1 Ɓakɔlítɔ 10:16 - Ɔngana á Kɛ̌kɛ

¹⁶ Cɔ, ɓî ɓeonoa kiɓe nde ɓeonsega Mokonga kau, nna ɔngana asu ka magia á Kiísito ungɔ ee? Ɓî ɓeoea mokati, nndɔ nna ɔngana asu ka nyama á Kiísito ee?

1 Ɓakɔlítɔ 10:16 Iomraidhean Croise

Lóka 22:17

Mpɔ Yéso áɔbɛɗa kiɓe áɔmɛma, áɔyɔnga: «Bɛɗani ú ɓókatisanɛgɛ sɔsɔɓɛ anu.

Ekuma á ɓateki 2:42

Ɓaɓêki ndɔ ɗáɓátú na moíngi ka ɔ́ka ɓɔphɛi ndea ɓateki, ɓáoika ka komunamema, ɓáoeaga kimoci, na mɛma á Mokonga phɔtɔ kimoci.

Ekuma á ɓateki 2:46

Esa bui ɗáɓáodondanaga k'éndu á Mokonga na měma mo. Báoeaga kimoci k'éndu ɗanga-ɗanga. Ɗáɓáoeaga kimoci na maseye na měma édidisa.

Ekuma á ɓateki 20:11

Mbusa, Pɔ́lɔ â goto oɗápha, áoeaga. Áotútuisa ɓoabi na ka ɓî ɗágeojua ka mɔkɛsuɛ, mpɔ áoga.

Ekuma á ɓateki 20:7

Esa á pɔsɔ ɔgɔgɔ, ɓéodondana ka eaga kimoci. Wa, ɓî ɗákondi mɛa á mama í, Pɔ́lɔ áoɓota ɓɔphɛi nɛkɛ na ka ɓî esa ɗágabekani.

1 Ɓakɔlítɔ 1:9

Mokonga mmbé nnaoanganisa mɔkɔ nɛkɛ, aámbé ɗánɔɔphani gea, ɓójukanɛ n'Anakɛ Yéso Kiísito, Mɔkɔta nɛsu.

1 Ɓakɔlítɔ 10:15

Nɛɔyɔnga na ɓenu ɓea ɓakpa nde ɓáoúbapha. Ténani sasanu nyɔngɔ nde nɛɔyɔnga.

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.

Ɓaɛbulanía 3:14

Nga, ɓe tɔ oɓá kimoci na Kiísito ámbé ɓeambi akpɛ ɓeekea nde ɗéɓekpangi ně na ka ɓî ɓegande ojúa ka sungiaga.

1 Yoáni 1:3

Cɔ, nnde ɗɛ́ɓɛɔni na ɔ́ka í, aunge ɓɛnɔtɔ̌mi phɔtɔ ka gea te, ɓɛ́ɔnganɛ na ɓenu ka komunamema nde ɓe kau n'Abɛ, n'Anakɛ Yéso Kiísito.

1 Yoáni 1:7

A gǎkɛ oɓá na ɓeotamba k'owanga ɓíndɔ yɛ sisakɛ a k'owanga, ɓe ka komunamema ngǔngu asu. Magia á Anakɛ Yéso, aosokosea ɓojeɗe nɛsu bui.