1 Ɓakɔlítɔ 10:23 - Ɔngana á Kɛ̌kɛ

²³ Ɓakpa ɓunɛngbo sɔsɔɓɛ anu ɓáɔyɔnga te: «Ɓásosi tɔ kema bubui.» A ɓó! Nna gǎkɛ kema bubui unge aoenga ka mɔtisa á ɓeekea.

1 Ɓakɔlítɔ 10:23 Iomraidhean Croise

Ɓalɔ́ma 14:15

Aoɓá n'omɓɛisi dakɔ ka nyɔngɔ á eea nde ooea, o ye tɔ otambea kángá ekondi. Nna ka nyɔngɔ á eea unge ɔɔtɔka n'omɓúngisi nkpa nde Yéso ɗánkui.

1 Ɓakɔlítɔ 14:12

A phɔtɔ ɓó ka ɓenu, ɓî ɓokondi phɛɛ nyɔngɔ á egabɔ ɗanga-ɗanga á Měma á Mokonga, káɓáni phɔ́ phɛɛ egabɔ ndɔ aɔmɔtisa ɓeekea á ɓato á ka kanisa.

1 Ɓakɔlítɔ 14:17

Eya, nanga ɛmɛmi nɛkɔ á ɓosegi áɓá ánjá, kátɔkɛku gǎkɛ n'ɛ̌mɔtisigi ɓunɛngbo ka ɓeekea.

1 Ɓakɔlítɔ 14:26

Cɔ, ɓaya, négeɛ ɓo? Mbenɔ nde ɓoodondanaga, nkpa moci aɔtɔka n'aembi, moci áɔphɛa, moci áɔɔ́tɔa kema á ɓɔsɔmɛa ndea Mokonga, moci áɔyɔnga ka ɛyɔngi nde nnaoúbukana, moci n'aoketia nyɔngɔ ndɔɔ. Nndɔ bui ágeanɛ ka mɔtisaga á ɓeekea ndea ɓato á ka kanisa.

1 Ɓakɔlítɔ 6:12

Ɓakpa ɓuangbo sɔsɔɓɛ anu ɓáogea: «Ɓámososi tɔ kema bubui.» Eya! Nna gǎkɛ kema bubui unge aánjá ka ɓenu. Nɛɔtɔka na negi te: «Ɓámososi kema bubui.» Kéɓeekeɛku gǎkɛ ɓá nkɔɓɛ á kema bubui.

1 Ɓakɔlítɔ 8:1

Ɓeoúba gea, ka nyɔngɔ á nyama ɔ́phɛ́ɔ ka ɓamokonga á mbɛa: «Ɓesu ɓɔbu ɓena úbapha ka nyɔngɔ ndɔɔ», ɓíndɔ ɓɔɔyɔnga. Úbapha ndɔ, aomopha nkpa ébeba. Ekondi a gǎkɛ ǒgbagisaga ɓakpa ka měma.

1 Ɓakɔlítɔ 8:9

Ɛ́ngɛphani nga, ɓî ɓogbau, gbaua ndɔ, kěgúsɛ mɔnɔ gǎkɛ ɓakpa nde ɓeekea nɛɓɔ kámɔti.

2 Ɓakɔlítɔ 12:19

Kanisia anu esa nde bui ande gea te ɓemɔ̂ kǒunia ka yɔnga mosá anu? Nna ɓó! Ɓɛɔyɔnga mosá á Mokonga, ɓíndɔ Kiísito aokonda, ka nyɔngɔ á mɔtisaga anu ka měma.

Ɓaɛphɛ́sɔ 4:29

Nyɔngɔ ájeɗe kajúanɛ mɔnɔ tanda k'aphenɔkɔ anu. Yɔngani ndiu tɔ nnde ana kantíti na akenanigi na mɔphɛ á ɓakpa na aɔtɔka na aegbagisigi ɓakpa na gea ánjá ka ɓundɔ ɓáɔnɔɔ́ka.

1 Ɓatɛsalɔníka 5:11

Cɔ, phiphisanani měma, gbagisanagani, ɓíndɔ ɓo ye tɔ ogea kɛ̌kɛnde.

1 Timɔtɛ́ɔ 1:4

Óngoɗeɛ phɔtɔ gea, ɓákábisɛmbɛ kanisia aɓɔ ka nyɔngɔ á egani á jǎi-jǎi, na nnde á cɔca cina á ɓatataɓɔ. Nndɔ aikíí tɔ kampápa á jǎi. Nnaoenga ka tútuisa moangɔ á ɓoamia nnde atóki ka Mokonga, nnde aúbikani ka nyɔngɔ á ɓeekea.