1 Ɓakɔlítɔ 1:18 - Ɔngana á Kɛ̌kɛ

¹⁸ Nyɔngɔ á kukuwa á Yéso ka moyangɔ ande kobóbó ka ɓakpa nde ɓáɓúngigi, a gǎkɛ ɓukpɛkpɛ á Mokonga ka ɓesu íɓundɔ Mokonga asóamisi ka měma.

1 Ɓakɔlítɔ 1:18 Iomraidhean Croise

Ekuma á ɓateki 13:41

‹Ɔ́nani phɔ́, ɓato á ɛkɛɛkɛɛ nde ca! Yayamani, ɓóɓungɛgɛ. Nga, nɛtɔtɔkisande ekuma ángbó ka matú nɛnu. Nanga ɓánɔtɔmiaga ɗoni, ɓókóɓeekeɛku.›»

Ekuma á ɓateki 17:18

Ka ɓato á ubapha á ka nkíndí ndea Ɓaipikulíɔ na Ɓasitɔíkɔ, ɓáokpanga púa na Pɔ́lɔ. Ɓunɛngbo ɓáɔyɔnga gea: «Nto á eongo nde akondi yɔnga á kema sina?» Ɓuangbo goto: «A ɓea nkpa n'aɔtɔmiaga nyɔngɔ á ɓamokonga á mbɛa ɓunde ɓékéǒɓúba.» Ɗáɓáyɔngi ɓó nga, ɗáɓáɔmɔ́ka Pɔ́lɔ n'aɔtɔmiaga Mbino-Ánjá ndea Yéso na nyɔngɔ á jujúka á ɓasí ka kukuwa.

Ekuma á ɓateki 17:32

Ɓî ɓato á ka Atɛ́nɛ ɓáɔ́ki ye nyɔngɔ á jujúka á ɓasí ka kukuwa, ɓuangbo ɓáɔntɛbɛa, ɓuangbo ɓâ gǎkɛ ogea te: «Ɓɛɔ́kande goto n'ɔɔyɔnga nyɔngɔ ndɔ esa nɛngbo.»

Ekuma á ɓateki 2:47

Ɓaɓêki ɗáɓáombeba Mokonga, ɓakpa ɓɔbu ɓáǒkonda. Mɔkɔta Mokonga áoyamea ɓunde aéamisi ka měma ka nkíndí á ɓaɓêki.

Ɓalɔ́ma 1:16

Cɔ, kéokuwa na soni ka tɔ̌mia Mbino-Ánjá nga, ande ɓukpɛkpɛ nde Mokonga aɔbɛɗaneaga ka amisa nkpa buakɛ mmbé aomɓeekea Yéso. A phɔ́ kǒamisa Ɓayúda, mbusa í, â phɔtɔ ǒamisa ɓunde ɓáná Ɓayúda.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 15:2

Mbino-Ánjá ndɔ, ande phɔtɔ aphe á ɓoamia anu ka měma, aoɓá na ɓodungi ánjá ka měma ɓíndɔ ɗénɔtɔ̌mi. Kaɓɛ na nna ɓó, ámbé ɓeekea nɛnu a tɔ jǎi.

1 Ɓakɔlítɔ 2:14

Nkpa nde aseɓei tɔ ebigɔ nɛkɛ á kokpa, nnaɔtɔka n'aɓeeki nyɔngɔ nde atóki ka Měma á Mokonga. Nyɔngɔ ndɔ ande kobóbó ka yɛ. Nkpa ndɔ nnaɔtɔka n'aengekisi nyɔngɔ ndɔɔ. Nga, Měma á Mokonga tɔ unge aosópha aphe á tena á nyɔngɔ ánjá.

1 Ɓakɔlítɔ 2:2

Ɓî ɗétú sɔsɔɓɛ anu, ɗékékondi gǎkɛ néúbɛ nyɔngɔ nɛngbo na nna tɔndɔ nyɔngɔ á Yéso Kiísito, mmbɔ ɗáɓámowe ka moyangɔ.

1 Ɓakɔlítɔ 3:19

Nga, kɔɓɔɔngɛ ndea ka mokonda nde, ande kobóbó mosá á Mokonga. Cɔ, ɓáɗundu suɓi á Ɓuku á Mokonga ɓe: «Mokonga aǒkoɗa ɓato á kɔɓɔɔngɛ ka mɛ̌kɔ nɛɓɔ sasaɓɔ.»

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

2 Ɓakɔlítɔ 10:4

Nkumba émani nɛsu nna á kokpa, a ndiu á ɓukpɛkpɛ ndea Mokonga, nnde aɔgɔɓa ɓukpɛkpɛ á ɓaɓiɓia. Ɓeotúkatúka kanisia ájeɗe,

2 Ɓakɔlítɔ 4:3

Aoɓá ɓakpa ɓuangbo na ɓánáoengekisa Mbino-Ánjá ndea Mokonga, ɓá ɓea ɓakpa na ɓáɗaki iso aɓɔ na bɔngɔ. A tɔ ɓó ka ɓakpa nde ɓáoɓúngaga.

1 Ɓatɛsalɔníka 1:5

A ɓó, ka nyɔngɔ nde, ɓî ɗɛ́ɓɛnɔ́tɔ̌migi Mbino-Ánjá ndea Mokonga, ɗáná tɔndɔ ka yɔnga, ɗátú ndiu ka ɓukpɛkpɛ ndea Měma á kanga ɓojeɗe. Ɗéɓebisi měma asu kau gea, ande ɗoni. Ɓoúbi phɔtɔ tambea asu ɓî ɗéɓeiki sɔsɔɓɛ anu, na ɗátú ánjá ka ɓenu.

2 Ɓatɛsalɔníka 2:10

Ageande ɓojeɗe á odemayɔ bubui ka dema á ɓakpa ɓunde ɓákeni na ɓungaga nga, ɗáɓákáɓeeki na konda ɗoni nde ɗáɔtɔka amisa aɓɔ ka měma.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 4:12

Úbani gea, nyɔngɔ á Mokonga ana ɓukpɛkpɛ, a phɔtɔ ɔtɔka tɔtɔkisa kema ásii. Aophea phɛɛ ɓea ngɔa nde aophea nci gbɔgbɔ. Aongia na tɔngana suɓi á měma asu phɛɛ, áoga ojúa ka ɔngɔkanaga na mɛngɛ, áobisa ú base. Aotena nyɔngɔ á mɔphɛ na kanisia ndea ka měma á nkpa.