1 Ɓakɔlítɔ 11:27 - Ɔngana á Kɛ̌kɛ

²⁷ Ka nyɔngɔ nde, nkpa nde aoea mokati na noa á divai á ka kiɓe ndea Mɔkɔta na kákeni, mmbɔ agi ɓojeɗe ka phɔa nyama na magia á Mɔkɔta.

1 Ɓakɔlítɔ 11:27 Iomraidhean Croise

Matáyɔ 22:11

Ɓî moamɛ angí ye k'éndu ɛ́kɛka ka ɔna ɓato á ɛkɛka, áɔmɔna nkpa moci mmbé ɗákáɔ́li ngɔ́mbɛ ɛ́kɛka,

Yoáni 6:51

Nende mokati á endisa, nnde atóki na koba. Aoɓá nkpa n'aí ka mokati ndɔ, aendande mɛyɔ. Mokati ndɔ, ande kesuku ani, nnde něgabeande ɓato á ka mokonda ka gea, ɓáɓɛ na enda.»

1 Ɓakɔlítɔ 10:21

Ɓókóɔtɔka na ɓonu ka mɔngɔ ímoci kiɓe á Mɔkɔta na kiɓe á ɓaketi. Ɓókó phɔtɔ ɔtɔka na ɓoigi ka mɔngɔ ímoci eea ndea Mɔkɔta na eea ndea ɓaketi.

1 Ɓakɔlítɔ 11:29

Ka nyɔngɔ nde, aoɓá nkpa n'aí mokati na noa divai á ka kiɓe kángá úba kantíti á nyama á Mɔkɔta, ateni nyɔngɔ nɛkɛ akpɛ yɛ sasakɛ ka ea na noa.

Ɓaɛbulanía 10:29

Cɔ, ɓookanisia ɓo? Nkpa nde aɔmɓɛnjiaga Muna-Mokonga, kákeni ɓántambisɛgɛ akpɛ phɛɛ? Nga, yɛ nnaɔɔna kantíti á magia á ɔngana nde aími ɓojeɗe nɛkɛ, abómi phɔtɔ Měma mmbé asóúbisi ɓonjánja-ékondi ndea Mokonga.