1 Ɓakɔlítɔ 11:3 - Ɔngana á Kɛ̌kɛ

³ Nekondi gǎkɛ ɓóúbɛ nyɔngɔ ndee: Kiísito ande mɔ̌ á mǒko buakɛ. Mǒko ande mɔ̌ á nke. Mokonga ande mɔ̌ á Kiísito.

1 Ɓakɔlítɔ 11:3 Iomraidhean Croise

Matáyɔ 28:18

Mpɔ Yéso áobika ka mpɛphɛ aɓɔ, áǒngoɗea te: «Ɓámopi kɔkɔta bui á na koba na nnde á ka mokonda.

Yoáni 14:28

Ɓɔɔ́kima ɓî nenóngoɗima gea: ‹Nege, nejande gǎkɛ mɔtɛ-anu.› Atúoɓá na ɓomokondi, ámbé ɓona maseye, ka nyɔngɔ nde, nege mɔtɛ á Abɛ. Nga, Abɛ amɔnyɛ́nyi.

1 Ɓakɔlítɔ 3:23

Cɔ, ɓenu, ɓonde gǎkɛ ɓakpa ndea Kiísito, Kiísito n'ande ɓa Mokonga.

Ɓaɛphɛ́sɔ 4:15

A gǎkɛ oɓá na ɓɛɔyɔnga nyɔngɔ á ɗoni n'ekondi, ámbé ɓɛmɔtande ka kema bui na engimiana na Kiísito mmbé ande mɔ̌.

Ɓakɔlɔsái 1:18

Kanisa ande nyama á Kiísito, yɛ aámbé ande mɔ̌ í. Ande phɔtɔ nkpangeɔ á kema bubui. Ande ánge, mmbé ɗájujúki k'ama mosá-mosá sɔsɔɓɛ á ɓasí gea te, yɛ sasakɛ áɓɛ gǔ á kema bui.

Ɓakɔlɔsái 2:10

Ɓî ɓɔɔngani na yɛ, ɓɔtɔi ebigɔ nɛkɛ bui. Yɛ, a gǔ á kɔkɔta bui na ɓukpɛkpɛ bui.

Ɓakɔlɔsái 2:19

Cɔ, ɓakpa nde ɓákájúkani na Kiísito na Kiísito aámbé a ɓea mɔ̌, nnde aoendisa nyama bui na aodondanisaga nsisa bui ka gea nyama á mɔtɛ ɓíndɔ Mokonga akondi.

Ɓakɔlɔsái 3:18

Cɔ, ɓake, ɔ́ɓɔ́kani ɓamunyanu ɓíndɔ akeni ka Mɔkɔta.

1 Pɛ́tɛɛ 3:1

A phɔtɔ ɓó ka ɓenu ɓake, ɔ́ɓɔ́kani ɓamunyanu. Nga, nanga ka ɓɔ sɔsɔɓɛ aɓɔ ɓákáoɓeekea nyɔngɔ á Mokonga, ɓǒɓoteande ka tambea anu ánjá kángá ngoɗea aɓɔ ka nyɔngɔ,