1 Ɓakɔlítɔ 10:17 - Ɔngana á Kɛ̌kɛ

¹⁷ Nga, mokati ndɔ a tɔ moci. Nanga ɓéɓika, ɓe tɔ nkpa moci ka nyama. Nga, ɓe tɔ ogabisanaga mokati ndɔ moci.

1 Ɓakɔlítɔ 10:17 Iomraidhean Croise

Ɓalɔ́ma 12:5

Goto, nanga ɓéɓika, ɓe tɔ ɓea nyama á nkpa moci suɓi á jukana na Kiísito na ɓesu ka ɓesu ɓɔbu, ɓejúkani ɓea gbútuka ɗanga-ɗanga á ka nyama moci.

1 Ɓakɔlítɔ 10:21

Ɓókóɔtɔka na ɓonu ka mɔngɔ ímoci kiɓe á Mɔkɔta na kiɓe á ɓaketi. Ɓókó phɔtɔ ɔtɔka na ɓoigi ka mɔngɔ ímoci eea ndea Mɔkɔta na eea ndea ɓaketi.

1 Ɓakɔlítɔ 12:12

Eya, Kiísito a ɓea nyama á nkpa mo, nnde ana gbútuka ásii. Nanga gbútuka ndɔ áɓika, ajúkani tɔ ka ɓá nyama mo.

1 Ɓakɔlítɔ 12:27

Cɔ, ɓenu ɓɔbu ɓonde nyama á Kiísito. Nkpa na nkpa sɔsɔɓɛ anu, ande gbútuka á nyama ndɔɔ.

Ɓaɛphɛ́sɔ 3:6

Nyɔngɔ á ɓɔsɔmɛa kau aungee: Ka nyɔngɔ á Mbino-Ánjá aunge Ɓayúda na ɓunde ɓáná Ɓayúda ɓátɔande ɓotukɔ nde Mokonga aebisíí ɓakpa nɛkɛ. Ɓátóki tɔ ka nyama mo, mɔkɔ ndɔ Mokonga ɗábisi ka Yéso Kiísito, a tɔ ka ɓɔ.

Ɓaɛphɛ́sɔ 4:16

Yɛ aámbé aojúkanisaga gbútuka ɗanga-ɗanga á nyama ka ɓá kimoci. Ɔngɔkanaga á nkua aoenga ka jukanisaga nyama. Na mbenɔ nde gbútuka ɗanga-ɗanga á nyama aɔbɛɗanaga, nyama áɔmɔta ɓíndɔ akeni na éjonga sisakɛ suɓi á ekondi.

Ɓaɛphɛ́sɔ 4:25

Kaɓondɔ, ɗeketani yɔnga á mbɛa. Ambe nkpa na nkpa án'yɔngɛɛ dakɛ nyɔngɔ á ɗoni nga, ɓesu ɓɔbu, ɓende gbútuka á nyama á Kiísito.

Ɓaɛphɛ́sɔ 4:4

Nyama a tɔ moci na Měma moci. Mokonga ɗánɔɔphani phɔtɔ na nseɓeɔ moci.

Ɓakɔlɔsái 2:19

Cɔ, ɓakpa nde ɓákájúkani na Kiísito na Kiísito aámbé a ɓea mɔ̌, nnde aoendisa nyama bui na aodondanisaga nsisa bui ka gea nyama á mɔtɛ ɓíndɔ Mokonga akondi.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.