1 Ɓakɔlítɔ 12:6 - Ɔngana á Kɛ̌kɛ

⁶ Mokonga a tɔ mo. Yɛ gǎkɛ tɔ aámbé aeɓophi ɓakpa ɓɔbu ɓukpɛkpɛ á tɔtɔkisa á ekuma ɗanga-ɗanga bui.

1 Ɓakɔlítɔ 12:6 Iomraidhean Croise

Yoáni 5:17

Yéso â gǎkɛ ǒsikisia te: «Abɛ aɔbɛɗanaga esa bui, n'eme ne phɔtɔ ɔbɛɗanaga.»

1 Ɓakɔlítɔ 12:11

Cina á ɓukpɛkpɛ ndɔ bubui atóki ka Měma ndɔ a tɔ mo. Yɛ aámbé aongabea nkpa na nkpa egabɔ ndɔ ɓíndɔ akondi.

1 Ɓakɔlítɔ 12:5

Mɔkɔta a tɔ mo. Yɛ gǎkɛ tɔ aámbé ɓáɔmbɛɗaneaga ekuma ɗanga-ɗanga.

1 Ɓakɔlítɔ 15:28

Mbusa, ɓî Mokonga abisande kema bui kusi á kɔkɔta ndea Kiísito, Kiísito sasakɛ ěbisande kusi á Abakɛ, mmbé ɗábisi kema bubui kusi á Kiísito. Mpɔ, Mokonga aɓande ye tɔ moamɛ gǔ á kema bubui.

1 Ɓakɔlítɔ 3:7

Cɔ, nkonanigi na nɗuki-iɓo ɓɔbu ɓáká na kantíti. Mmbé ana kantíti, a gǎkɛ tɔndɔ Mokonga, mmbé aɔtɛisa mbó.

Ɓaɛphɛ́sɔ 4:6

Mokonga a tɔ moci n'ande Aba ɓakpa ɓɔbu. Yɛ, a gǔ á ɓakpa ɓɔbu, aɔbɛɗanaga ka ɓakpa ɓɔbu, aiki ka ɓakpa ɓɔbu.

Ɓaphilípi 2:13

Ande gea, Mokonga aámbé aɔbɛɗanaga ka měma anu, n'aonópha mɔphɛ na ɓukpɛkpɛ á tɔtɔkisa á moangɔ nɛkɛ nnde áɔmɓɔngɛa.

Ɓakɔlɔsái 1:29

Ka nyɔngɔ índɔ unge nɛɔbɛɗanaga na mana na ɓukpɛkpɛ nde Kiísito aomopa. Nndɔ aomoenga ka tɔtɔkisa ekuma na ɓukpɛkpɛ.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!