1 Ɓakɔlítɔ 1:8 - Ɔngana á Kɛ̌kɛ

⁸ Yɛ, aámbé anóphande ɓukpɛkpɛ ka měma na ka ɓî asungiagande ka gea, ɓákánóyeyɛmɓɛ mɔnɔ esa nde Mɔkɔta nɛsu Yéso Kiísito ajande.

1 Ɓakɔlítɔ 1:8 Iomraidhean Croise

Lóka 17:24

Nga, sumbia ɓî mbua aophenua na koba, áɔbɛnya nkɛkɛɔ bubui, ɓondɔ unge eme Muna-Nkpa neɓande k'ésa á ja ani.

Lóka 17:30

Aɓande phɔtɔ ɓó esa nde eme Muna-Nkpa nɛsɛnɛkande.

Ɓalɔ́ma 14:4

Oɓɛ, onde ani ka tena á nyɔngɔ ndea mbɛɗanigi ndea nkpa ɓaangbo? Átetemisa ekuma nɛkɛ, kátetemisi, nndɔ a tɔ ɔnɛnjia mɔkɔta á ekuma nɛkɛ. Atetemisande ekuma nga, Mɔkɔta ana ɓukpɛkpɛ á sukia akɛ.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

Ɓalɔ́ma 8:19

Kema bui nde Mokonga aconji aoɓondea na mosenda phɛɛ mbenɔ nde Mokonga aphangisiaeka ɓoombia á ɓ'anakɛ base.

1 Ɓakɔlítɔ 3:13

Cɔ, k'ésa á tena á nyɔngɔ, etéte á ekuma ndea nkpa na nkpa aɔnɛkanande base. Esa ndɔ, aɓande na nsa, nsa ndɔ unge, aphangiande base etéte á ekuma ndea nkpa na nkpa.

1 Ɓakɔlítɔ 5:5

Cɔ, mbisani nkpa ndɔ ka njaga á Sɛtáni gea, nyama akɛ áújukanɛ, měma akɛ áamɛ gǎkɛ esa nde Mɔkɔta Yéso ajande.

2 Ɓakɔlítɔ 1:13

Kaɓondɔ, suɓi á ɓaoɓa nɛsu ɗanga-ɗanga, ɓenóɗundui base ka gea, ɓótangɛ, ɓóúbɛ. Neseɓei phɔtɔ gea,

2 Ɓakɔlítɔ 1:14

ɓî ɓoɗigimisi nyɔngɔ nɛmɔ ábɔa, ɓoúbande bui suɓi á ɓaoɓa ndee. Kaɓondɔ unge, esa nde Mɔkɔta nɛsu Yéso abikaeka, ɓoɓande na ɓosegi ka ɓesu, ɓíndɔ ɓeɓande ně ka ɓenu.

2 Ɓakɔlítɔ 1:21

Mokonga sasakɛ aámbé ɗásógbagisigi kimoci na ɓenu ka Kiísito. Mokonga sasakɛ aámbé ɗásɔ́sɔmbu.

Ɓaɛphɛ́sɔ 5:27

Ɗákondi gea, kanisa áɔnɛkanɛ mosá akɛ n'ana ɓoombia phɛɛ, kángá: nkiki, kisɛki, na kema ájeɗe-jeɗe nɛngbo. Ɗákondi gea, kanisa áɓɛ á kanga ɓojeɗe na kángá ɔyɛyɔ.

Ɓaphilípi 1:10

mpɔ, ɓóoengekisa kema nde ana kantíti, ɓóoɓá phɔtɔ ɓakpa nde ɓá na tambea ánjá, kángá oyeyɔ esa nde Kiísito ajaeka.

Ɓaphilípi 1:6

Kema nde neɓeeki ɗoni ande gea, Mokonga aámbé akpangi ekuma ánjá ndɔ ka měma anu, atútuisande na gɔɓɛa í esa nde Kiísito Yéso ajaeka.

Ɓakɔlɔsái 1:22

Kɛ̌kɛnde gǎkɛ, Mokonga anɔɔnganisi na yɛ ka nyɔngɔ á kukuwa á Anakɛ ka nyama akɛ á kokpa ka gea, ánokiɗianisɛ mosá akɛ, ɓato á kanga ɓojeɗe, kángá kisɛki n'oyeyɔ.

Ɓakɔlɔsái 2:7

Édokoɗeani ka yɛ na ɓótetemisɛ enda anu ka yɛ. Ká kámisani ɓeekea akɛ ɓíndɔ ɗáɓánógoisigi. Ɓáni phɔtɔ na ɓosegi ásii ka Mokonga.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

1 Ɓatɛsalɔníka 5:2

Nga, ɓo ye oúba gea, esa ndɔ abikaeka ɓea nkukuɓa n'aoɓúna endu kǐpha, mɛna-endu na káúbi mosá.

2 Ɓatɛsalɔníka 2:2

měma anu kaɗengɛmbɛ ka mbangɔ-mbangɔ na ɓánga, aoɓá nkpa n'anóngoɗi gea, esa á ja á Mɔkɔta ajú. Ɓókǒɓeekeɛmbɛ, nanga ɓáɔtɔa nyɔngɔ, nanga ɓáphɛa, nanga ɓébeba sasaɓɔ gea, ɓána ɓaoɓa nde atóki mɔtɛ-amɔ.

2 Ɓatɛsalɔníka 3:3

Mɔkɔta a tɔ ɔtɔtɔkisa nnde ɗáyɔngi. Anógbagisande ka měma, anóambande na Nketi.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

2 Timɔtɛ́ɔ 1:18

O phɔtɔ oúba ánjá phɛɛ gea, ɗámoengi ɓî ɗétú ka Ɛphɛ́sɔ. Kaɓondɔ, ambe Mɔkɔta ánkuiɛ ngomi mosá á Mokonga k'ésa nde abikaeka.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.

2 Pɛ́tɛɛ 3:10

Esa ndea Mɔkɔta abikande ɓea nkukuɓa. K'ésa ndɔ, koba anyɛ́nyande na nduu á ɓangisa, ɓasɛɛngɔa ɓáenyanyɔande. Mokonga agogande mokonda na kema bubui nde ɓakpa ɓáconji.

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.