1 Ɓakɔlítɔ 12:8 - Ɔngana á Kɛ̌kɛ

⁸ Měma á kanga ɓojeɗe aomopha nkpa egabɔ á yɔnga na kɔɓɔɔngɛ. Měma ndɔ tɔ, aomopha nkpa egabɔ á yɔnga nyɔngɔ á úbapha phɛɛ.

1 Ɓakɔlítɔ 12:8 Iomraidhean Croise

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Ekuma á ɓateki 6:3

Cɔ, ɓaya, ɔ́sɔmbɔani ɓakpa ngianjaga iɓɛ (7) sɔsɔɓɛ anu, ɓunde ɓá na tambea ánjá, ɓátúmi na Měma á kanga ɓojeɗe na ɓá na kɔɓɔɔngɛ, ɓébisɛ k'ékuma á egabɔ.

Ɓalɔ́ma 15:14

Ɓaya, eme ne engekisi ka phɔanu gea ɓenu sasanu ɓotúmi na mɔphɛ ánjá na úbapha ásii na ɓɔtɔki phɛana ngǔngu anu.

1 Ɓakɔlítɔ 1:30

Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

1 Ɓakɔlítɔ 1:5

Nga, Kiísito anóphi ɛtɔi ásii á yɔnga na úbapha phɛɛ.

1 Ɓakɔlítɔ 13:2

Nanga néɓá n'egabɔ á ɔtɔa nyɔngɔ á Mokonga, nanga néúba nyɔngɔ á ɓɔsɔmɛa bui, nanga néɓá na úbapha bui, nanga néɓá na ɓeekea nde aɔtɔka na toisi mamba, na ké gǎkɛ n'ékondi, ne tɔ nkpa jǎi.

1 Ɓakɔlítɔ 13:8

Ekondi nnaosía. Ɔtɔa á nyɔngɔ á Mokonga, beba á Mokonga ka ɛyɔngi nde nnaoúbukana, asiande gǎkɛ. Úbapha asiande.

1 Ɓakɔlítɔ 14:26

Cɔ, ɓaya, négeɛ ɓo? Mbenɔ nde ɓoodondanaga, nkpa moci aɔtɔka n'aembi, moci áɔphɛa, moci áɔɔ́tɔa kema á ɓɔsɔmɛa ndea Mokonga, moci áɔyɔnga ka ɛyɔngi nde nnaoúbukana, moci n'aoketia nyɔngɔ ndɔɔ. Nndɔ bui ágeanɛ ka mɔtisaga á ɓeekea ndea ɓato á ka kanisa.

1 Ɓakɔlítɔ 14:6

Cɔ, ɓaya, mbenɔ nde nejúande mɔtɛ-anu, nɛ̂ tɔ ɔyɔngaga na ɓenu ka ɛyɔngi nde nnaoúbukana, neɓande na kantíti ka ɓenu ka kema sina? Neɓande tɔ na kantíti ámbé nɛɔnɔ́tɔmia kema á ɓɔsɔmɛa ndea Mokonga, nyɔngɔ á úbapha, ɔtɔa á nyɔngɔ nde atóki ka Mokonga na ɓɔphɛi.

1 Ɓakɔlítɔ 2:11

Cɔ, ani mmbé aoúba nyɔngɔ á ka měma á dakɛ? Měma á nkpa sasakɛ tɔ unge aoúba. A phɔtɔ ɓó ka Mokonga. Nkpa nnaoúba nyɔngɔ á suɓi á Měma á Mokonga, na nna tɔndɔ Měma akɛ sasakɛ.

1 Ɓakɔlítɔ 2:16

Ɓáɗundu suɓi á Ɓuku á Mokonga ɓe: «Ani mmbé aoúba kanisia ndea Mɔkɔta? Ani mmbé aɔtɔka n'amphɛí?» Ɓesu ɓe gǎkɛ na kanisia nde atóki ka Kiísito.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 11:6

Nanga ɓî kéoúba yɔnga ánjá, ne ndiu na úbapha phɛɛ. Ɗéɓenɔɔnisi kema bui base ka mbenɔ bui.

2 Ɓakɔlítɔ 2:14

Cɔ, ɓémbebɛni Mokonga nga, ka jukanisa asu na Kiísito aunge ɓena ɓukpɛkpɛ á kinda esa bui. Aosóbɛɗaneaga ka ɛmbisa á nyɔngɔ nɛkɛ ka nji bui ɓea su á nkoki nnde aɔɛmba ɔma bui.

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

2 Ɓakɔlítɔ 8:7

Cɔ, ɓenu, ɓona kema bubui, kaɓɛ ɓeekea, egabɔ á yɔnga, úbapha, moíngí kángá á sungiaga. Ɓo phɔtɔ n'ekondi ásii ka ɓesu. Kaɓondɔ, ɓekondi ɓɔ́ɔnisɛ phɔtɔ gea, ɓona kema bui k'ékuma ndɔɔ.