1 Ɓakɔlítɔ 12:18 - Ɔngana á Kɛ̌kɛ

¹⁸ Cɔ, Mokonga ɗábisi gǎkɛ gbútuka á nyama moci-moci k'ɔ́ma nɛkɛ ɓíndɔ akondi.

1 Ɓakɔlítɔ 12:18 Iomraidhean Croise

Lóka 10:21

Ka mbenɔ ndɔ tɔ, Yéso áotúma na maseye ka ɓukpɛkpɛ á Měma á kanga ɓojeɗe. Áɔmɛma ɓe: «Hoo! Abɛ, Mɔkɔta á ka mokonda na koba, neosikisíí ɓosegi nga, ɔsɔ̌mi moangɔ nɛkɔ ka ɓaúbaphi na ɓato á kɔɓɔɔngɛ, ô ndiu obisa base ka ɓaniki ɓábɔbɔa. Eya, Abɛ! A ɓó nga, ɓondɔ unge ɗókondi.»

Lóka 12:32

Miki á nsamba á ɓamɔgɔgɔ nɛmɔ, ɓókoɓɛmbɛ na kɔɓɔɓɔkɔ! Nga Abanu ana siki á opha anu koɓoamɛ nɛkɛ.

Ɓalɔ́ma 12:3

Ka ɓeana na ɓonjánja-ékondi nde Mokonga ɗámopi, aunge nenóngoɗi ɓenu ɓɔbu gea, ká ɓenu kaɓɛmbɛ něɗokomisa phɛɛ, nkpa na nkpa áɓɛ ndiu na měma á ɛngɛpha ka ɓeana na keɓu á ɓeekea nde Mokonga ɗángabei.

Ɓalɔ́ma 12:6

Ka ɓonjánja-ékondi ndea Mokonga aunge nkpa na nkpa sɔsɔɓɛ asu ɗátɔí ebigɔ ɗanga-ɗanga mɔtɛ á Mokonga, kaɓɛ n'ande ɔtɔa á nyɔngɔ, akeni gǎkɛ áɔtɔɛ ú ka ɓeana na ɓeekea nɛkɛ.

1 Ɓakɔlítɔ 12:11

Cina á ɓukpɛkpɛ ndɔ bubui atóki ka Měma ndɔ a tɔ mo. Yɛ aámbé aongabea nkpa na nkpa egabɔ ndɔ ɓíndɔ akondi.

1 Ɓakɔlítɔ 12:17

Aoɓá nyama bui n'a tɔ iso, ɓɛɔ́kaphande ɓo? N'aoɓá nyama bui n'a tɔ kecue, ɓɛɔ́kande su á kema ɓo?

1 Ɓakɔlítɔ 12:19

Atúoɓá gbútuka á nyama bubui n'a tɔ moci, ámbé nyama nna ɓei!

1 Ɓakɔlítɔ 12:24

Gbútu-gbútu á nyama nde nna kɔsɔɔnisa soni, ɓékéɔtɔka na ɓeambi ú. Cɔ, Mokonga aámbé ajúki nyama ka gea gbútu-gbútu á nyama nde nna na ɓoombia áɓɛ ndiu na ɓoombia phɛɛ.

1 Ɓakɔlítɔ 12:28

Kaɓondɔ unge, Mokonga aebisi k'ama mosá-mosá ɓateki suɓi á kanisa, mbusa áǒbisa ɓaɔtu-nyɔngɔ ndea Mokonga, mpɔ, ɓagoisigi, mbusa aɓɔ, ɓatɔtɔkisigi-ketangaɔ, ɓaamisigi ɓato á esambɔ, mpɔ, ɓato á enga á ɓakpa ɓunɛngbo, ɓaɗigimisi ekuma, mbusa, ɓato á yɔnga ɛyɔngi nde ɓakpa ɓunɛngbo ɓánáoúba.

1 Ɓakɔlítɔ 15:38

Cɔ, Mokonga aobisa nyama ka mbó ndɔ ɓíndɔ akondi, ka tɛisa á me. Mbó bubui, a tɔ na me nɛkɛ sasakɛ.

1 Ɓakɔlítɔ 3:5

Cɔ, Apɔ́lɔ ande ani? Pɔ́lɔ ande ani? Ɓe tɔndɔ ɓabɛɗanigi, ɓunde ɗóɓoɓeeki ka ɓeana na ɓɔphɛi nɛɓɔ. Nkpa na nkpa ɗátɔtɔkisi ekuma ɓíndɔ Mokonga ɗángabei.

Ɓaɛphɛ́sɔ 1:5

Kaɓondɔ, ɗáangi mosá gea, ɓéɓɛ ɓ'anakɛ k'aphe ndea Yéso Kiísito. Nga, moangɔ ndɔ aunge ɗámɓɔngɛi phɛɛ, áoɓá mɔphɛ akɛ ka ekondi nɛkɛ.

Ɓaɛphɛ́sɔ 1:9

Áosóphangia base moangɔ nɛkɛ á ɓɔsɔmɛa ka ɓonjánja, áosuia kala tɔtɔkisa í ka Kiísito.

Mphaniɔ 4:11

«Mɔkɔta nɛsu Mokonga, okeni na opha akɔ ɓoombia, ɓokutú, na ɓukpɛkpɛ. Nga, oɓɛ aámbé ɗóconji kema bui, Ka nyɔngɔ á mɔphɛ nɛkɔ aunge, kema bui ɓácɔnji na a ɓei.»