓɔ na koɗoni na tɔá á kema nde Mokonga ɗáɔku. Ɓakpa ɓuangbo ɗáɓáɗaki aphenɔkɔ á ɓasimba.