1 Ɓakɔlítɔ 1:20 - Ɔngana á Kɛ̌kɛ

²⁰ Cɔ, nto á kɔɓɔɔngɛ awani? Ngoisigi-ɛɔphi awani? Nto á úbapha á ka mokonda awani? Mokonga kákěti phɔ́ kɔɓɔɔngɛ ndea ka mokonda nde ka kobóbó?

1 Ɓakɔlítɔ 1:20 Iomraidhean Croise

Matáyɔ 13:22

Mbó nde ɗágú sɔsɔɓɛ á ngenge, a ɓea ɓundɔ ɓáɓeeki Nyɔngɔ ndea Mokonga, mɔphɛ á mokonda na siki ɛ́tɔi â gǎkɛ omowa Nyɔngɔ ndɔ a ka měma aɓɔ, kagɔmbisɛ mbuka.

Yoáni 12:31

Kɛ̌kɛnde unge Mokonga atenande nyɔngɔ á ka mokonda. Kɛ̌kɛnde, amɓeagande phɔtɔ moamɛ á ka mokonda ndee.

Ekuma á ɓateki 17:18

Ka ɓato á ubapha á ka nkíndí ndea Ɓaipikulíɔ na Ɓasitɔíkɔ, ɓáokpanga púa na Pɔ́lɔ. Ɓunɛngbo ɓáɔyɔnga gea: «Nto á eongo nde akondi yɔnga á kema sina?» Ɓuangbo goto: «A ɓea nkpa n'aɔtɔmiaga nyɔngɔ á ɓamokonga á mbɛa ɓunde ɓékéǒɓúba.» Ɗáɓáyɔngi ɓó nga, ɗáɓáɔmɔ́ka Pɔ́lɔ n'aɔtɔmiaga Mbino-Ánjá ndea Yéso na nyɔngɔ á jujúka á ɓasí ka kukuwa.

Ɓalɔ́ma 1:20

Nga, kpanga á ɓî Mokonga ɗáconji mokonda, ɓukpɛkpɛ nɛkɛ á mɛyɔ na ebigɔ nɛkɛ á ɓá Mokonga nnde nna kɔɔnɛkana, áɔɔnɛkana k'ékuma nde ɗábɛɗanigi. Ka ianaga á nyɔngɔ ndɔ, ɓakpa ɓáká n'aphe énganea.

Ɓalɔ́ma 1:22

Ɓáǒbeba gea ɓánde ɓato á kɔɓɔɔngɛ, na ɓá ndiu ɓabóbó.

1 Ɓakɔlítɔ 1:19

Ɓáɗundu suɓi á Ɓuku á Mokonga ɓe: «Netúkatúkande kɔɓɔɔngɛ ndea ɓato á kɔɓɔɔngɛ, neyande úbapha ndea ɓaúbaphi.»

1 Ɓakɔlítɔ 1:26

Ɓaya, kanisiani phɔ́ mɔphani nde Mokonga ɗánɔɔphani. Ande gea, ka ianaga á kokpa, sɔsɔɓɛ anu, ɓato á kɔɓɔɔngɛ ɓá tɔ ɓábɔa, ɓato á ɓukpɛkpɛ ɓá tɔ ɓábɔa, ɓato á ɓophombia ɓá tɔ ɓábɔa.

1 Ɓakɔlítɔ 1:27

Mokonga ɗásɔmbu gǎkɛ kema á kobóbó á ka mokonda ka kusa á ɓato á kɔɓɔɔngɛ na soni. Ɗásɔmbu phɔtɔ kema á ɓɔɔlɔ á ka mokonda ka kusa á ɓato á ɓukpɛkpɛ na soni.

1 Ɓakɔlítɔ 1:28

Mokonga ɗásɔmbu kema á kanga ɓophombia á ka mokonda na kema á jǎi-jǎi á ka mokonda na nnde nna na kantíti, ka túkatúka á kema nde ana ɓoombia.

1 Ɓakɔlítɔ 11:32

Cɔ, Mɔkɔta a gǎkɛ otena nyɔngɔ nɛsu na ɓɛta asu ka gea, ɓákátenɛmbɛ nyɔngɔ nɛsu akpɛ kimoci na ɓakpa nde ɓánáomúba Mokonga.

1 Ɓakɔlítɔ 2:6

Cɔ, nɛ tɔ ɔphɛa kɔɓɔɔngɛ ka ɓakpa nde ɓámɔti ka ɓeekea. Kɔɓɔngɛ ndɔ nna gǎkɛ á ka mokonda ndee, nna phɔtɔ á kɔkɔta á ka mokonda nde nnde aújukanande.

1 Ɓakɔlítɔ 2:8

Nna tanda na ka moamɛ á ka mokonda nde mmbé ɗáúbi kɔɓɔɔngɛ kau. Ɗáɓátúoúba, ámbé ɗáɓákánkɔkɛigi Mɔkɔta á ɓoombia ka moyangɔ.

1 Ɓakɔlítɔ 3:18

Cɔ, nkpa kědemɛ mɔnɔ sasakɛ. Aoɓá ka ɓenu moci n'aokanisia te, ande mɔɔngɛ á ka mokonda nde, áɓɛ mbóbó ka gea, áɓɛ ye tɔ mɔɔngɛ ɗoni.

1 Ɓakɔlítɔ 3:19

Nga, kɔɓɔɔngɛ ndea ka mokonda nde, ande kobóbó mosá á Mokonga. Cɔ, ɓáɗundu suɓi á Ɓuku á Mokonga ɓe: «Mokonga aǒkoɗa ɓato á kɔɓɔɔngɛ ka mɛ̌kɔ nɛɓɔ sasaɓɔ.»

1 Ɓakɔlítɔ 6:2

Ɓókóoúba gea, ɓakpa ndea Mokonga ɓáunge ɓátenaeka nyɔngɔ ndea ka mokonda? Cɔ, ɓî ɓotenaeka ú, ɓɔ́kɔ́ɔtɔka na ɓoteni nyɔngɔ ábɔbɔbɔa?

Yakɔ́ɓɔ 4:4

Ɓato á kanga ɓeekea nde ca! Ɓókóoúba gea, aoɓá nkpa n'abisi mɔphɛ akɛ ka nyɔngɔ á ka mokonda, ande mɓiɓia ndea Mokonga? Mmbé akondi bisa mɔphɛ akɛ ka kema á ka mokonda ande mɓiɓia ndea Mokonga.