1 Ɓakɔlítɔ 11:17 - Ɔngana á Kɛ̌kɛ

¹⁷ Ka ɓeana na kisɛki nde nɛɔnɔɔnisa, kɛ́ɔtɔka na nenobebi ka nyɔngɔ í. Ka nyɔngɔ nde, ɓî ɓoodondanaga, ɓojeɗe aɓiki phɛɛ kɔnyɛ́nya ɓonjánja.

1 Ɓakɔlítɔ 11:17 Iomraidhean Croise

Ɓalɔ́ma 13:3

Nga, ɓunde ɓáogea ánjá ɓánáɔtɔka na ɓ'eɓángi ɓateni-nyɔngɔ, tɔndɔ ɓunde ɓá ndiu ogea ɓojeɗe. Kóokonda ɓánga á mɔkɔta á nji? Cɔ, gea ánjá na akobebande.

1 Ɓakɔlítɔ 11:2

Nenósegi ka nyɔngɔ nde ɓoomokanisia ka nyɔngɔ bui, phɔtɔ ɓooamba ɓɔphɛi nɛmɔ ɓíndɔ ɗénóphɛí.

1 Ɓakɔlítɔ 11:20

Cɔ, ɓî ɓoodondanaga, nna eea ndea Mɔkɔta unge ɓooea.

1 Ɓakɔlítɔ 11:22

Cɔ, ɓókó n'endu nde anokeni ka eaga na noa kau? Ɓootondea kanisa ndea Mokonga, na konda á kusa na soni ɓakpa nde ɓáká na kema ee? Nénongoɗeɛ ɓo? Nénobebɛ? Kétanda onobeba k'índɔ.

1 Ɓakɔlítɔ 11:34

Aoɓá nkpa n'ana nja, áeɛgɛ k'éndu nɛkɛ, ka ɓangisa gea, mbenɔ nde ɓoodondanaga, Mokonga katenɛmbɛ nyɔngɔ nɛnu. Cɔ, nɛɓɔngisiagande nyɔngɔ nɛngbo, nnde ajigi, mbenɔ nde nejuande mɔtɛ-anu.

1 Ɓakɔlítɔ 14:23

Aoɓá ɓato á ka kanisa ɓɔbu na ɓádondanigi, ɓâ tɔ ɔyɔnga ka ɛyɔngi nde nnaoúbukana, cɔ, ɓakpa jǎi-jǎi na ɓunde ɓáká ɓaɓêki na ɓá ɓei, ɓákágeɛku te, ɓoyaí?

1 Ɓakɔlítɔ 14:26

Cɔ, ɓaya, négeɛ ɓo? Mbenɔ nde ɓoodondanaga, nkpa moci aɔtɔka n'aembi, moci áɔphɛa, moci áɔɔ́tɔa kema á ɓɔsɔmɛa ndea Mokonga, moci áɔyɔnga ka ɛyɔngi nde nnaoúbukana, moci n'aoketia nyɔngɔ ndɔɔ. Nndɔ bui ágeanɛ ka mɔtisaga á ɓeekea ndea ɓato á ka kanisa.

Ɓaɛbulanía 10:25

Ɓékéɗeketɛmbɛ dondanaga kimoci ɓíndɔ ɓakpa ɓuangbo ɓáɛmbani na ɗeketa í. Ɓégbagisanɛgɛni goto phɛɛ nga, ɓɔɔni gea esa á ja á Mɔkɔta a ye tɔ bíbí.

1 Pɛ́tɛɛ 2:14

kaɓɛ ɓakɔta á ntanga-nji, ɓunde aéteki ka tambisaga á ɓakpa nde ɓáogea ájeɗe na sega á ɓunde ɓáogea ánjá.