1 Ɓakɔlítɔ 1:25 - Ɔngana á Kɛ̌kɛ

²⁵ Ka nyɔngɔ nde, kobóbó nde ɓáte Mokonga aně, ande kɔɓɔɔngɛ phɛɛ kɔnyɛ́nya kɔɓɔɔngɛ ndea ɓakpa. Ɓɔɔlɔ nde ɓáte Mokonga aně, ande ɓukpɛkpɛ phɛɛ kɔnyɛ́nya ɓukpɛkpɛ ndea ɓakpa.

1 Ɓakɔlítɔ 1:25 Iomraidhean Croise

1 Ɓakɔlítɔ 1:18

Nyɔngɔ á kukuwa á Yéso ka moyangɔ ande kobóbó ka ɓakpa nde ɓáɓúngigi, a gǎkɛ ɓukpɛkpɛ á Mokonga ka ɓesu íɓundɔ Mokonga asóamisi ka měma.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 2:14

Nkpa nde aseɓei tɔ ebigɔ nɛkɛ á kokpa, nnaɔtɔka n'aɓeeki nyɔngɔ nde atóki ka Měma á Mokonga. Nyɔngɔ ndɔ ande kobóbó ka yɛ. Nkpa ndɔ nnaɔtɔka n'aengekisi nyɔngɔ ndɔɔ. Nga, Měma á Mokonga tɔ unge aosópha aphe á tena á nyɔngɔ ánjá.

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

2 Ɓakɔlítɔ 13:4

Ande ɗoni gea, mbenɔ nde ɗáɓánkɔkɛigi Kiísito ka moyangɔ, nyama akɛ ɗáɔlɔmani. Kɛ̌kɛnde gǎkɛ aoenda ka ɓukpɛkpɛ ndea Mokonga. Ɓesu ɓateki phɔtɔ, ɓî ɓe kimoci na yɛ, ɓɛɔlɔmani. Ɓukpɛkpɛ ndea Mokonga abɛɗanagande gǎkɛ na ɓesu ka ɔlɔ anu.