Yûhenna 17:23 - Пәймана Ну (Инщил)

²³ Әз нава ԝанда, Тӧ жи нава Мьнда, ԝәки әԝ тʼьфаԛеда лап гьһишти бьн у дьнйа бьзаньбә кӧ Тә Әз шандьм у ӧса ԝан һʼьз дьки, чаԝа Мьн һʼьз дьки.

Kurmanji Încîl

²³ Ez bi wan re, tu jî bi min re, da ku ew bigihîjin yekîtiyeke temam û dinya bizane ku te ez şandime û çawa ku tu ji min hez dikî, tu ji wan jî hez dikî.

Peymana Nû (Încîl)

²³ Ez nava wanda, Tu jî nava Minda, wekî ew tʼifaqêda lap gihîştî bin û dinya bizanibe ku Te Ez şandim û usa wan hʼiz dikî, çawa Min hʼiz dikî.

کتاب مقدس به زبان کردی شیکاکی

²³ اَز ناو واندا و تِ ناو مِدا، گو اَو کامِل بِبِنَ یگ، گو وِسا دُنیا بِزانیت تَ اَز رِگِرِمَ، و هَ وِسا گو تِ هَژَ مِن دِگَی، هَژَ وان ژی دِگَی.

Yûhenna 17:23 Iomraidhean Croise

Yûhenna 17:21

ԝәки һʼәму жи бьбьнә йәк. Баво, чаԝа Тӧ нава Мьнда йи у Әз нава Тәда мә, ӧса жи бьра әԝ нава Мәда бьн, бь ви аԝайи дьнйайе баԝәр бькә, кӧ Тә Әз шандьмә.

Yûhenna 16:27

Бав Хԝәха ԝә һʼьз дькә, чьмки ԝә Әз һʼьз кьрьмә у баԝәр кьрийә кӧ Әз жь щәм Хԝәде һатьмә.

یوحنا 1 3:1

Бьньһерʼьн, Баве әм чаԝа һʼьз кьрьн, ԝәки әм зарʼед Хԝәде бенә готьне у рʼаст жи әм әԝ ьн. Ләма дьнйа мә нас накә, чьмки әԝ жи нас нәкьр.

Yûhenna 13:35

Бь ве йәке һʼәмуйе заньбьн һун шагьртед Мьн ьн, һәгәр һун һәвдӧ һʼьз бькьн».

یوحنا 1 1:3

Әԝ тьште кӧ мә дит у бьһист әм ԝәрʼа жи дьбежьн, ԝәки һун жи мәва тʼәвгьредайи бьн у әв тʼәвгьредана мә жи тʼәви Бав у Кӧрʼе Ԝи Иса Мәсиһ ә.

Petrûs I 5:10

Ле Хԝәдейе тʼәмамийа кʼәрәме, Йе кӧ пе Мәсиһ һун гази рʼумәта хԝәйә һʼәта-һʼәтайе кьрьнә, пәй һьнәк щәфа дитьнерʼа, ԝе Хԝәха ԝә кʼамьл кә, бьшьдинә, ԛәԝат кә, хԝәйибьнгәһ кә.

Kolosî 3:14

У сәр ван һʼәмуйада һʼьзкьрьне ль хԝә кьн, йа кӧ ван һʼәмуйа бь йәктийа тʼам һәвва гьредьдә.

Yûhenna 17:26

Мьн Тӧ ԝанва дайи әʼйанкьрьне у Әзе һе бьдьмә әʼйанкьрьне, ԝәки әԝ һʼьзкьрьна кӧ Тә Әз пе һʼьз кьрьмә нава ԝанда бә у Әз жи нава ԝанда бьм».

Yûhenna 17:24

Йа Баво, Әз дьхԝазьм ԝәки йед кӧ Тә данә Мьн, Әз ль кʼӧ бьм, әԝ жи тʼәви Мьн бьн, ԝәки әԝ рʼумәта кӧ Тә дайә Мьн бьбиньн, чьмки һе бәри әʼфьрандьна дьнйайе Тә Әз һʼьз кьрьмә.

Korîntî I, 1:30

Әԝи һун тʼәви Мәсиһ Иса кьрьн у Мәсиһ бона мә кьрә сәрԝахти. Әм бь Ԝи рʼаст тенә һʼәсабе, пироз у аза дьбьн.

Yûhenna 14:23

Иса ле вәгәрʼанд у готе: «Һәр кәсе кӧ Мьн һʼьз бькә, ԝе готьна Мьн хԝәй кә, Баве Мьне жи ԝи һʼьз бькә у Әме бенә щәм ԝи, тʼәви ԝи бьминьн.

Yûhenna 14:10

Тӧ баԝәр наки кӧ Әз нава Баведа мә у Бав нава Мьнда йә? Әв хәбәред кӧ Әз ԝәрʼа дьбежьм, нә кӧ хԝәсәрихԝә дьбежьм, ле әԝ Баве кӧ нава Мьнда дьминә, Әԝ ә кӧ йа Хԝә дькә.

Kolosî 2:2

Әз аһа дькьм, ԝәки дьлшьдийайи бьн, һʼьзкьрьнеда бьбьн йәк у бьгьһижьнә тʼәмамийа дәԝләмәндтийа фәʼмдарийе. Һьнге әԝе сӧрʼа Хԝәде нас кьн, кӧ Мәсиһ ә.

Filîpî 3:15

Аԝа жь мә һʼәмуйа, иди кʼи «гьһишти» йә, гәрәке аһа бьфькьрә. Ле һәгәр тьштәки дьн жи дьле ԝәда һәбә, әԝе йәке жи Хԝәде ԝе бәр ԝә вәкә.

Galatî 3:28

Иди фьрԛи нә нава щьһу у нәщьһуйада һәйә, нә нава хӧлам у азайада, нә жи нава мера у жьнада, чьмки һун һʼәму жи йәк ьн йәктийа Мәсиһ Исада.

Korîntî II, 5:21

Әԝи кӧ һәләԛәтийа Ԝи тʼәви гӧна тʼӧнәбу, Хԝәде Әԝ бона мә кьрә һәвал-пʼаре гӧна, ԝәки әм йәктийа Ԝида бьбьнә һәвал-пʼаред рʼастийа Хԝәде.

Yûhenna 6:56

Әԝе кӧ бәдәна Мьн дьхԝә у хуна Мьн вәдьхԝә, әԝ нава Мьнда дьминә, Әз жи нава ԝида.

Yûhenna 3:17

Чьмки Хԝәде Кӧрʼе Хԝә нәшандә дьнйайе, кӧ диԝана дьне бькә, ле ԝәки дьнйа пе Ԝи хьлаз бә.

یوحنا 1 4:19

Әм һʼьз дькьн, чьмки Әԝи пешда әм һʼьзкьрьн.

Kolosî 1:28

Әм Ԝи даннасин дькьн, һәр кәси ширәт дькьн, һәр кәси бь һʼәму сәрԝахтийе һин дькьн, ԝәки һәр кәси йәктийа Мәсиһда гьһишти ль бәр Хԝәде бьдьнә сәкьнандьне.

Yûhenna 10:38

Ле ԝәки дькьм, һәгәр һун Мьн баԝәр накьн жи, һәма ԝан кьред кӧ Әз дькьм баԝәр бькьн, ԝәки һун бьзаньбьн у фәʼм кьн, кӧ Бав нава Мьнда йә у Әз нава Ԝида мә».

Yûhenna 15:9

Бав чаԝа Мьн һʼьз дькә, Әз жи ӧса ԝә һʼьз дькьм. Һʼьзкьрьна Мьнда бьминьн.

Yûhenna 17:3

Әв ә жийина һʼәта-һʼәтайе, ԝәки әԝ Тә нас кьн, чаԝа Хԝәдейе рʼасти бешьрики-беһәвал у ӧса жи Иса Мәсиһе кӧ Тә шандийә.

Yûhenna 17:8

Әԝ хәбәред кӧ Тә данә Мьн, Мьн жи данә ԝан у ԝана әԝ ԛәбул кьр, әԝе рʼастийе пе һʼәсийан, кӧ Әз жь Тә һатьмә у баԝәр кьрьн кӧ Тә Әз шандьмә.

Yûhenna 17:11

Ньһа Әз темә щәм Тә, Әз иди нә дьнйайеда мә, ле әԝана дьнйайеда нә. Йа Баве Пироз! Пе ԝи наве Хԝәйи кӧ Тә дайә Мьн ван хԝәй кә, ԝәки бьбьн йәк, чаԝа Әз у Тӧ йәк ьн.

Peyxam 3:9

Бьньһерʼә, һьнәкә жь кʼьништа мирещьн һәнә, йед кӧ дьбежьн: ‹Әмә щьһу нә›, ле рʼаст нә щьһу нә, әԝ дәрәԝа дькьн. Ва Әзе пʼейи сәр ԝан кьм, кӧ әԝ бен у ль бәр ньгед тә та бьн у бьзаньбьн Әз тә һʼьз дькьм.