Psom 86:1 - Nouvo Testaman Kreol Morisien Harmonisation NTPS KM

¹ SEGNER, ekout mwa e exos mo lapriyer. Mo pov, mo feb e mo san resours.

Kreol Morisyen OT Portions

¹ SEGNER, ekout mwa e ekzos mo lapriyer. Mo pov, mo feb e mo san resours.

Psom 86:1 Iomraidhean Croise

Psom 10:14

Tousala pa vre! To bien trouv tou. To kone ena problem ek soufrans e to pran tou dan to lame. Bann ki feb ek san defans zot remet zotmem dan to lame. To finn touletan vinn osekour orfelin.

Psom 102:1

SEGNER, ekout mo lapriyer; ekout mwa kriye mo detres.

Psom 102:17

Li pou tann soufrans so pep abandone e li pou exos zot lapriyer.

Psom 119:22

Protez mwa kont zot mepri ek zot insilt parski mwa mo respekte to lord.

Psom 140:12

Mo kone ki LESEGNER pran par bann pov; li defann drwa bann ki bizin so led.

Psom 142:1

Avek tou mo lafors mo dimann LESEGNER ed mwa; avek tou mo lafors mo sipliy LESEGNER.

Psom 17:6

Mo apel twa O Bondie parski mo kone to pou reponn mwa; mo sipliy twa ekout mwa ar pasians, ekout parol ki mo pe dir twa.

Psom 25:16

Tourn ver mwa, SEGNER, ena pitie pou mwa, parski mo tousel ek mo dan lapenn.

Psom 31:2

Ekout mo lapriyer; vinn delivre mwa vit. Tomem sitadel ki protez mwa; tomem fortres ki sov mwa.

Psom 34:6

Enn malere kriy osekour; LESEGNER finn tann li, e finn sov li dan tou so detres.

Psom 40:17

Mo feb ek pov, Segner, me zame to finn bliye mwa. Tomem mo sover, mo liberater, mo Bondie, pa tarde pou ed mwa!

Mt 5:3

“Bienere zot ki pov dan zot lespri, Rwayom Bondie li pou zot.

Lk 4:18

“Lespri Lesegner lor mwa, parski Li finn konsakre mwa par lonksion pou anons bann pov Bonn Nouvel. Li finn avoy mwa proklam delivrans bann seki an kaptivite, pou ki bann aveg trouv kler, pou ki bann oprime retrouv zot liberte,

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.