1 Ɓakɔlítɔ 1:30 - Ɔngana á Kɛ̌kɛ

³⁰ Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

1 Ɓakɔlítɔ 1:30 Iomraidhean Croise

Matáyɔ 1:21

Amɓɔkɔtande miki-mǒko, onsuande ina akɛ Yéso. Yɛ aámbé aeamisande ɓakpa nɛkɛ ka ɓojeɗe nɛɓɔ.»

Lóka 11:49

Nyɔngɔ ndɔ ungɔ Mokonga aengekisi ka kɔɓɔɔngɛ nɛkɛ: ‹Nětekisiande ɓaɔtu-nyɔngɔ nɛmɔ na ɓateki. Ɓémande ka ɓɔ na tambisaga á ɓunɛngbo.›

Lóka 21:15

Nga, eme sisani aámbé nenophande nyɔngɔ á kɔɓɔɔngɛ nnde ɓaɓiɓia anu ɓɔbu ɓákásikiɛku ye kau.

Yoáni 1:18

Nna na nkpa nde amɔnimbɛ mɔnɔ Mokonga, na nna tɔndɔ ngɔmu nɛkɛ mmbé akengeani na yɛ phɛɛ, áoikisana na Abakɛ. Yɛ aámbé asoúbisi Mokonga base.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Yoáni 17:26

Ɗéúbisi ina akɔ ka ɓɔ na netútuisande úbisa aɓɔ ka gea, ekondi nde oně ka phɔa ani, áɓɛ ka phɔa aɓɔ na eme sasani néɓɛ suɓi aɓɔ.»

Yoáni 17:8

Nga, ɓoabi nde ɗómopi, ɗɛ̌tɔ̌mi, ɓáoɓeekea ú. Ɓáúbi ɗoni gea, netóki mɔtɛ-akɔ. Ɓáoɓeekea gea, oɓɛ aámbé ɗómoteki.

Yoáni 8:12

Yéso â goto ǒngoɗea ɓakpa te: «Nende owanga ka mokonda. Mmbé aomoɓea, kátámbɛku tanda ka keiphe, aɓande ndiu na owanga á enda.»

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ɓalɔ́ma 1:17

Ka nyɔngɔ nde, Mbino-Ánjá aoúbisa aphe sina nde Mokonga aǒtanga ɓakpa ɓato á koɗoni mosá akɛ. Tanga á ɓakpa ɓondɔ, a tɔndɔ ɔtɔtɔkɛana ka ɓeekea á Yéso. A tɔ ɓíndɔ ɓáɗundu suɓi á Ɓuku á Mokonga gea: «Nto á koɗoni aendande ka nyɔngɔ á ɓeekea.»

Ɓalɔ́ma 11:36

Nga, yɛ aámbé ande nconji á kema bui, kema bui aiki ka ɓukpɛkpɛ nɛkɛ na ka phɔakɛ. Obebɔ áɓɛ ka yɛ esa bui! Áɓɛ ɓó.

Ɓalɔ́ma 12:5

Goto, nanga ɓéɓika, ɓe tɔ ɓea nyama á nkpa moci suɓi á jukana na Kiísito na ɓesu ka ɓesu ɓɔbu, ɓejúkani ɓea gbútuka ɗanga-ɗanga á ka nyama moci.

Ɓalɔ́ma 16:11

Nensambei Ɛlɔdíɔni nto á k'ékombo nɛmɔ. Něsambei ɓato á k'éndu á Naakíso ɓundɔ ɓaɓêki ndea Mɔkɔta.

Ɓalɔ́ma 16:7

Něsambei ɓatia-abɛ na ɓadani Andɔɔníkɔ na Yunía ɓunde ɗétú na ɓɔ suɓi á mekakɔ. Ɓɔ, ɓána ɓoombia phɛɛ sɔsɔɓɛ á ɓateki, ɓɔ, ɗáɓámɓeeki Kiísito mosá ani.

Ɓalɔ́ma 4:25

Mmbé Mokonga ɗánkusisi ka nyɔngɔ á ɓojeɗe nɛsu â gǎkɛ onjujukisa ka kukuwa ka gea, ɓéɓɛ ɓato á koɗoni mosá á Mokonga.

Ɓalɔ́ma 4:6

A phɔtɔ ɓó unge Daúdi ayɔngi nyɔngɔ á maseye ka phɔa ɓakpa nde Mokonga aéangi ɓato á koɗoni kángá ɔnjia ekuma nɛɓɔ.

Ɓalɔ́ma 5:19

Cɔ, ɓî ka nyɔngɔ á ɓojeɗe ndea nkpa moci tɔ unge ɓakpa ɓásii ɓángí ka ɓojeɗe, a phɔtɔ ɓó unge ka nyɔngɔ á ɔ́kapha á nkpa moci tɔ, Mokonga aétangande ɓakpa ɓásii ɓato á koɗoni mosá akɛ.

Ɓalɔ́ma 5:21

Kaɓondɔ, ɓî ɓojeɗe ɗátú na kɔkɔta, áɔtɔtɔkisa kukuwa, ɓondɔ phɔtɔ unge ɓonjánja-ékondi ndea Mokonga áɓɛ na kɔkɔta ka koɗoni na tɔtɔkisa enda á mɛyɔ ka Yéso Kiísito Mɔkɔta nɛsu.

Ɓalɔ́ma 8:1

Cɔ, kɛ̌kɛnde, ɓakpa nde ɓá suɓi á Kiísito Yéso, ɓákátenɛku ye tanda nyɔngɔ nɛɓɔ akpɛ.

Ɓalɔ́ma 8:23

Nna tɔndɔ kema bui nde Mokonga ɗáconji, ɓesu íɓunde ɓe ye na Měma á kanga ɓojeɗe ɓea měma égabɔ ndea Mokonga, ɓe phɔtɔ oɓénga ka měma ka ɓondeaga gea ɓéɓɛ ɓana-Mokonga na mbenɔ nde yɛ akoɗagande nyama asu.

Ɓalɔ́ma 8:9

Cɔ, ɓenu, ɓókó ye gǎkɛ oɓea tambea á kokpa, ɓo ndiu oɓea tambea á Měma á Mokonga, ka nyɔngɔ nde aiki suɓi anu. Aoɓá nkpa na nna na Měma á Kiísito, nkpa ndɔ nna nkpa ndea Kiísito.

1 Ɓakɔlítɔ 1:24

Ka ɓunde gǎkɛ Mokonga ɗáɛ́ɓɔphani, kaɓɛ Ɓayúda, kaɓɛ ɓunde ɓáná Ɓayúda, Kiísito ande ɓukpɛkpɛ ndea Mokonga na kɔɓɔɔngɛ ndea Mokonga.

1 Ɓakɔlítɔ 12:18

Cɔ, Mokonga ɗábisi gǎkɛ gbútuka á nyama moci-moci k'ɔ́ma nɛkɛ ɓíndɔ akondi.

1 Ɓakɔlítɔ 12:27

Cɔ, ɓenu ɓɔbu ɓonde nyama á Kiísito. Nkpa na nkpa sɔsɔɓɛ anu, ande gbútuka á nyama ndɔɔ.

1 Ɓakɔlítɔ 12:8

Měma á kanga ɓojeɗe aomopha nkpa egabɔ á yɔnga na kɔɓɔɔngɛ. Měma ndɔ tɔ, aomopha nkpa egabɔ á yɔnga nyɔngɔ á úbapha phɛɛ.

1 Ɓakɔlítɔ 4:15

Ka enda anu kimoci na Kiísito, nanga ɓótóɓá na ɓagoisigi elephu nkama (10.000), abanu a tɔ mo. Eme ámbé ne ye tɔ abanu suɓi á Yéso Kiísito, ka tɔ̌miaga anu Mbino-Ánjá.

1 Ɓakɔlítɔ 6:11

Cɔ, ka ɓenu ɓuangbo ɗáɓátú tɔ ɓondɔ. Mokonga â gǎkɛ onósokosea, áɔnɔsɔmbɔa gea te, ɓóɓɛ ɓakpa nɛkɛ, áonótanga ɓato á koɗoni k'ína á Mɔkɔta nɛsu Yéso Kiísito na ka Měma á Mokonga nɛsu.

2 Ɓakɔlítɔ 12:2

Mokonga ɗántáisi mǒko moci mmbé ɗáɔngani na Kiísito n'ego phɛɛ, a ye ɓasaga nkama na gena (14). Mokonga ɗántáisi na koba na nyama akɛ? Kaɓɛ kángá nyama akɛ? Kéoúba, Mokonga sasakɛ aámbé aoúba.

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

Ɓagalatía 1:4

Kiísito yɛ sisakɛ aámbé ɗábiki osókuia ka amisa asu ka ɓojeɗe ka gea, ásophúiɛ ka ɓojeɗe á ka mokonda nde á kɛ̌kɛ ɓíndɔ Abasu Mokonga ɗákondi.

Ɓagalatía 3:13

Kiísito ɗásóphúi ka sɛmɛaga nde ɛɔphi ɗátú ně ka phɔasu, â ye tɔ okumba ú k'ɔ́ma nɛsu. Nga, Ɓuku á Mokonga ayɔngi ɓe: «Nkpa nde ɓáonkpata gǔ á me, aámbé Mokonga aɔnsɛmɛaga.»

Ɓaɛphɛ́sɔ 1:10

Mokonga atɔtɔkisande moangɔ ndɔ, ka mbenɔ nde akeni. Nga, adondanisagande kema bui á ka mokonda na nnde á na koba, áoɓá kusi á moamɛ mo, Kiísito.

Ɓaɛphɛ́sɔ 1:14

Měma ndɔ, a ɓea moéma, asóengekisíí ɓotukɔ nde Mokonga aebisíí ɓakpa nɛkɛ. Yɛ, asóengekisíí gea, ɓɛtɔaeka ú mbenɔ nde ɓetókande ka kɔkɔɓɛ ɗoni. Ɓébebɛni ɓoombia nɛkɛ!

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓaɛphɛ́sɔ 4:30

Ɓókóɓɛisɛmbɛ Měma á kanga ɓojeɗe nnde Mokonga anophi. Nga, Měma ndɔ unge a ɓea moéma ndea Mokonga ka ɓenu ka koɗaga anu ka ɓojeɗe esa ndɔ abikande.

Ɓaɛphɛ́sɔ 5:26

ka gea, ásokoseɛ kanisa mosá á Mokonga: Áosokosea ú na yɔnga.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.

Ɓakɔlɔsái 1:14

K'aphe ndea Kiísito aunge Mokonga aími ɓojeɗe nɛsu.

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 9:12

Nna gǎkɛ ka nyɔngɔ á magia á ɓǔku á mɛmɛ na magia á ɓamponjo á ɓǔku á ngɔmbɛ, ɗábisi ndiu magia akɛ sasakɛ ka phɛ́a, mpɔ â tɔ ongia mɔngɔ ímoci tɔndɔ k'ɔ́ma á kanga ɓojeɗe phɛɛ, áosókoɗaga ka ɓojeɗe nɛsu ɗoni, ɓéoɓá na ɓoamia á mɛyɔ.

Yakɔ́ɓɔ 1:5

Cɔ, kaɓɛ ka ɓenu n'aúki kɔɓɔɔngɛ, ámmɛmɛ Mokonga na amophande ú. Nga, Mokonga aámbé aóɓopha ɓakpa ɓɔbu na měma mo kángá á oɓayɔ.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

1 Yoáni 5:6

Yéso Kiísito aámbé ɗásobikíí ka iɓo á oɓatisɔ na ka magia. Yɛ, ɗákábiki tɔndɔ ka iɓo, phɔtɔ ka magia. Měma á Mokonga unge ande nɗigimisi nga Měma kau ande ɗoni.

Mphaniɔ 14:4

Ɓɔ, ɓákákondɛ jɔɔkisa á nyama aɓɔ ka dondana na ɓake, ɗáɓáambi nyama aɓɔ kángá jɔɔkisa í. Ɓáomɓea Muna-Mɔgɔgɔ ɔma bui nde aoga. Ɗáɓěsombi sɔsɔɓɛ á ɓakpa ɓunɛngbo ka ɓa ɔphɛ́ɔ á k'ama mosá-mosá ka Mokonga na ka Muna-Mɔgɔgɔ.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.