1 Ɓakɔlítɔ 10:29 - Ɔngana á Kɛ̌kɛ

²⁹ Nɛyɔngi ɓó ka nyɔngɔ á měma á nkpa ndɔɔ, nna ka nyɔngɔ á měma anu. Cɔ, ka nyɔngɔ sina nde nyɔngɔ á měma á nkpa ɓaangbo, aoimisia nyɔngɔ á kema nde neogea ú kángá ngǎka?

1 Ɓakɔlítɔ 10:29 Iomraidhean Croise

Lóka 4:18

«Měma á Mɔkɔta amɔgɔni, amɔsɔmbu ka tɔ̌miaga á ɓato á ɓuyɛnɛ Mbino-Ánjá. Â phɔtɔ omoteka ka úbisa á ɓato á mekakɔ esa á juana aɓɔ na koɗa iso á ɓakeíme-íme, na phúia á ɓakusi ka kɔkɔɓɛ,

1 Ɓakɔlítɔ 10:32

Tambea anu kaɓɛmbɛ ephiphi ájeɗe ka Ɓayúda, na ɓunde ɓáná Ɓayúda, phɔtɔ ka ɓato á kanisa ndea Mokonga.

1 Ɓakɔlítɔ 9:1

Cɔ, kéna kɔkɔta á gea á kema nde nekondi ee? Ké nteki ee? Eme, ɗékémɔni Yéso, Mɔkɔta nɛsu ee? Ɓókó ɓaniki ékuma nɛmɔ suɓi á Mɔkɔta ee?

1 Ɓakɔlítɔ 9:19

Nna na nkpa nde nende nkɔɓɛ nɛkɛ. Eme, ɗéněbisi gǎkɛ sasani nkɔɓɛ ndea ɓakpa ɓɔbu ka gea, nééɓoteɛ ɓakpa ɓásii, ɓáɓɛ ɓakiísito.

2 Ɓakɔlítɔ 8:21

Ɓeokáɓa gea ánjá, nna tɔndɔ mosá á Mɔkɔta, a ndiu phɔtɔ mosá á ɓakpa.

1 Ɓatɛsalɔníka 5:22

Téani ɓojeɗe bui.