Psom 89:4 - Nouvo Testaman Kreol Morisien Harmonisation NTPS KM

⁴ "Lor tronn pou ena touletan to desandan; dinasti David pou dire eternelman.”

Kreol Morisyen OT Portions

⁴ ‘Lor tronn pou ena toultan to desandan; dinasti David pou dire eternelman.‘”

Psom 89:4 Iomraidhean Croise

Psom 132:11

LESEGNER ti fer enn promes ar David, promes ki li pa pou renie: “Enn to bann garson pou vinn lerwa e li pou regne apre twa.

Psom 132:12

Si to bann garson res fidel ar nou lalians e swiv bann instriksion ki mo done, zot zanfan ek zanfan zot zanfan pou vinn lerwa osi lontan ki lavi existe.”

Psom 72:17

Fer ki lerwa so nom res dan nou memwar; fer ki so repitasion dire osi lontan ki lalimier soley. Tou bann pep pou konn benediksion par li, e zot pou deklar li bienere.

Psom 89:1

SEGNER, mo pou touzour sant to lamour infini; mo pou servi mo lavwa pou proklam to fidelite ar zenerasion fitir.

Psom 89:29

So dinasti pou dire osi lontan ki ena lesiel; so desandan pou touletan asiz lor tronn.

Psom 89:36

So tronn pou touletan ena eritie; mo pou vey so rwayom tanki soley briye;

Psom 89:50

Rapel, Segner, mwa to serviter fidel, mo gagn bann insilt; tou bann lezot nasion modi mwa.

Let pou Romin 15:12

Izai osi ekrir: “Desandan Zese pou vini li pou leve pou gouvern bann non-Zwif e zot pou met zot lesperans dan li.”

Revelasion 22:16

“Mwa, Zezi, mo finn avoy mo anz kot bann Legliz ar sa temwaniaz-la: ‘Mo enn desandan David, zetwal ki briye gramatin.’ ”