1 Ɓakɔlítɔ 10:1 - Ɔngana á Kɛ̌kɛ

¹ Ɓaya, kékondi gea, ɓóɓoseɛ nyɔngɔ ndee: Ka mbenɔ ndea Mósa, ɓatatasu ɗáɓátambi ɓɔbu kusi égugu, na ɗáɓájabi phɔtɔ ɓɔbu ka oɓenge ánjɛ.

1 Ɓakɔlítɔ 10:1 Iomraidhean Croise

Yoáni 4:20

Negie, ɓatatasu Ɓasamalía ɗáɓáonɗokomisa Mokonga ka mamba ndee. Cɔ, ɓenu Ɓayúda, ɓogi gea, oma nde akeni ka ɗokomisa á Mokonga ande Yɛusalɛ́ma.»

Ɓalɔ́ma 1:13

Ɓaya, nekondi ɓóubɛ gea, mɔngɔ ásii ɗéobisa moangɔ á gǎ mɔtɛ-anu, na ka kesande kɛ́tɔtɔkisimbɛ. Cɔ, nekondi néɗunguɛ phɔtɔ mbuka á ka měma mɔtɛ-anu, ɓíndɔ ne phɔtɔ ogea ka ɓakpa nde ɓáná Ɓayúda.

Ɓalɔ́ma 11:21

Nga, aoɓá Mokonga na ɗákáegami Ɓaisilaɛ́li ɓunde ɓá ɓea ɓantabi á ɗoni ka gea te ɓámɔtɛ, nna gǎkɛ oɓɛ ámbé akoɗeketande ɔ́mɔtɛ.

Ɓalɔ́ma 4:11

Mbusa á wa, ɗáɓángusi ganja. Gúa akɛ ganja áoɓá mphangiɔ ka engekisa ɗoni nde Mokonga ɗántangi nto á koɗoni ka nyɔngɔ á ɓeekea nɛkɛ. Kaɓondɔ unge Abalaámu a ye aba ɓakpa ɓɔbu ɓunde ɓáɓeeki, nanga ɓákágú ganja, ka gea ɓétangɛ phɔtɔ ɓɔ, ɓato á koɗoni.

1 Ɓakɔlítɔ 12:1

Ɓaya, ɓɛ́yɔngɛni phɔ́ nyɔngɔ á egabɔ ndea Měma á kanga ɓojeɗe nga, nekondi ɓóengekisɛ ú ánjá.

1 Ɓakɔlítɔ 14:38

Aoɓá gǎkɛ na káoúba, nɗeketani.

Ɓagalatía 3:29

Aoɓá na ɓonde ɓakpa ndea Kiísito, ɓo ye tɔ ɓato á k'ekombo ndea Abalaámu. Ɓonde ɓamɛna-ɓotukɔ ɓíndɔ Mokonga ɗáɔku.

Ɓaɛbulanía 11:29

Ka nyɔngɔ á ɓeekea, Ɓaisilaɛ́li ɗáɓájabi Oɓenge á Ótana, n'aphú. Ɓî Ɓamísii ɗáɓákengi gea ɓó, Oɓenge áǒmia, ɓáotinda ɓɔbu kó!