1 Ɓakɔlítɔ 10:11 - Ɔngana á Kɛ̌kɛ

¹¹ Cɔ, kema ndɔ ɗáedondi ka gea, áɓɛ mphangiɔ ka ɓesu. Ɗáɓásoɗunɗui ú, ka ɛngɛphisa asu, ɓesu íɓundɔ ɓeoenda ka sungiaga á matú.

1 Ɓakɔlítɔ 10:11 Iomraidhean Croise

Matáyɔ 13:39

Mɓiɓia mmbé akoni ɔphɔ ájeɗe, ande nketi. Ɗúngú ande sungiaga á mokonda. Ɓato á ɗungu ɓánde ɓamalaéka.

Matáyɔ 13:40

Ɓea ɓî ɓáophúia ɔphɔ ájeɗe na ɓóaga á ntɔkɛ í ka makea ka nsa, aɓáeka phɔtɔ ɓó, ka sungiaga á mokonda.

Ɓalɔ́ma 13:11

Mbenɔ nde ɓokau ɓooúba gea, a ye tɔ mbenɔ á jujúka ka tɔ̌ nde ɓo suɓi í. Cɔ, mbenɔ nde ɗéɓemɓeeki Yéso, ɓoamia á ka měma n'a phɔ́ ɗanga aunge asódondi ye tɔ.

Ɓalɔ́ma 13:12

Esa angɛndi dakɛ. Akeni ɓéɗeketɛni tambea ájeɗe á kaiphiɔ. Ɓɛ́bɛɗɛni ndiu nkumba á emani nde ɓáɔbɛɗaneaga n'esa.

Ɓalɔ́ma 15:4

Nyɔngɔ bui nde ɗáɓáɗundu kala suɓi á ɓuku ndea Mokonga, ɗáɓáɗundu ú ka phɛá asu ně, ka opha asu nténdé na měma á phiphia ka gea, ɓéɓɛ na nseɓeɔ ɓíndɔ ɓáosogoisaga suɓi á Ɓuku á Mokonga.

Ɓalɔ́ma 4:23

Cɔ, nna tɔ ka phɔa Abalaámu sasakɛ aunge ɓáɗundu suɓi á Ɓuku á Mokonga gea: «Mokonga ɗántangi nto á koɗoni.»

1 Ɓakɔlítɔ 10:6

Nyɔngɔ ndɔ ande mphangiɔ ka ɓesu ka gea, ɓékéɓɛ mɔnɔ na mɔphɛ ájeɗe ɓea ɓɔ.

1 Ɓakɔlítɔ 7:29

Ɓaya, nnde nɛyɔngi a ɓe: Mbenɔ kájigi ye ásii. Cɔ, kpangá á kɛ̌kɛnde, ɓakpa nde ɓána ɓake, ɓáikɛ ɓea ɓakpa nde ɓáná na ɓake.

1 Ɓakɔlítɔ 9:10

Káyɔngi ndiu tɔ ka phɔasu? Eya, Mósa ɗáɗundu nndɔ ka phɔasu. Ambe nkpa nde aoguba na mmbé aodowa mbuka, ɓákeni bɛɗanaga na ɓá na nseɓeɔ á tɔá keɓu á ɗungu ínɛɓɔ.

Ɓagalatía 4:24

Nndɔ ande mɛní. Ɓake ndɔ ɓánde mphangiɔ á ɔngana iɓɛ. Agái ande mphangiɔ á ɔngana nde á ka mamba á Sinái á ka Alabía. Ɓana-nke ndɔ, ɗáɓáɓɔkɔtɛani ka kɔkɔɓɛ.

Ɓaphilípi 4:5

Akeni ɓakpa ɓɔbu ɓáúbɛ ɓɔphɔngɔ anu. Nga, Mɔkɔta asóobika.

Ɓaɛbulanía 10:25

Ɓékéɗeketɛmbɛ dondanaga kimoci ɓíndɔ ɓakpa ɓuangbo ɓáɛmbani na ɗeketa í. Ɓégbagisanɛgɛni goto phɛɛ nga, ɓɔɔni gea esa á ja á Mɔkɔta a ye tɔ bíbí.

Ɓaɛbulanía 10:37

Ɓáɗundu suɓi á Ɓuku á Mokonga ɓe: «Ajigi mbenɔ ábɔa phɛɛ ka gea mmbé aobika, abika tɔ, káiphiɛku.

1 Yoáni 2:18

Ɓaniki amɔ, mbenɔ á sungiaga ungee. Ɗɔ́ɓɔɔ́ki gea te, Mɓiɓia á Kiísito aobika. Ɓaɓiɓia akɛ ɓá ye sɛnɛki ye tɔ ɓásii na ɓeúbi gea, ɓe ye tɔ ka mbenɔ á sungiaga.