1 Ɓakɔlítɔ 1:23 - Ɔngana á Kɛ̌kɛ

²³ Cɔ, ɓesu gǎkɛ, ɓɛɔphɛa nyɔngɔ á Kiísito ímbé ɗáɓánkɔkɛigi ka moyangɔ. Ka Ɓayúda, ande ephiphi ájeɗe. Ka ɓunde ɓáná Ɓayúda ande kobóbó.

1 Ɓakɔlítɔ 1:23 Iomraidhean Croise

Matáyɔ 11:6

Maseye ka nkpa nde káɗeketɛku ɓeekea nɛkɛ ka nyɔngɔ ani.»

Matáyɔ 13:57

Ɓî ɗáɓáúbi cina akɛ ɓákámɓeekeɛ. Yéso â gǎkɛ ǒngoɗea te: «Ɓáonɗokomisa mɔtu-nyɔngɔ ndea Mokonga ɔma bui. A ye gǎkɛ ojúa ka nji nɛkɛ á ɓɔkɔtɛana na k'ékombo nɛkɛ, ɓáɔmɓɛnjiaga.»

Lóka 2:34

Mpɔ, Simɛɔ́ni áobisa njaga gǔ aɓɔ, áongoɗea amakɛ Malía ɓe: «Eya, miki nde abiki gea, Ɓaisilaɛ́li ɓásii ɓáguande, ɓuangbo ɓâ gǎkɛ ǒmesia ka nyɔngɔ akɛ. Aɓande gǎkɛ mphangiɔ nde ɓakpa ɓáyande.

1 Ɓakɔlítɔ 1:18

Nyɔngɔ á kukuwa á Yéso ka moyangɔ ande kobóbó ka ɓakpa nde ɓáɓúngigi, a gǎkɛ ɓukpɛkpɛ á Mokonga ka ɓesu íɓundɔ Mokonga asóamisi ka měma.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 1:28

Mokonga ɗásɔmbu kema á kanga ɓophombia á ka mokonda na kema á jǎi-jǎi á ka mokonda na nnde nna na kantíti, ka túkatúka á kema nde ana ɓoombia.

1 Ɓakɔlítɔ 2:14

Nkpa nde aseɓei tɔ ebigɔ nɛkɛ á kokpa, nnaɔtɔka n'aɓeeki nyɔngɔ nde atóki ka Měma á Mokonga. Nyɔngɔ ndɔ ande kobóbó ka yɛ. Nkpa ndɔ nnaɔtɔka n'aengekisi nyɔngɔ ndɔɔ. Nga, Měma á Mokonga tɔ unge aosópha aphe á tena á nyɔngɔ ánjá.

1 Ɓakɔlítɔ 2:2

Ɓî ɗétú sɔsɔɓɛ anu, ɗékékondi gǎkɛ néúbɛ nyɔngɔ nɛngbo na nna tɔndɔ nyɔngɔ á Yéso Kiísito, mmbɔ ɗáɓámowe ka moyangɔ.

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

2 Ɓakɔlítɔ 4:5

Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

Ɓagalatía 3:1

Ɓagalatía ɓabóbó nde ca! Ani mmbé anɔɔgi mɔnɔ? Nyɔngɔ á kukuwa á Yéso ka moyangɔ ɗáɓátɔ̌migi ú base mosá anu.

Ɓagalatía 5:11

Ɓaya, k'éme gǎkɛ, aoɓá n'ande ɗoni gea, nɛɔtɔmiaga kantíti á nyɔngɔ á ganja, ámbé ɓátómotambisagande ye goto ka nyɔngɔ éke? Atúoɓá n'a ɓó ámbé tɔ̌miaga á nyɔngɔ á kukuwa á Yéso ka moyangɔ, kátóɓɛku ye nyɔngɔ á kangea ɓakpa.

Ɓagalatía 6:14

K'eme gǎkɛ, kéebebeku ka kema nɛngbo na nna tɔndɔ ka nyɔngɔ á moyangɔ ndea Mɔkɔta nɛsu Yéso Kiísito. Ka nyɔngɔ índɔ unge mokonda aku ka nyɔngɔ ani n'eme néokuwa ka nyɔngɔ í.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

1 Pɛ́tɛɛ 2:8

Ɓáɗundu phɔtɔ ɔma nɛngbo gea: «Ɛtɛ ndɔ ande ɛtɛ á ɓɛtɛkisa. Ande ekǒngo á gusisa.» Ɓakpa ndɔ ɗáɓáɓɛtɛkani ka nyɔngɔ nde, ɗáɓáyé ɔ́ka á nyɔngɔ ndea Mokonga, na moangɔ ndɔ tɔ unge Mokonga ɗábisi ka phɔa ɓɔ.