1 Ɓakɔlítɔ 10:14 - Ɔngana á Kɛ̌kɛ

¹⁴ Kaɓondɔ, ɓadani ékondi, téani ɗokomisa á ɓamokonga á mbɛa.

1 Ɓakɔlítɔ 10:14 Iomraidhean Croise

Ekuma á ɓateki 15:20

Ɓéɗunduiɛ ndiu ɓaoɓa ka gea, ɓáyé ɓɔjɔɔkiɔ nde a ka ya nyama nde ɗáɓáphúi ka phɛ́a. Ɓákágɛ mɔnɔ k'aphe á otungɔ. Ɓákáeɛ mɔnɔ nyama n'aku ǐti, ɓákáeɛ mɔnɔ phɔtɔ magia.

Ɓalɔ́ma 12:19

Ɓadani ékondi, ɓókógisianɛmbɛ ngǔngu anu. Ɗeketani ndiu esúia ndea Mokonga ka gisia nga, Ɓuku á Mokonga agi te: «Eme aámbé nena ekuma á gisia. Eme aámbé negisiande ɓojeɗe.» Mɔkɔta aámbé ayɔngi.

1 Ɓakɔlítɔ 10:15

Nɛɔyɔnga na ɓenu ɓea ɓakpa nde ɓáoúbapha. Ténani sasanu nyɔngɔ nde nɛɔyɔnga.

1 Ɓakɔlítɔ 10:19

Cɔ, nɛ́yɔngɛ ye ɓo? Nyama nde ɓáphúi k'ɔ́phɛ́ɔ á ɓamokonga á mbɛa, ande kema sina, kaɓɛ ɓamokonga á mbɛa ana kantíti sina?

1 Ɓakɔlítɔ 10:7

Cɔ, ɓókǒɗokomisɛmbɛ ɓamokonga á mbɛa ɓíndɔ ɓakpa ɓuangbo sɔsɔɓɛ aɓɔ ɗáɓági. Ɓáɗundu suɓi á Ɓuku á Mokonga ɓe: «Ɓakpa ɗáɓáiki ka eaga na noa, mpɔ ɓáomá, ɓáoga k'aphe á mɓina.»

1 Ɓakɔlítɔ 5:11

Cɔ, ɗénoɗundui gǎkɛ gea, ɓókodaɗokeanɛ mɔnɔ na nkpa nde aogea: «Nende mokiísito», n'ande: nto á otungɔ, nto á phɛngɛmana á měma ka kema, nto á beba ɓamokonga á mbɛa, nto á ɛphɔti, nto á ɓoita, nto á njaga-njaga. Ɓókóeɛgɛmbɛ na ɓɔ.

2 Ɓakɔlítɔ 11:11

Negi ɓó ka nyɔngɔ éke? Ande ka nyɔngɔ nde kénókóndi? Mokonga aoúba gea nenókondi.

2 Ɓakɔlítɔ 12:15

Eme neɓeekeande gabea anu imɔna na gaba enda ani bui. Ɓî nenókondi phɛɛ, ɓókómokondɛku tanda ábɔa?

2 Ɓakɔlítɔ 12:19

Kanisia anu esa nde bui ande gea te ɓemɔ̂ kǒunia ka yɔnga mosá anu? Nna ɓó! Ɓɛɔyɔnga mosá á Mokonga, ɓíndɔ Kiísito aokonda, ka nyɔngɔ á mɔtisaga anu ka měma.

2 Ɓakɔlítɔ 6:17

Kaɓondɔ unge Mɔkɔta agi: «Tókani ka ɔlɔ aɓɔ, ɓókatanɛ na ɓɔ. Ɓókodungɛ mɔnɔ ka ɓosoɛ, mpɔ, eme nenóseseande.

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

Ɓaphilípi 4:1

Ɓadani ékondi, ne goto na siki á ɔna anu phɛɛ. Nena maseye ka phɔanu na ka nyɔngɔ anu unge néǒbeba. Ɓadani ékondi, ɓî a ɓó, mamani akpɛ ɓî ɓo kimoci na Mɔkɔta.

Philɛmɔ́nɔ 1:1

Dasu ékondi Philɛmɔ́nɔ, samba! Eme Pɔ́lɔ aámbé neɗundu ɓaoɓa ndee, kimoci na dasu Timɔtɛ́ɔ. Nende nto á mekakɔ ka nyɔngɔ á Kiísito Yéso. Nekoɗundui oɓɛ dasu ékondi na mbɛɗanigi kimoci na ɓesu.

Ɓaɛbulanía 6:9

Cɔ, ɓaya, nanga ɓɛ́yɔnga ɓó, ɓeengekisi ka měma asu gea, aphe á ɓoamia á ka měma nndɔ ɓo kau ande aphe ánjá.

1 Pɛ́tɛɛ 2:11

Ɓadani ékondi, ɓonde ɓakɛni na ɓato á motô ka mokonda ndee. Kaɓondɔ unge nɛnɔ́phɛí gea, teani mɔphɛ ájeɗe, nnde aomana na měma anu.

1 Yoáni 5:21

Ɓaniki amɔ, óambani na ɓamokonga á mɓɛa.

Mphaniɔ 13:8

Cɔ, ɓato á ka mokonda ɓɔbu ɓámbebande nyama ndɔ, ɓɔbu ɓunde ɗáɓákáɗundu ina aɓɔ kpanga nkpangeɔ á Mokonda suɓi á ɓuku á enda á Muna-mɔgɔgɔ mmbé ɗáɓánteni.

Mphaniɔ 2:14

Cɔ, ne gǎkɛ na oyeyɔ ábɔa k'óɓɛ: Mɔtɛ-akɔ, ona ɓakpa nde ɓáɓeeki ɓɔphɛi ndea Baláma. Baláma aámbé ɗángoɗi Baláka ábisɛ ephiphi ájeɗe ka Ɓaisilaɛ́li ka ɓɔnga aɓɔ gea, ɓáeɛ nyama nde ɓáphúi ka phɛ́a á ɓamokonga á mbɛa, na ɓágɛ k'aphe ótungɔ.

Mphaniɔ 21:8

Ka ɓato á kɔɓɔɓɔkɔ, ɓato á kanga ɓeekea, ɓato á jɔɔkana, ɓato á kaiso, ɓato á iɛɓɛ, ɓato á ɓiji-ɓiji, ɓato á gbukaga muanku aɓɔ mosá á tɔnkɛngɛ na ɓato á mbɛa gǎkɛ ɔma nɛɓɔ ande k'ɛɛmbɛ á nsa n'ande kukuwa á mongɔ á ko iɓɛ.»

Mphaniɔ 22:15

Ɓunde ɓájigande gǎkɛ ka nsɛngɛ ɓáungee: Ɓambwa, ɓakume, ɓato á jɔɔkana, ɓato á kaiso, ɓato á gbukiaga tɔnkɛngɛ muanku na ɓato á yɔnga á mbɛa na konda í.