1 Ɓakɔlítɔ 11:32 - Ɔngana á Kɛ̌kɛ

³² Cɔ, Mɔkɔta a gǎkɛ otena nyɔngɔ nɛsu na ɓɛta asu ka gea, ɓákátenɛmbɛ nyɔngɔ nɛsu akpɛ kimoci na ɓakpa nde ɓánáomúba Mokonga.

1 Ɓakɔlítɔ 11:32 Iomraidhean Croise

Ɓalɔ́ma 3:19

Cɔ, ɓeoúba gea, nyɔngɔ bubui nde ɛɔphi ayɔngi a tɔ ka phɔa ɓakpa nde ɓá kusi á ɛɔphi. Ka gea te, nkpa buakɛ ádakanɛ, na úba gea, ɓato á ka mokonda ɓɔbu ɓánde ɓato á ɓojeɗe mosá á Mokonga.

Ɓalɔ́ma 5:16

Goto, egabɔ ndea Mokonga atingani na kema nde ɗátɔtɔkɛani ka nyɔngɔ á ɓojeɗe ndea Adámu. Ka nyɔngɔ á ɓojeɗe ndea nkpa ndɔ tɔ moci, aunge Mokonga ɗáteni nyɔngɔ ndea ɓakpa akpɛ. Cɔ, ka nyɔngɔ á egabɔ á ɓonjánja-ékondi ndea Mokonga mbusa á ɓojeɗe ásii ndea ɓakpa, aunge yɛ aǒtanga ɓakpa ɓato á ɓonjánja mosá akɛ.

1 Ɓakɔlítɔ 1:20

Cɔ, nto á kɔɓɔɔngɛ awani? Ngoisigi-ɛɔphi awani? Nto á úbapha á ka mokonda awani? Mokonga kákěti phɔ́ kɔɓɔɔngɛ ndea ka mokonda nde ka kobóbó?

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 11:30

Ka nyɔngɔ índɔ unge, ɓakpa ɓásii sɔsɔɓɛ anu ɓáosamba, na ɓuangbo nyama aɓɔ aɔlɔmani, na ɓásii ɓaku.

1 Ɓakɔlítɔ 11:31

Atúoɓá na ɓɛɛnji phɔ́ tambea asu bîbíbí, ámbe Mokonga kátótɛnɛku ka nyɔngɔ nɛsu.

1 Ɓakɔlítɔ 11:33

Cɔ, ɓaya, mbenɔ nde ɓoodondanaga ka eaga eea á Mɔkɔta, ɓóndeanagani.

1 Timɔtɛ́ɔ 1:20

Imɛnɛ́ɔ na Alɛkisándɛɛ ɓá sɔsɔɓɛ aɓɔ. Kaɓondɔ, ɗébisi ɓakpa ndɔ ka njaga á Sɛtáni ka gea, ɓákámbómɛmbɛ ye Mokonga.

1 Yoáni 5:19

Ɓeoúba gea, ɓende ɓana-Mokonga, mokonda bui a gǎkɛ kusi á kɔkɔta ndea Nto-ajeɗe.

Mphaniɔ 3:19

Eme, neóphekeaga na sɛka á ɓakpa ɓɔbu ɓundɔ někondi. Cɔ, ɓá na moíngí na kětia tambea akɔ.