1 Ɓakɔlítɔ 1:1 - Ɔngana á Kɛ̌kɛ

^1-2 Ka ɓato á kanisa ndea Mokonga, nnde á ka Kɔlítɔ, sambani. Eme Nteki Pɔ́lɔ aámbé nenóɗundui ɓaoɓa ndee. Yéso Kiísito aámbé ɗámɔɔphani ɓíndɔ Mokonga ɗákondi. Muna-amasu Sɔsitɛ́ni anósambei phɔtɔ. Kiísito ɗánɔɔphani ka gea, ɓóɓɛ ɓakpa nɛkɛ. Ɓo goto tɔ k'ékombo nde ɓáɔmɛma Mɔkɔta nɛsu Kiísito Yéso k'ɔ́ma bui. Yɛ ande Mɔkɔta nɛsu na Mɔkɔta ndea ɓaɓêki ɓɔbu.

1 Ɓakɔlítɔ 1:1 Iomraidhean Croise

Lóka 6:13

Kamɓimba, áɔ̌ɔphana ɓagoigi nɛkɛ, áɔ̌sɔmbɔa ka ɓɔ nkama na ɓaɓɛ (12), â phɔtɔ ǒsua ɓateki.

Yoáni 15:16

Ɓókómɔsɔmbu, eme aámbé nɛnɔsɔmbu ndiu, na néonoteka ka gea, ɓógɛgɔmbisɛ mbuka á ka měma, nnde aoiphia phɛɛ. Kaɓondɔ, Abɛ anóphande kema bui nnde ɓɔmɛmande yɛ k'ína ani.

Yoáni 20:21

Yéso â goto ǒngoɗea: «Ɓáni na ɓujɛjɛ! Eme nenoteki phɔtɔ ɓíndɔ Abɛ ɗámoteki.»

Ekuma á ɓateki 1:15

K'ésa ndɔ, ɓaɓêki nde ɗáɓádondanigi, ɗáɓátú ɓea ɓakpa mia moci nkama-iɓɛ (120). Mpɔ, Pɛ́tɛɛ áoma sɔsɔɓɛ aɓɔ, áǒgeae:

Ekuma á ɓateki 1:2

na ka ɓî age osungiaga k'ésa ndɔ Mokonga ɗantáisi na koba. Mosá á táia akɛ, ɗáɛsɔmbu ɓateki nɛkɛ, áɔ̌ɔkusaga ka ɓukpɛkpɛ á Měma á kanga ɓojeɗe.

Ekuma á ɓateki 18:17

Wa, ɓakpa ɓɔbu ɓáondunga Sɔsitɛ́ni, moamɛ éndu á madondanɔ ndea Ɓayúda ka nyɔngɔ á Mokonga, ɓáɔmɓɛtaga mosá á ntua á tena nyɔngɔ. Galíɔ kageɛ gǎkɛ ka kema.

Ekuma á ɓateki 22:21

Mpɔ Mɔkɔta áomogea: ‹Gǎ tɔ nga, eme, nekotekande ɗanga ka ɓakpa nde ɓáná Ɓayúda.›»

Ɓalɔ́ma 1:1

Ka ɓaɓêki ndea ka Lɔ́ma, sambani. Cɔ, eme Pɔ́lɔ mbɛɗanigi ndea Kiísito Yéso aámbé neɗundu ɓaoɓa ndee. Mokonga ɗámɔɔphani ka gea néɓɛ nteki, ɗámɔsɔmbu ka tɔ̌miaga Mbino-Ánjá nɛkɛ.

Ɓalɔ́ma 1:10

Mbenɔ bui nde nɛɔmɛma Mokonga, neongoɗea gea kaɓɛ n'akondi, ákoɗɛ kani aphe négɛ mɔtɛ-anu.

Ɓalɔ́ma 1:5

Ka nyɔngɔ á Yéso unge Mokonga ɗámopi ɓonjánja-ékondi na ekuma á ɓá nteki, ka úbisa á ɓato á ekuna bui gea te, ka ina akɛ ɓámɓeekeɛ na ɓámɓangɛ.

1 Ɓakɔlítɔ 15:9

nga, nende miki sɔsɔɓɛ á ɓateki ɓɔbu. Kékeni tanda, ɓámɔɔphanɛ nteki ka nyɔngɔ nde ɗétambisigi kanisa ndea Mokonga.

1 Ɓakɔlítɔ 3:9

Nga, ɓɛɔmbɛɗaneaga Mokonga kimoci. Na ɓenu, ɓonde ciko na mɔphɛkɔ ndea Mokonga.

2 Ɓakɔlítɔ 1:1

Ka ɓato á kanisa ndea Mokonga, ɓunde ɓá ka Kɔlítɔ, na ka ɓaɓêki ɓɔbu á ka Akáya, sambani! Eme nteki Pɔ́lɔ aámbé neɗundu ɓaoɓa nde kimoci na Timɔtɛ́ɔ. Nende nteki nde ɓa Kiísito Yéso ka nyɔngɔ á mɔphɛ á Mokonga.

2 Ɓakɔlítɔ 11:5

Cɔ, neokanisia te, ɓateki ndɔ ɓǒseɓei, ɓákámɔnyɛ́nyi gǎkɛ ka kema.

2 Ɓakɔlítɔ 12:12

Ɗɔ́ɓɔɔni nyɔngɔ ɗanga-ɗanga á nteki n'aɔtɔtɔkɛana sɔsɔɓɛ anu: Ɓá na měma á phiphia ka tombaga bui, mphangiɔ á ketangaɔ, ketangaɔ na kema á ɓukpɛkpɛ.

2 Ɓakɔlítɔ 8:5

Ɓáogaba kɔnyɛ́nya nseɓeɔ nɛsu. Nga, ɗáɓáebisi ka njaga á Mɔkɔta sasaɓɔ. Mpɔ, ɓáoɓeekea nyɔngɔ nɛsu bui ɓíndɔ Mokonga ɗákondi.

Ɓagalatía 1:1

Ka ɓaɓêki á ka Galatía sambani! Eme Pɔ́lɔ aámbé neɗundu ɓaoɓa ndee. Nende nteki, nna ka mɔphɛ á ɓakpa na nna nkpa aámbé amoɓǒtei. Yéso Kiísito na Abakɛ Mokonga mmbé ɗánjujúkisi ka ɔlɔ á ɓasí aámbé amoteki.

Ɓaɛphɛ́sɔ 1:1

Ka ɓaɓêki á ka Ɛphɛ́sɔ sambani! Eme Pɔ́lɔ nende nteki nde ɓa Kiísito Yéso ka mɔphɛ á Mokonga. Nenóɗundui ɓenu ɓato á Mokonga ka Ɛphɛ́sɔ ɓunde ɓoɓeeki suɓi á ɔngana na Yéso Kiísito.

Ɓaɛphɛ́sɔ 4:11

Cɔ, yɛ aámbé amophi nkpa na nkpa egabɔ ínɛkɛ. Aebisi ɓuangbo ɓáɓɛ ɓateki, ɓuangbo ɓaɔtu-nyɔngɔ ndea Mokonga, ɓuangbo ɓatɔmigi-Mbino-Ánjá ndea Mokonga, ɓuangbo ɓaámbi-kanisa na ɓagoisigi.

Ɓakɔlɔsái 1:1

Ka ɓaɓêki á ka Kɔlɔsái, sambani! Eme Pɔ́lɔ nteki nde ɓa Kiísito Yéso ka mɔphɛ ndea Mokonga aámbé neɗundu ɓaoɓa ndee kimoci na dasu Timɔtɛ́ɔ.

1 Timɔtɛ́ɔ 1:1

Ka Timɔtɛ́ɔ miki nɛmɔ á ɗoni suɓi á ɓeekea samba. Eme Pɔ́lɔ nteki nde ɓa Yéso Kiísito, ka kɔkɔta ndea Mokonga Namisi nɛsu, n'índe á Yéso Kiísito mmbé ɓenseɓei, eme aámbé nekoɗundui ɓaoɓa ndee. Ambe Abɛ Mokonga na Mɔkɔta nɛsu Yéso Kiísito ákophɛ ɓonjánja-ékondi, áokuiɛ ngomi na ákophɛ ɓujɛjɛ.

1 Timɔtɛ́ɔ 2:7

Ka nyɔngɔ índɔ unge Mokonga ɗámobisi ntɔmigi-mbino na nteki, ka goisaga ɓunde ɓáná Ɓayúda nyɔngɔ á ɓeekea na ɗoni. Kɛ́ɔyɔnga mbɛa, ne tɔ ɔyɔnga ɗoni.

2 Timɔtɛ́ɔ 1:1

Ka Timɔtɛ́ɔ, miki nɛmɔ ékondi samba. Eme Pɔ́lɔ, nteki nde ɓa á Kiísito Yéso, k'ékondi ndea Mokonga aámbé nekoɗundui ɓaoɓa ndee. Amopi ekuma á úbisa a mɔkɔ á enda, nnde a ka moangɔ ndea Kiísito Yéso. Ɓonjánja, ngomi, na ɓujɛjɛ áɓɛ n'oɓɛ k'ína á Abasu Mokonga na Mɔkɔta nɛsu Kiísito Yéso.