Psom 98:1 - Nouvo Testaman Kreol Morisien Harmonisation NTPS KM

¹ Anou sant enn nouvo sante pou LESEGNER ki finn fer bann explwa merveye! Zis ar so pouvwar ek so lafors sakre li finn sorti vinker.

Kreol Morisyen OT Portions

¹ Anou sant enn nouvo sante pou LESEGNER ki finn fer bann explwa merveye! Zis ar so pouvwar ek so lafors sakre li finn sorti viktorye.

Psom 98:1 Iomraidhean Croise

Psom 105:5

Rapel bann mervey ki li finn fer, so bann mirak ek bann zizman li finn prononse,

Psom 136:4

Zis li tousel ki kapav fer bann gran mirak; so lamour infini li eternel.

Psom 139:14

Mo loue twa parski to finn kree mwa enn vre mervey, tou seki to fer li enn mervey, sa mo bizin rekonet.

Psom 149:1

Alelouya! Sant enn nouvo sante pou selebre LESEGNER; Sant so laglwar dan lasanble so pep fidel.

Psom 33:3

Sant sante ki zorey pa finn ankor tande; zwe bann instriman ar talan e kriy zot lazwa.

Psom 72:18

Nou tou, anou loue LESEGNER, Bondie Izrael! Li tousel kapav fer mirak extraordiner.

Psom 77:14

To tousel Bondie ki fer bann aksion etonan, ki ti montre tou bann tribi to gran pouvwar

Psom 86:10

Tomem pli gran e to finn fer bann mervey; Pena lot bondie ki twa, to tousel Bondie.

Psom 89:14

To rwayom finn konstrir lor drwatir ek lazistis; lamour ek fidelite prezan dan tou seki to fer.

Psom 96:1

Anou sant enn nouvo sante pou LESEGNER! Tou kreatir dan liniver, sant laglwar LESEGNER!

Psom 96:3

Anou anons so laglwar ar tou bann nasion; anons so bann explwa ar tou bann pep.

Lk 1:49

parski Bondie Toupwisan finn fer bann mervey pou mwa. So nom sin.

Zn 16:33

Mo finn dir zot tousala pou zot gagn lape an mwa. Lemond pou fer zot soufer; me gard kouraz, mo finn sorti vinker lor lemond.”

Zistwar Bann Zapot 19:20

Koumsa mem parol Lesegner ti fann partou e ti pe grandi avek lafors.

Zistwar Bann Zapot 2:11

Kret ek Arabi; ena ki finn ne Zwif, ena ki finn konverti dan relizion Zwif, me pourtan nou tou tann zot pe rakont mervey Bondie sakenn dan nou bann langaz!”

Let pou Kolosien 2:15

Li finn depouy bann Lespri e bann Lafors, tou dimounn trouve ki li finn dezarm zot, li finn trenn zot dan kortez laviktwar so lakrwa.

Revelasion 14:3

Zot ti pe sant enn kantik nouvo devan tronn e devan sa kat kreatir-la ek devan bann ansien. Personn pa ti kapav aprann sa kantik-la exsepte sa san karann-kat mil ki ti finn sove la.

Revelasion 17:14

Zot pou konbat kont Agno me Agno pou bat zot parski limem Segner tou bann segner ek Lerwa tou bann lerwa. Avek li, bann ki Bondie finn apele ek swazire, bann fidel, pou osi vinker.”

Revelasion 3:21

Dimounn ki gagn laviktwar, mo pou permet li asiz lor mo tronn parey kouma mwa osi, apre ki mo ti gagn laviktwar, mo ti asiz avek mo papa lor so tronn.

Revelasion 5:9

Zot sant enn nouvo kantik: “To merit pran liv-la e kas so bann sele parski zot finn touy twa, e avek to disan, to finn raste pou Bondie, dimounn toutsort tribi, langaz, pei ek nasion.

Revelasion 6:2

Mo gete e mo trouv enn seval blan. Dimounn ki ti pe mont li la, ti ena enn ark; zot ti donn li enn kouronn; lerla li ti ale kouma enn vinker pou gagn ankor laviktwar.