1 Ɓakɔlítɔ 10:13 - Ɔngana á Kɛ̌kɛ

¹³ Tombaga bubui nde aonódonda, a tɔ unge aǒdonda ɓakpa ɓɔbu. Mokonga kánóɗeketɛku gea, tombaga nde ɓoɓande kau anyɛ́nyɛ ɓukpɛkpɛ anu nga, Yɛ nna oketia mɔkɔ nɛkɛ. Mbenɔ nde ɓoɓande suɓi á tombaga, anóphande gǎkɛ ɓukpɛkpɛ á phiphia í na aphe á tɔka í.

1 Ɓakɔlítɔ 10:13 Iomraidhean Croise

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Lóka 11:4

Íma ɓojeɗe nɛsu nga, ɓesu sasasu ɓe phɔtɔ oíma ka ɓakpa ɓɔbu ɓojeɗe nde ɓasogǐí. Kosóɗeketɛmbɛ ka mbenɔ á tombaga.»

Lóka 16:26

Goto, mininga ángbó a sɔsɔɓɛ asu na ɓenu. Kaɓondɔ unge, ɓakpa nde ɓákondi tóka wani, ɓágɛ mɔtɛ-anu, ɓánáɔtɔka. Nna phɔtɔ na nkpa nde áɔtɔka tóka á kó, áojua koni.»

Lóka 22:46

Mpɔ áǒngoɗea: «Ɓoɗe ka nyɔngɔ éke? Máni ɓɔ́mɛmɛ ka gea ɓókoguɛmbɛ mbenɔ nde ɓáonótombaga.»

Ekuma á ɓateki 27:44

Ɓuangbo ɓáokambea ka phaeka á koko ndɔ aɓúnuki, na ka kema nɛngbo a ka koko ka ɓeá ɓadaɓɔ. Mpɔ, ɓáojaba ɓɔbu ka ɓujɛjɛ.

1 Ɓakɔlítɔ 1:9

Mokonga mmbé nnaoanganisa mɔkɔ nɛkɛ, aámbé ɗánɔɔphani gea, ɓójukanɛ n'Anakɛ Yéso Kiísito, Mɔkɔta nɛsu.

2 Ɓakɔlítɔ 1:10

Yɛ, ɗásoólokisi ka kukuwa na ɓeoúba gea, asoólokisande goto. Eya, ɓembisíí nseɓeɔ nɛsu nga, káɗeketeku amisa asu ka měma.

1 Ɓatɛsalɔníka 5:24

Mokonga, mmbé anɔɔphani, atɔtɔkisande nyɔngɔ ndɔ bui, ka nyɔngɔ nde, nnaotinganisa mɔkɔ nɛkɛ.

2 Ɓatɛsalɔníka 3:3

Mɔkɔta a tɔ ɔtɔtɔkisa nnde ɗáyɔngi. Anógbagisande ka měma, anóambande na Nketi.

2 Timɔtɛ́ɔ 4:18

Amoamisande ka ɓojeɗe bui á ɓaɓiɓia ani. Amoamisande ka ɓojeɗe bui, áomoenga ka ngisa ani ka koɓoamɛ nɛkɛ na koba. Cɔ, obebɔ áɓɛ ka yɛ ka saga na saga! Áɓɛ ɓó.

Ɓaɛbulanía 10:23

Ɓéambɛni akpɛ nseɓeɔ nɛsu nnde ɓɛɔtɔmiaga mosá á ɓakpa nga, Mokonga nnaotinganisa mɔkɔ nɛkɛ.

Ɓaɛbulanía 11:11

Ka nyɔngɔ á ɓeekea, Sála phɔtɔ ka kophomi akɛ ɗátɔi ɓukpɛkpɛ á kumba á éme nanga ɓî ɗátú ngomba. Ɗátú ɓondɔ ka nyɔngɔ nde ɗánseɓei Mokonga, mmbé ɗámɔku gea te, aɓande ama k'ɛɓɔkɔti.

Ɓaɛbulanía 12:4

Nga, emani nde ɓojeɗe aonómanisa, ka ɓenu moci káphiphíímbɛ ú, na ka ɓî ageokuwa kau.

Ɓaɛbulanía 6:18

Cɔ, Mokonga aɔɔkɔa na ɔphá, ande gea te nyɔngɔ iɓɛ ndɔ a tɔ ɗoni, kátinganɛku. Nga, Mokonga kátɔkɛku n'asódemi. Ka nyɔngɔ índɔ unge ɓena ɓukpɛkpɛ á ka měma. Cɔ, ɓesu íɓunde ɓetí, ɓedungi ye tɔ nseɓeɔ nde a mosá asu.

1 Pɛ́tɛɛ 4:19

Cɔ, ɓakpa nde ɓáotambaga ka nyɔngɔ á tɔtɔkisa á mɔphɛ ndea Mokonga, ɓátútuisɛ tɔtɔkisa á kema ánjá. Ɓábisɛ phɔtɔ měma aɓɔ ka njaga á Mokonga mmbé ěconji. Yɛ, ande mmbé nnaotinganisa mɔkɔ nɛkɛ.

2 Pɛ́tɛɛ 2:9

Cɔ, Mɔkɔta aoúba amisa suɓi á tombaga, ɓakpa nde ɓáomɓánga. A phɔtɔ oúba bisa á ɓato á ɓojeɗe ka mpɛphɛ ka tambisaga aɓɔ k'ésa á tena nyɔngɔ.

1 Yoáni 1:9

Aoɓá gǎkɛ na ɓekěti tambea asu, Mokonga nto á koɗoni mmbé aɔtɔtɔkisa mɔkɔ nɛkɛ, aímande ɓojeɗe nɛsu bui na sokosea asu.

Mphaniɔ 19:11

Mpɔ, nɛ́ɔɔna koba n'akoɗokani. Phalási abúbú áɔsɛnɛka. Mmbé akǎmbi gǔ akɛ ɓáɔmɔphana Mɓêki na Nto á ɗoni nga, aotena nyɔngɔ na mana ka koɗoni.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.