1 Ɓakɔlítɔ 1:7 - Ɔngana á Kɛ̌kɛ

⁷ Kaɓondɔ, ɓókóúki k'égabɔ á ɓonjánja-ékondi ɓî ɓooɓóndea esa nde Mɔkɔta nɛsu Yéso Kiísito asɛnɛkaeka.

1 Ɓakɔlítɔ 1:7 Iomraidhean Croise

Matáyɔ 25:1

Koɓoamɛ á na koba aɓande ɓea eganí á ɓaseka nkama (10) ɓundɔ ɗáɓábɛɗi ɔbɛa nɛɓɔ ka gǎ dondanisa á mǒko éyamani.

Lóka 12:36

Ɓáni ɓea ɓabɛɗanigi na ɓáomɓondeaga mɔkɔta nɛɓɔ, mbenɔ nde aoja k'aphe á ɛkɛka ka gea te, ɓámúkuiɛ kǐo mbenɔ nde agbondoagande ú.

Lóka 17:30

Aɓande phɔtɔ ɓó esa nde eme Muna-Nkpa nɛsɛnɛkande.

Ɓalɔ́ma 8:19

Kema bui nde Mokonga aconji aoɓondea na mosenda phɛɛ mbenɔ nde Mokonga aphangisiaeka ɓoombia á ɓ'anakɛ base.

Ɓalɔ́ma 8:23

Nna tɔndɔ kema bui nde Mokonga ɗáconji, ɓesu íɓunde ɓe ye na Měma á kanga ɓojeɗe ɓea měma égabɔ ndea Mokonga, ɓe phɔtɔ oɓénga ka měma ka ɓondeaga gea ɓéɓɛ ɓana-Mokonga na mbenɔ nde yɛ akoɗagande nyama asu.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

2 Ɓakɔlítɔ 12:13

Cɔ, kema ánjá sina nde negi ka kanisa nɛngbo nnde kégi ka phɔanu, ande ka nyɔngɔ á kanga ɓenu kumba ɓoɗoko ani? Aoɓá n'a ɓó, ómoímiani nyɔngɔ ndɔɔ!

Ɓagalatía 5:5

Ɓesu gǎkɛ, nseɓeɔ nɛsu ande gea Mokonga aámbé asóngoɗande ɓato á koɗoni mosá akɛ ka nyɔngɔ á ɓeekea. Nndɔ ungɔ ɓeoɓondea ka ɓukpɛkpɛ á Měma á kanga ɓojeɗe nnde a suɓi asu.

Ɓaphilípi 3:20

Ɓesu gǎkɛ, ɓende ɓato á na koba. Ɓe ka ɓondeaga kiɗia á Namisi nɛsu, Mɔkɔta Yéso Kiísito, mmbé atókande na koba.

Ɓakɔlɔsái 3:4

Cɔ, ɓî Kiísito ande enda anu á ɗoni, ka sɛnɛka akɛ, ɓɔsɛnɛkaeka na yɛ ka ɓoombia nɛkɛ.

1 Ɓatɛsalɔníka 1:10

Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

2 Ɓatɛsalɔníka 1:7

Cɔ, ɓenu íɓunde ɓootambaga, Mokonga anóphande muumbiɔ kimoci na ɓesu mbenɔ nde Mɔkɔta Yéso asɛnɛkande. Atókande na koba, kimoci na ɓamalaéka nɛkɛ ɓunde ɓána ɓukpɛkpɛ.

2 Timɔtɛ́ɔ 4:8

Kpangá á Kɛ̌kɛnde, Mokonga amobisíí kekombó á koɗoni, nnde Mɔkɔta mmbé ande nteni nyɔngɔ á ɗoni amopande esa nde abikande goto. Nna tɔndɔ eme, a ndiu phɔtɔ ka ɓakpa ɓɔbu íɓunde ɓákondi ɔna akɛ esa nde asɛnɛkande.

Títɔ 2:13

Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

1 Pɛ́tɛɛ 1:13

Kaɓondɔ, ɓɔngisiagani měma anu k'ékuma. Ɛ́ngɛphani, seɓeani ɓonjánja-ékondi nde ɓánophande k'ésa á sɛnɛka á Yéso.

1 Pɛ́tɛɛ 4:13

Cɔ, ɓáni ndiu na maseye ka ɓá anu na ka gbútuka á tambaga ndea Kiísito, ka gea, ɓenu phɔtɔ ɓótúmɛ na maseye phɛɛ mbenɔ nde aphangiande ɓoombia nɛkɛ base ka nkpa buakɛ.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.

2 Pɛ́tɛɛ 3:12

ɓî ɓooɓondea gea esa ndea Mokonga ákamisɛgɛ júa. Esa ndɔ, koba aújukanande na nsa, ɓasɛɛngɔa á na koba ɓáenyanyoande k'ɛɛmbɛ á nsa.

1 Yoáni 3:2

Ɓadani ékondi, kɛ̌kɛnde ɓe ye tɔ ɓana-Mokonga. Yɛ kásophangimbɛ gǎkɛ base, ámbé ɓeɓáeka ɓo. Nnde ɓeúbi, ande gea te, mbenɔ nde Kiísito asɛnɛkande, ɓéɓande ɓea yɛ nga, ɓɛmɔnande ɓíndɔ aɔ.

Yúda 1:21

Ikani suɓi ékondi ndea Mokonga, ka ɓondeaga ɓonjánja-ékondi ndea Mɔkɔta ndeasu Yéso Kiísito ka opha anu enda á mɛyɔ.