1 Ɓakɔlítɔ 1:27 - Ɔngana á Kɛ̌kɛ

²⁷ Mokonga ɗásɔmbu gǎkɛ kema á kobóbó á ka mokonda ka kusa á ɓato á kɔɓɔɔngɛ na soni. Ɗásɔmbu phɔtɔ kema á ɓɔɔlɔ á ka mokonda ka kusa á ɓato á ɓukpɛkpɛ na soni.

1 Ɓakɔlítɔ 1:27 Iomraidhean Croise

Matáyɔ 11:25

Ka matú ndɔ, Yéso áɔyɔnga ɓe: «Abɛ, Mɔkɔta á na koba na mokonda, nekobebi phɛɛ nga, kema nde ɔsɔmi ka ɓato á kɔɓɔɔngɛ na ɓaúbaphi, obisi ú base ka ɓaniki ɓábɔbɔa.

Matáyɔ 21:16

Kaɓondɔ, ɓáomúsia Yéso: «Ɔɔ́ki nyɔngɔ ndɔ ɓáɔyɔnga ndɔ?» Áǒsikisia te: «Eya! Ɓókótangimbɛ mɔnɔ tanda nyɔngɔ nde suɓi á Ɓuku á Mokonga? Nyɔngɔ kau ú: Ɗóphangi gea, aphenɔkɔ á ɓaniki na ɓambɛnjɛ akobebande.»

Matáyɔ 9:9

Ka gǎ á Yéso, áɔmɔna nkpa moci n'aiki ka ntua á phendisaga á manjanja, ina akɛ: Matáyɔ. Yéso áongoɗea te: «Ómoɓea!» Matáyɔ áoma, áomɓea.

Lóka 21:15

Nga, eme sisani aámbé nenophande nyɔngɔ á kɔɓɔɔngɛ nnde ɓaɓiɓia anu ɓɔbu ɓákásikiɛku ye kau.

Ekuma á ɓateki 17:18

Ka ɓato á ubapha á ka nkíndí ndea Ɓaipikulíɔ na Ɓasitɔíkɔ, ɓáokpanga púa na Pɔ́lɔ. Ɓunɛngbo ɓáɔyɔnga gea: «Nto á eongo nde akondi yɔnga á kema sina?» Ɓuangbo goto: «A ɓea nkpa n'aɔtɔmiaga nyɔngɔ á ɓamokonga á mbɛa ɓunde ɓékéǒɓúba.» Ɗáɓáyɔngi ɓó nga, ɗáɓáɔmɔ́ka Pɔ́lɔ n'aɔtɔmiaga Mbino-Ánjá ndea Yéso na nyɔngɔ á jujúka á ɓasí ka kukuwa.

Ekuma á ɓateki 7:35

Cɔ, Mósa aámbɔ Ɓaisilaɛ́li ɗáɓán'yé na gea akɛ te: ‹Ani mmbé akophi kɔkɔta á tena á nyɔngɔ?› Mokonga ɗánteki ka gea áɓɛ moamɛ na namisi nɛɓɔ, malaéka nde ɗátú suɓi á ɛɛmbɛ á esasa ndɔ, yɛ aámbé ɗátú onenga.

Ekuma á ɓateki 7:54

Ɓayúda, ɓunde ɗáɓátú ka ntua, ɓî ɓáɔ́ki ye ɓó, ɓáonkokea Sɛtɛphánɔ minyɔ na ɓɛɛa akɛ phɛɛ.

1 Ɓakɔlítɔ 1:20

Cɔ, nto á kɔɓɔɔngɛ awani? Ngoisigi-ɛɔphi awani? Nto á úbapha á ka mokonda awani? Mokonga kákěti phɔ́ kɔɓɔɔngɛ ndea ka mokonda nde ka kobóbó?

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 2:12

Ɓesu, ɓékétɔi měma á ka mokonda ndee, ɓɛtɔi ndiu Měma nde atóki mɔtɛ á Mokonga ka gea, ɓéúbɛ kema bui nde ɗásóphi ka ɓonjánja-ékondi ndea Mokonga.

2 Ɓakɔlítɔ 10:10

Nga, ɓuangbo ɓáogea te: «Ɓaoɓa ndea Pɔ́lɔ akái na gbaga phɛɛ. Mbenɔ nde aoɓá sɔsɔɓɛ asu, áoɓá aɔlɔ, nyɔngɔ nɛkɛ â tɔ oɓá ecici.»

2 Ɓakɔlítɔ 4:7

Ɓesu íɓunde ɓekumbi ɛtɔi á ka měma ndɔ, ɓe gǎkɛ ɓea mbeka-toko. Mokonga ɗági ɓondɔ ka úbisa a ɓakpa gea, ɓukpɛkpɛ nɛkɛ aángbó, kátóki ka ɓesu sisasu.

Yakɔ́ɓɔ 2:5

Cɔ, ɓadani ékondi, ɔ́kani phɔ́! Nna phɔ́ Mokonga aámbé ɗáɛsɔmbu ɓaúki á ka mokonda gea, ɓáɓɛ ɓatɔi suɓi á ɓeekea na ɓátɔɛ phɔtɔ koɓoamɛ nde ɗáɛɓɔku ɓunde ɓánkondi?