1 Ɓakɔlítɔ 12:11 - Ɔngana á Kɛ̌kɛ

¹¹ Cina á ɓukpɛkpɛ ndɔ bubui atóki ka Měma ndɔ a tɔ mo. Yɛ aámbé aongabea nkpa na nkpa egabɔ ndɔ ɓíndɔ akondi.

1 Ɓakɔlítɔ 12:11 Iomraidhean Croise

Matáyɔ 11:26

Eya, Abɛ! Nnde ɗókondi aungɔ.»

Matáyɔ 20:15

Kékeni gea á imɔna nɛmɔ ɓíndɔ nekondi? Cɔ, ona ngíni ani ka nyɔngɔ nde nende nkpa anjánjá?›»

Yoáni 3:27

Mpɔ, Yoáni áǒsikisia gea te: «Nkpa nnaɔtɔka n'atɔi kema kaɓɛ Mokonga n'akamophi.

Yoáni 3:8

Nga, sumbu aosinda ɓî akondi, ɔ̂ɔ́ka ndǔ í. Kó gǎkɛ oúba ɔma nde atóki na ɔma nde aoga. A phɔtɔ ɓó ka nkpa buakɛ mmbé aɓɔkɔtɛani ka ɓukpɛkpɛ á Měma á Mokonga.»

Yoáni 5:21

Nga, a tɔ ɓíndɔ Abɛ aǒjujukisa ɓasí ka kukuwa na endisa aɓɔ goto, a phɔtɔ ɓó unge Anakɛ aonendisa nkpa buakɛ mmbé akondi endisa akɛ.

Ɓalɔ́ma 12:6

Ka ɓonjánja-ékondi ndea Mokonga aunge nkpa na nkpa sɔsɔɓɛ asu ɗátɔí ebigɔ ɗanga-ɗanga mɔtɛ á Mokonga, kaɓɛ n'ande ɔtɔa á nyɔngɔ, akeni gǎkɛ áɔtɔɛ ú ka ɓeana na ɓeekea nɛkɛ.

Ɓalɔ́ma 9:18

Ande gea te, Mokonga aokonda kuia á nkpa ngomi, áonkuia. A gǎkɛ okonda nkpa áɓɛ na měma akpɛ, nkpa ndɔ áoɓa ně.

1 Ɓakɔlítɔ 12:18

Cɔ, Mokonga ɗábisi gǎkɛ gbútuka á nyama moci-moci k'ɔ́ma nɛkɛ ɓíndɔ akondi.

1 Ɓakɔlítɔ 12:4

Cɔ, Měma á kanga ɓojeɗe a tɔ mo. Yɛ gǎkɛ tɔ aámbé aogaba egabɔ ɗanga-ɗanga.

1 Ɓakɔlítɔ 12:6

Mokonga a tɔ mo. Yɛ gǎkɛ tɔ aámbé aeɓophi ɓakpa ɓɔbu ɓukpɛkpɛ á tɔtɔkisa á ekuma ɗanga-ɗanga bui.

1 Ɓakɔlítɔ 7:17

Cɔ, kaɓɛ na nna ɓó, akeni nkpa na nkpa áendɛ ka etéte á enda nde Mokonga ɗámophi. Áendɛ phɔtɔ ɓea ɓî ɗátú, Mokonga na kámɔphanimbɛ. Ɓɔphɛi ndɔ unge nɛɔphɛa ka kanisa bui.

1 Ɓakɔlítɔ 7:7

Netókondi gea, ɓakpa ɓɔbu ɓáɓɛ ɓea eme, kángá á ɓoá á nke. Nkpa na nkpa a gǎkɛ n'egabɔ nɛkɛ sasakɛ ɓíndɔ Mokonga amophi. Nkpa moci, egabɔ índe, nkpa ɓaangbo, egabɔ índo.

2 Ɓakɔlítɔ 10:13

Ɓesu, ɓékéǒɗokomisa phɛɛ, ɓeokonda bɛɗaneaga kipimɔ ékuma nde Mokonga ɗásópi na nnde ɗásójúsi mɔtɛ-anu.

Ɓaɛphɛ́sɔ 1:11

Ka ɔngana na Kiísito, ɗéɓetɔí keɓu nde Mokonga ɗásɔɔku nga, Mokonga ɗásɔsɔmbu mosá ka ɓeana na moangɔ nɛkɛ, goto áɔtɔtɔkisa kema bui ɓíndɔ ɗáangi na konda.

Ɓaɛphɛ́sɔ 4:7

Nkpa na nkpa, sɔsɔɓɛ asu ana egabɔ nɛkɛ ɓíndɔ Kiísito angabei.

Ɓaɛbulanía 2:4

Mokonga â gǎkɛ oɗigimisa nyɔngɔ nde ɗáɓátɔ̌mi, ka tɔtɔkisa á mphangiɔ na ketangaɔ ɗanga-ɗanga phɔtɔ ɓî agabi Měma á kanga ɓojeɗe ɓíndɔ ɗákondi.

Yakɔ́ɓɔ 1:18

K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.