1 Ɓakɔlítɔ 12:3 - Ɔngana á Kɛ̌kɛ

³ Kaɓondɔ unge, nekondi ɓóúbɛ base gea, mmbé aɔyɔnga na ɓukpɛkpɛ á Měma á Mokonga nnaɔtɔka n'ayɔngi gea: «Ámbé ɓánsɛmɛigi phɔ́ Yéso.» Na nna na nkpa nde aɔtɔka n'ayɔngi gea: «Yéso ande Mɔkɔta», Měma á kanga ɓojeɗe na kángoisigi.

1 Ɓakɔlítɔ 12:3 Iomraidhean Croise

Matáyɔ 22:43

Yéso áǒgea te: «Ka nyɔngɔ éke nde Měma á kanga ɓojeɗe amphangi Daúdi gea ámɔphanɛ Kiísito, ‹Mɔkɔta› nɛkɛ? Daúdi áogea:

Málikɔ 9:39

Yéso â gǎkɛ ongea te: «Kónimisiɛmbɛ. Nga, nkpa nnaɔtɔtɔkisa ketangaɔ k'ína ani, mbusa í, áɔyɔnga ájeɗe ka phɔani.

Yoáni 13:13

Ɓogi ánjá ka ɔphana ani: ‹Ngoisigi› na ‹Mɔkɔta› nga, eme nende yɛ.

Yoáni 13:14

Cɔ, kaɓɛ netónosokosi ecinji, eme ‹Ngoisigi› na ‹Mɔkɔta›, akeni ɓenu ka ɓenu ɓósokosanɛ phɔtɔ ecinji anu.

Yoáni 15:26

Nenotekisiande Nengi n'atóki ka Abɛ. Ande Měma á ɗoni, mmbé atóki mɔtɛ á Abɛ. Mbenɔ nde akiɗiande, yɛ aámbé amoɗigimisande.

Ekuma á ɓateki 8:37

Philípɔ áongea: «Kaɓɛ n'oɓeeki ka měma akɔ bui, ɓáɔtɔka na ɓákoɓatisi.» Mpɔ nkpa ndɔ áonjisia: «Neɓeeki gea te Yéso Kiísito ande Muna-Mokonga.»]

Ɓalɔ́ma 10:9

Aoɓá n'ɔyɔngi k'aphenɔkɔ akɔ sisakɔ mosá á ɓakpa gea, Yéso ande Mɔkɔta na ɓeekea ka měma akɔ gea, Mokonga ɗánjujúkisi ka kukuwa sɔsɔɓɛ á ɓasí, oamande ka měma.

Ɓalɔ́ma 9:3

Nɛtɔ́ɔni ánjá Mokonga ámɔsɛmɛɛgɛ na nékatanɛ na Kiísito ka nyɔngɔ á ɓana-ayi íɓundɔ nɛɓɔkɔtɛani na ɓɔ.

1 Ɓakɔlítɔ 16:22

Aoɓá nkpa na kánkondi Mɔkɔta, ambe ɓánsɛmɛɛgɛ! Mɔkɔta nɛsu bika!

1 Ɓakɔlítɔ 8:6

Ka ɓesu gǎkɛ, Abasu Mokonga a tɔ mo, mmbé aconji kema bubui, na ka ɓukpɛkpɛ nɛkɛ aunge ɓeoenda. Mɔkɔta a tɔ mo, Yéso Kiísito, mmbé kema bui a ɓei ka nyɔngɔ akɛ, na ka ɓukpɛkpɛ nɛkɛ aunge ɓeoenda.

2 Ɓakɔlítɔ 11:4

Nndɔ atókani ka ɔna ɓî ɓomɓeeki nkpa buakɛ mmbé abiki mɔtɛ-anu na tɔ̌mia anu mbino á Yéso ɓaangbo, mmbé atingani na mmbé ɗéɓenɔtɔ̌mi mbino akɛ. Á bǎ í, ɓokamisigi ɓeekea á měma nɛngbo na mbino nɛngbo nde atingani na Měma á Mokonga na Mbino ánjá nde ɗɔ́ɓɔtɔi mɔtɛ-asu.

2 Ɓakɔlítɔ 3:5

Ɓeoúba gea, ɓéké na ɓukpɛkpɛ á tɔtɔkisa á kema ɓíndɔ sasasu. Ɓukpɛkpɛ ndɔ a tɔ otóka ka Mokonga.

Ɓagalatía 3:13

Kiísito ɗásóphúi ka sɛmɛaga nde ɛɔphi ɗátú ně ka phɔasu, â ye tɔ okumba ú k'ɔ́ma nɛsu. Nga, Ɓuku á Mokonga ayɔngi ɓe: «Nkpa nde ɓáonkpata gǔ á me, aámbé Mokonga aɔnsɛmɛaga.»

Mphaniɔ 1:10

Cɔ, ɗátú esa á Mɔkɔta, Měma á Mokonga ɗámɔgɔni, nɛ́ɔɔ́ka ɛsɔ mbusa ani n'akpɛ ɓea ɛsɔ á mbengu.