1 Ɓakɔlítɔ 11:26 - Ɔngana á Kɛ̌kɛ

²⁶ Nga, mɔngɔ bui nde ɓooea mokati nde, na noa divai á ka kiɓe nde, ɓooúbisa kukuwa á Mɔkɔta na ka ɓî ajaeka.

1 Ɓakɔlítɔ 11:26 Iomraidhean Croise

Yoáni 14:3

Ɓî nege ɔɓɔngisiaga kanu ɔma á ɓoiki, nebikaeka goto ɔnɔbɛɗa ka gea, ɔma nde neiki, ɓenu ɓóikɛ phɔtɔ ɓei.

Yoáni 21:22

Yéso áonsikisia: «Kaɓɛ na nekondi gea áendɛ na ka ɓî nebikande, nɛkɔ kau ande eke? Oɓɛ, ómoɓeá!»

Yoáni 21:23

Nyɔngɔ ndɔ áɔɛmba ka kecue á ɓadakɛ ɓáɓêki gea, ngoigi ndɔ kákuwɛku. Cɔ, Yéso ɗákángonɗi gea: «Kákuwɛku.» Ɗáyɔngi ndiu: «Kaɓɛ na nekondi gea áendɛ na ka ɓî nebikande, nɛkɔ kau ande eke?»

Ekuma á ɓateki 1:11

Ɓáǒngoɗea te: «Ɓato á ka Galiláya, nyɔngɔ sina nde ɓomamei wani, na ɓɔɔnjia na koba? Yéso, mmbé Mokonga ɗántókisi ka nkíndí anu, áontáisa na koba, ajande goto tɔ ɓíndɔ ɓɔmɔni n'aotáia na koba.»

1 Ɓakɔlítɔ 15:23

Cɔ, ɓejujukande gǎkɛ nkpa na nkpa ka mbenɔ nɛkɛ. Kiísito aámbé ɗájujúki ka kukuwa, ande ánge, mpɔ, ɓakpa nɛkɛ k'ésa nde yɛ abikaeka.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

1 Ɓatɛsalɔníka 4:16

Nga, ɓɛɔ́kande ɛsɔ ángbó, á mɔphani, ɛsɔ á malaéka, n'ɛsɔ á mbengu ndea Mokonga. Mpɔ, Mɔkɔta sasakɛ atókande na koba, áodida. Mbusa, ɓakpa nde ɗáɓásí na ɗáɓámɓeeki Kiísito, ɓájujukande ka kukuwa mosá-mosá.

2 Ɓatɛsalɔníka 1:10

Nndɔ, atɔtɔkɛanaeka k'ésa á ja akɛ. Wa, ɓakpa nɛkɛ ɓɔbu ɓunde ɓámɓeeki, ɓánɗokomisaeka, ɓáotangaaga ɓoombia nɛkɛ. Ɓenu phɔtɔ, ɓoɓande sɔsɔɓɛ aɓɔ nga, ɓoɓeeki nyɔngɔ nde ɗéɓenɔtɔ̌mi.

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

2 Pɛ́tɛɛ 3:10

Esa ndea Mɔkɔta abikande ɓea nkukuɓa. K'ésa ndɔ, koba anyɛ́nyande na nduu á ɓangisa, ɓasɛɛngɔa ɓáenyanyɔande. Mokonga agogande mokonda na kema bubui nde ɓakpa ɓáconji.

1 Yoáni 2:28

Cɔ, ɓaniki amɔ! Kɛ̌kɛnde ikani suɓi á ɔngana na Kiísito ka gea te, esa nde asɛnɛkaeka, ɓéoɓá na nseɓeɔ kángá á kuwa na soni mosá akɛ ka bika akɛ.

Yúda 1:14

Cɔ, nyɔngɔ aɓɔ unge Ɛnɔ́ka nkpa á ko ngianjaga iɓɛ kpangá ka Adámu ɗáɔtu kala gea te: «Ɔ́nani, Mɔkɔta aobika na ɓamalaéka ndeakɛ ɓásii phɛɛ

Mphaniɔ 1:7

Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.

Mphaniɔ 22:20

Mmbé amamei nyɔngɔ á suɓi á ɓuku ndee, ayɔngi ɓe: «Eya, neobika kɛ̌kɛnde.» Áɓɛ ɓó, Mɔkɔta Yéso, bika!